म.टा. विशेष प्रतिनिधी, नागपूर
शालिमार एक्स्प्रेसमधून पडून गंभीर जखमी झालेल्या दाम्पत्याला तीन दिवसांच्या उपचारानंतर बुधवारी सायंकाळी लोहमार्ग पोलिसांनी हावड्याला रवाना केले. अलमगिरी खान (वय ३२) व हनुफा बेगम (वय २८), अशी या दाम्पत्याची नावे असून, त्यांच्यावर मेयो हॉस्पिटलमध्ये उपचार सुरू होते.
सोमवारी दुपारी १२.३० वाजताच्या सुमारास अजनी-खापरीदरम्यान शालिमार एक्स्प्रेसमधून हे दाम्पत्य खाली पडले होते. त्यांच्यासह त्यांची सहा वर्षांची मुलगीही होती. मात्र, ती आत बर्थवर बसली होती. सहप्रवाशांना हे दोघे खाली पडल्याचे लक्षात येताच त्यांनी साखळी ओढून गाडी थांबवली. त्यानंतर गार्डच्या डब्यातून त्यांना जखमी अवस्थेत नागपूरला आणल्यावर लोहमार्ग पोलिसांनी त्यांना मेयो हॉस्पिटलमध्ये दाखल करण्यात आले होते. दोघांच्याही डोक्याला गंभीर इजा झाली होती. हावडा येथील रहिवासी असलेले हे पती- पत्नी कपड्यांवर कलाकुसरीची कामे करतात. याच कामासाठी ते सुरतला गेले होते. तेथे असतानाच २२ जून रोजी हावड्यावरून त्यांच्या एका नातेवाईकाने फोन करून अलमगिरीला वडिलांचा मृत्यू झाल्याची बातमी दिली. त्यामुळे हावड्याला परत जाण्यासाठी ते आधी मुंबईला गेले व तेथून शालिमार एक्स्प्रेसच्या जनरल बोगीने पुढील प्रवासाला निघाले. दरम्यान मुंबईतच अलमगिरीचे पाकीटही कोणीतरी उडविले. त्यामुळे मोजक्या पैशांसह त्यांचा प्रवास सुरू होता.
वडिलांच्या निधनाचा धक्का, गाडीत झालेले रात्रभरचे जागरण, अशा स्थितीत ते दाराजवळ बसून तणावात प्रवास करीत असतानाच त्यांचा तोल गेला व खाली पडले. लोहमार्गचे हेड कॉन्स्टेबल विजय मरापे, कॉन्स्टेबल जयश्री बुराडे, रंजना कोल्हे, अक्षय पवार यांनी त्यांच्यावर तातडीने उपचार व्हावेत, यादृष्टीने धावपळ केली. आई-वडील दोघेही गंभीर जखमी असल्याने सहा वर्षांची मुलगी घाबरली होती. तीन दिवस तिचीही काळजी पोलिसांनी घेतली. बुधवारी सायंकाळी त्यांना मेयोतून सुटी ळिल्यानंतर हावड्याला रवाना करण्यात आले.
मेयोतील स्कॅनिंग मशिन बंद मेयोतील स्कॅनिंग मशिन बंद असल्याने त्याचा फटका रुग्णांना कसा बसतो, याचा अनुभव लोहमार्ग पोलिसांनीही घेतला. या दोघांच्या डोक्याला गंभीर इजा असल्याने त्यांचे सिटी स्कॅन करणे गरजेचे होते. मात्र, मेयोतील स्कॅनिंग मशिन बंद असल्याने तेथील डॉक्टरांनी ‘या दोघांना घेऊन मेडिकल जा’, असे सांगितले. मात्र, त्यांना मेडिकलला नेण्यासाठी मेयोकडे अॅम्बुलन्सची व्यवस्था नव्हती. ‘तुम्ही १०८ क्रमांकावर फोन करा व अॅम्बुलन्स बोलावून घ्या आणि त्याचे जे काही शुल्क असेल तेही तुम्हीच भरा’, असे पोलिसांना सांगण्यात आले. शेवटी लोहमार्ग पोलिस आपल्या वाहनाने त्यांना घेऊन मेडिकलला गेले. मात्र तेथेही पेशंट मेयोचा असल्याने स्कॅनिंगच्या वेळी फार त्रास झाला, असे पोलिसांनी सांगितले. ‘सायंकाळी ६ वाजता आम्ही या दाम्पत्याला
घेऊन मेडिकलला गेलो. त्यानंतर तब्बल तीन तास आम्हाला तेथे लागले. किमान गंभीर रुग्णांच्या बाबतीत लवकर उपचार सुरू होण्याच्यादृष्टीने वैद्यकीय सुविधा तातडीने उपलब्ध व्हायला हव्यात’, अशी अपेक्षा पोलिसांनी व्यक्त केली.
