Coronavirus in napgur : नागपुरात सक्रिय रुग्ण १७८वर

नागपूर : करोनाचा संसर्ग कमी झाला असल्याने जिल्ह्यात सक्रिय रुग्णांची संख्या १७८ वर आली आहे. शनिवारी ४२ रुग्ण पॉझिटिव्ह आढळले असून चौघांचा मृत्यू झाला. मृत्यू झालेल्यांमध्ये दोघे शहरातील आणि दोघे जिल्ह्याबाहेरील आहेत. ग्रामीणमध्ये शनिवारी एकाचाही मृत्यू झाला नाही.

शनिवारी ८ हजार ३२२ तपासण्यांचा अहवाल प्राप्त झाला. यात शहरात २८ आणि ग्रामीणमध्ये १२ रुग्ण पॉझिटिव्ह आढळले. दोघे जिल्ह्याबाहेरील आहेत. आतापर्यंत ३० लाख ९१ हजार ४८६ तपासण्या करण्यात आल्या असून एकूण बाधितांची संख्या ४ लाख ७७ हजार १७६ झाली आहे. पॉझिटिव्ह आढळलेल्यांपैकी ४ लाख ६७ हजार ९६९ रुग्ण बरे झाले असून बरे झालेल्यांची टक्केवारी ९८.०७ झाली आहे. शनिवारी ८४ रुग्ण बरे झाले.

जिल्ह्यातील स्थिती

पॉझिटिव्ह : ४२

मृत्यू : ४

दैनिक तपासण्या : ८,३२२

सक्रिय बाधित : १७८

बरे झालेले : ९८.०७