म. टा. प्रतिनिधी, नागपूर इंदिरा गांधी शासकीय वैद्यकीय महाविद्यालय व रुग्णालयाच्या (मेयो) विकासात कोणतीही तडजोड केली जाणार नाही. रुग्ण हिताला प्राधान्य देऊन यापुढे विकासाची कामे मार्गी लागतील, असा विश्वास अधिष्ठाता डॉ. मीनाक्षी वहाणे-गजभिये यांनी व्यक्त केला. मेयोच्या अधिकृत पूर्णवेळ अधिष्ठातापदी डॉ. वहाणे यांनी सोमवारी पदभार स्वीकारला. प्रभारी अधिष्ठाता डॉ. मधुकर परचंड यांच्याकडून त्यांनी अधिष्ठाता पदाची सूत्रे स्वीकारली. डॉ. वहाणे यांची महाराष्ट्र लोकसेवा आयोगामार्फत निवड झाली आहे. डॉ. वहाणे मूळच्या नागपूरच्या असून, त्यांचे वैद्यकीय शिक्षण मेयोतूनच झाले आहे. तर त्यांनी अंबेजोगाई शासकीय वैद्यकीय महाविद्यालयातून पदव्युत्तर अभ्यासक्रम पूर्ण केला आहे. अंबेजोगाईत अधिव्याख्याता पदावर रुजू झाल्यानंतर त्यांची २५ वर्षांच्या शासकीय सेवेत ९ वेळा बदली झाली, हे विशेष. अंबेजोगाईतून सहयोगी प्राध्यापक पदावर असताना बदली झाली. यवतमाळ येथील वैद्यकीय महाविद्यालयात तीन वर्षे, मेडिकलमध्ये ८ वर्षे सहयोगी प्राध्यापक म्हणून सेवा दिली. यानंतर अकोला येथील शासकीय वैद्यकीय महाविद्यायात सेवा दिली. पुढे पुण्यातील बीजे वैद्यकीय महाविद्यालयात प्राध्यापक पदावर बढती मिळाली. विभागप्रमुख म्हणूनही पुण्यात बढती मिळाली. वर्षभरापूर्वी मुंबईच्या जे.जे. हॉस्पिटलमध्ये रेडिओलॉजी विभागप्रमुखपद सांभाळले. सोमवारी २५ जुलै रोजी मेयोच्या अधिष्ठातापदावर डॉ. वहाणे-गजभिये लोकसेवा आयोगाच्या निवडीनंतर नियुक्ती मिळाली. तत्कालीन अधिष्ठाता डॉ. प्रकाश वाकोडे यांची पदोन्नती झाल्यानंतर पूर्णकालीन अधिष्ठातापद नसल्याने मेयोचे अनेक प्रस्ताव रेंगाळले आहेत. नवीन प्रस्ताव तयार करणे आणि ते मंजुरीला पाठविण्यासाठी अनेक तांत्रिक अडचणी पुढे येत आहेत. गोंदियातील वैद्यकीय महाविद्यालयाच्या अधिष्ठाता पदावर डॉ. पल्लवी साफले यांची नियुक्ती झाली आहे.
मेयोतही एमआरआय लावणार!
शासकीय रुग्णालये गरिबांसाठी असतात, हा समज दूर करून मध्यमवर्गीयांच्या आरोग्यासाठीही सदैव तयार राहावीत. मध्यमवर्गीय आणि श्रीमंतानाही सरकारी रुग्णालयांबद्दल विश्वास वाटावा. हा विश्वास संपादन करण्यासाठी प्रयत्न करणार असल्याचे डॉ. मिनाक्षी म्हणाल्या. सर्वच रुग्णांना एकाच तराजूत तोलण्यात येईल. यासाठी प्रामाणिकपणे आपली भूमिका, कर्तव्ये पार पाडणार असून, डॉक्टर मंडळींचा पूर्वीचा आदर, विश्वास, सन्मान निश्चितपणे परत मिळवण्याचा प्रयत्न करणार आहे. मेयोत एमआरआय नसल्याने मेडिकलमध्ये रेफर केले जाते. परंतु आगामी काळात मेयोतही एमआरआय असेल. रुग्णांना त्रास होणार नाही, याची खबरदारी घेतली जाईल. गरिबांसाठी योग्य उपचार आणि उत्कृष्ट डॉक्टर घडवण्यासाठी मेयो सक्षम आहे, असा विश्वास त्यांनी व्यक्त केला.
मेयोतही एमआरआय लावणार!
शासकीय रुग्णालये गरिबांसाठी असतात, हा समज दूर करून मध्यमवर्गीयांच्या आरोग्यासाठीही सदैव तयार राहावीत. मध्यमवर्गीय आणि श्रीमंतानाही सरकारी रुग्णालयांबद्दल विश्वास वाटावा. हा विश्वास संपादन करण्यासाठी प्रयत्न करणार असल्याचे डॉ. मिनाक्षी म्हणाल्या. सर्वच रुग्णांना एकाच तराजूत तोलण्यात येईल. यासाठी प्रामाणिकपणे आपली भूमिका, कर्तव्ये पार पाडणार असून, डॉक्टर मंडळींचा पूर्वीचा आदर, विश्वास, सन्मान निश्चितपणे परत मिळवण्याचा प्रयत्न करणार आहे. मेयोत एमआरआय नसल्याने मेडिकलमध्ये रेफर केले जाते. परंतु आगामी काळात मेयोतही एमआरआय असेल. रुग्णांना त्रास होणार नाही, याची खबरदारी घेतली जाईल. गरिबांसाठी योग्य उपचार आणि उत्कृष्ट डॉक्टर घडवण्यासाठी मेयो सक्षम आहे, असा विश्वास त्यांनी व्यक्त केला.