नागपूर : उपमहापौर दीपराज पार्डीकर यांच्याकडे आठवडाभर कार्यकारी महापौरपद आले आहे. महापौर नंदा जिचकार या ६ जूनपर्यंत शहराबाहेर असल्याने या सुटी काळापर्यंत पार्डीकरांकडे ही जबाबदारी आली आहे. त्यांच्या अध्यक्षतेखाली १ जूनची मनपाची महासभा होणार आहे.
मनपात भाजपची तिसऱ्यांदा सत्ता आल्यानंतर जिचकार यांची महापौर व पार्डीकर यांची उपमहापौरपदी निवड झाली. महापौर रजेवर गेल्यानंतर कार्यकारी महापौरपदाची जबाबदारी उपमहापौरांकडे येते. सूत्रांनुसार, महापौर जिचकार या ६ जूनपर्यंत शहराबाहेर आहेत. सध्या त्या त्यांच्या गावाकडे गेल्या असून, एका परीक्षेची तयारी करीत आहेत. बहुधा अमरावती विद्यापीठातून त्या परीक्षा देत असल्याची माहिती आहे.
पार्डीकर यांचाही महापौरपदाच्या खुर्चीवर बसण्याचा पहिलाच अनुभव असेल. त्यांनाच १ जूनची महासभा संचालित करावी लागेल. त्यासाठी त्यांनी तयारीही सुरू केली आहे. पार्डीकर हे संघाच्या मुशीतून तयार झालेले कार्यकर्ते आहेत. अभाविपपासून त्यांनी त्यांच्या राजकिय जीवनाचा प्रारंभ केला. पहिल्याच प्रयत्नात ते निवडून आले. पक्षाने त्यांच्यावर उपमहापौर पदाची जबाबदारी सोपविली. यापुर्वी त्यांच्या पत्नीही अल्पकाळासाठी भाजपकडून नगरसेविका होत्या. यापुर्वी भाजपच्या माया इवनाते महापौर असताना शिवसेनेचे उपमहापौर किशोर कुमेरिया यांच्याकडे कार्यकारी महापौरपद भूषविण्याची संधी मिळाली होती. या काळात कुमेरिया यांनी रोज सकाळी शहरातील अनेक भागात धडक देऊन कारवाईचा धडाकाच लावला होता.
१६ जूनला बजेट
मनपाचे बजेट १६ जूनला सादर होणार आहे. परिवहन समितीच्या निवडीमुळे मनपाच्या बजेटला उशीर होत होता. आता ही निवड झाली असून, परिवहनचे बजेटही आकार घेत आहे. त्यामुळे मनपाचे सर्वसाधारण बजेट सादर करण्याचा मुहूर्त निघाला.
मनपात भाजपची तिसऱ्यांदा सत्ता आल्यानंतर जिचकार यांची महापौर व पार्डीकर यांची उपमहापौरपदी निवड झाली. महापौर रजेवर गेल्यानंतर कार्यकारी महापौरपदाची जबाबदारी उपमहापौरांकडे येते. सूत्रांनुसार, महापौर जिचकार या ६ जूनपर्यंत शहराबाहेर आहेत. सध्या त्या त्यांच्या गावाकडे गेल्या असून, एका परीक्षेची तयारी करीत आहेत. बहुधा अमरावती विद्यापीठातून त्या परीक्षा देत असल्याची माहिती आहे.
पार्डीकर यांचाही महापौरपदाच्या खुर्चीवर बसण्याचा पहिलाच अनुभव असेल. त्यांनाच १ जूनची महासभा संचालित करावी लागेल. त्यासाठी त्यांनी तयारीही सुरू केली आहे. पार्डीकर हे संघाच्या मुशीतून तयार झालेले कार्यकर्ते आहेत. अभाविपपासून त्यांनी त्यांच्या राजकिय जीवनाचा प्रारंभ केला. पहिल्याच प्रयत्नात ते निवडून आले. पक्षाने त्यांच्यावर उपमहापौर पदाची जबाबदारी सोपविली. यापुर्वी त्यांच्या पत्नीही अल्पकाळासाठी भाजपकडून नगरसेविका होत्या. यापुर्वी भाजपच्या माया इवनाते महापौर असताना शिवसेनेचे उपमहापौर किशोर कुमेरिया यांच्याकडे कार्यकारी महापौरपद भूषविण्याची संधी मिळाली होती. या काळात कुमेरिया यांनी रोज सकाळी शहरातील अनेक भागात धडक देऊन कारवाईचा धडाकाच लावला होता.
१६ जूनला बजेट
मनपाचे बजेट १६ जूनला सादर होणार आहे. परिवहन समितीच्या निवडीमुळे मनपाच्या बजेटला उशीर होत होता. आता ही निवड झाली असून, परिवहनचे बजेटही आकार घेत आहे. त्यामुळे मनपाचे सर्वसाधारण बजेट सादर करण्याचा मुहूर्त निघाला.