शालिमार एक्स्प्रेसमधून पडून गंभीर जखमी झालेल्या दाम्पत्याला तीन दिवसांच्या उपचारानंतर बुधवारी सायंकाळी लोहमार्ग पोलिसांनी हावड्याला रवाना केले. अलमगिरी खान (वय ३२) व हनुफा बेगम (वय २८), अशी या दाम्पत्याची नावे असून, त्यांच्यावर मेयो हॉस्पिटलमध्ये उपचार सुरू होते.
सोमवारी दुपारी १२.३० वाजताच्या सुमारास अजनी-खापरीदरम्यान शालिमार एक्स्प्रेसमधून हे दाम्पत्य खाली पडले होते. त्यांच्यासह त्यांची सहा वर्षांची मुलगीही होती. मात्र, ती आत बर्थवर बसली होती. सहप्रवाशांना हे दोघे खाली पडल्याचे लक्षात येताच त्यांनी साखळी ओढून गाडी थांबवली. त्यानंतर गार्डच्या डब्यातून त्यांना जखमी अवस्थेत नागपूरला आणल्यावर लोहमार्ग पोलिसांनी त्यांना मेयो हॉस्पिटलमध्ये दाखल करण्यात आले होते. दोघांच्याही डोक्याला गंभीर इजा झाली होती. हावडा येथील रहिवासी असलेले हे पती- पत्नी कपड्यांवर कलाकुसरीची कामे करतात. याच कामासाठी ते सुरतला गेले होते. तेथे असतानाच २२ जून रोजी हावड्यावरून त्यांच्या एका नातेवाईकाने फोन करून अलमगिरीला वडिलांचा मृत्यू झाल्याची बातमी दिली. त्यामुळे हावड्याला परत जाण्यासाठी ते आधी मुंबईला गेले व तेथून शालिमार एक्स्प्रेसच्या जनरल बोगीने पुढील प्रवासाला निघाले. दरम्यान मुंबईतच अलमगिरीचे पाकीटही कोणीतरी उडविले. त्यामुळे मोजक्या पैशांसह त्यांचा प्रवास सुरू होता.
वडिलांच्या निधनाचा धक्का, गाडीत झालेले रात्रभरचे जागरण, अशा स्थितीत ते दाराजवळ बसून तणावात प्रवास करीत असतानाच त्यांचा तोल गेला व खाली पडले. लोहमार्गचे हेड कॉन्स्टेबल विजय मरापे, कॉन्स्टेबल जयश्री बुराडे, रंजना कोल्हे, अक्षय पवार यांनी त्यांच्यावर तातडीने उपचार व्हावेत, यादृष्टीने धावपळ केली. आई-वडील दोघेही गंभीर जखमी असल्याने सहा वर्षांची मुलगी घाबरली होती. तीन दिवस तिचीही काळजी पोलिसांनी घेतली. बुधवारी सायंकाळी त्यांना मेयोतून सुटी ळिल्यानंतर हावड्याला रवाना करण्यात आले.
मेयोतील स्कॅनिंग मशिन बंद मेयोतील स्कॅनिंग मशिन बंद असल्याने त्याचा फटका रुग्णांना कसा बसतो, याचा अनुभव लोहमार्ग पोलिसांनीही घेतला. या दोघांच्या डोक्याला गंभीर इजा असल्याने त्यांचे सिटी स्कॅन करणे गरजेचे होते. मात्र, मेयोतील स्कॅनिंग मशिन बंद असल्याने तेथील डॉक्टरांनी ‘या दोघांना घेऊन मेडिकल जा’, असे सांगितले. मात्र, त्यांना मेडिकलला नेण्यासाठी मेयोकडे अॅम्बुलन्सची व्यवस्था नव्हती. ‘तुम्ही १०८ क्रमांकावर फोन करा व अॅम्बुलन्स बोलावून घ्या आणि त्याचे जे काही शुल्क असेल तेही तुम्हीच भरा’, असे पोलिसांना सांगण्यात आले. शेवटी लोहमार्ग पोलिस आपल्या वाहनाने त्यांना घेऊन मेडिकलला गेले. मात्र तेथेही पेशंट मेयोचा असल्याने स्कॅनिंगच्या वेळी फार त्रास झाला, असे पोलिसांनी सांगितले. ‘सायंकाळी ६ वाजता आम्ही या दाम्पत्याला
घेऊन मेडिकलला गेलो. त्यानंतर तब्बल तीन तास आम्हाला तेथे लागले. किमान गंभीर रुग्णांच्या बाबतीत लवकर उपचार सुरू होण्याच्यादृष्टीने वैद्यकीय सुविधा तातडीने उपलब्ध व्हायला हव्यात’, अशी अपेक्षा पोलिसांनी व्यक्त केली.