म. टा. प्रतिनिधी, नागपूर
शहरात अशी अनेक छोटी मैदाने आहेत, ज्याच्या लोकांनी कचराकुंड्या करून ठेवलेल्या आहेत. कचऱ्याच्या ढिगाऱ्याजवळच थोडी साफसफाई करून गणेशोत्सवात गणपतीची प्रतिष्ठापना केली जात होती. काही युवकांना हे दृश्य खटकले. त्यांनी अत्रे लेआउटमधल्या डम्पिंग यार्डचे सौंदर्यीकरण करत त्याचे रूप पालटून टाकले असून, यंदाचा गणेशात्सव तेथे चांगलाच फुलला आहे. एवढेच काय, तर कचऱ्यात पडलेल्या वस्तूंची खेळणी तयार करून आपल्यातील कलात्मकतेचा परिचयही या युवकांनी करून दिला.
व्हीएनआयटीच्या आर्किटेक्चर अभ्यासक्रमाच्या तिसऱ्या वर्षाला असलेल्या बारा ते पंधरा युवकांनी ही किमया करून दाखवली आहे. अत्रे लेआउटमधील एनआयटी कॉलनीत एका सोसायटीचे छोटे मैदान आहे. या मैदानावर अतिक्रमण करीत एका बिल्डरने ते ताब्यात घेतले आणि चोहोबाजूने भिंत बांधून घेतली होती. त्या सोसायटीने न्यायालयात धाव घेतली. बरेच दिवस केस चालली. केसचा निकाल लागला तेव्हा ही जागा एनआयटीकडे गेली. एनआयटीचे नेहमीप्रमाणे या जागेकडे दुर्लक्ष झाले आणि आजूबाजूच्या लोकांनी या जागेचे डम्पिंग यार्ड केले. दरवर्षी आजूबाजूचा कचरा साफ करून येथे गणपती बसवला जात असे. पण, यंदा व्हीएनआयटीच्या मुलांनी हा डम्पिंग यार्ड साफ केला. कचऱ्यात पडलेले टायर, टीन, लोखंडाचे रॉड, लाकडाचे दरवाजे, टाइल्स, विटा, झाडाचे खोड असे साहित्य गोळा करून त्यातून परिसरात खेळायला विविध खेळणी तयार केली. बसायला जागा केली. भिंतीवर विविध चित्रे रेखाटत परिसराचे सौंदर्यीकरण केले. येथे योगासन करण्यासाठी योग झोन तर कुस्ती, सिंगल बार, डबल बार, रोप कार्गो नेट आदी खेळांसाठी प्ले झोन तयार केले. शिवाय, या मुलांनी सांस्कृतिक कार्यक्रमासाठी एक स्टेजही तयार केला.
या टीमचा सदस्य असलेला राहुल पांडे म्हणाला, ‘एकेकाळी डम्पिंग यार्ड असलेली ही जागा आता फुलली आहे. आजूबाजूचे रहिवासी आणि मुले खूश झाली असून त्यांना खेळायला, गप्पा मारायला चांगली जागा तयार झाली आहे. यंदाचा गणेशात्सव एकदमच खास असून सौंदर्यीकरण झालेल्या या जागेत गणपतीचे आगमन झाले आहे त्यामुळे परिसरात रंगत आली आहे.
राहुल पांडे यांच्या चमूत जान्हवी तनखीवाले, प्रियेश देवांगण, खुशबू कुमारी, आदित्य वासेकर, मानसी राठी, वैभवी कस्तुरे, किरण राठी, अपूर्व बिजवे, देवयानी पाठक, शाश्वता कपूर, अकिलन राजकुमार, शशांक जैन, श्रीकृष्ण वेणुगोपालन आणि वैष्णवी टेकाम यांचा समावेश होता. या युवकांना माजी नगरसेवक गोपाल बोहरे यांच्यासह खरे काका आणि परिसरातील मुलांनी भरपूर मदत केली त्यामुळेच हा प्रकल्प यशस्वी होऊ शकला, असे राहुल पांडे म्हणाले. डम्पिंग यार्डच्या सौंदर्यीकरणानंतर हे मैदान बघण्यासाठी आता गर्दी होते आहे.
शहरात अशी अनेक छोटी मैदाने आहेत, ज्याच्या लोकांनी कचराकुंड्या करून ठेवलेल्या आहेत. कचऱ्याच्या ढिगाऱ्याजवळच थोडी साफसफाई करून गणेशोत्सवात गणपतीची प्रतिष्ठापना केली जात होती. काही युवकांना हे दृश्य खटकले. त्यांनी अत्रे लेआउटमधल्या डम्पिंग यार्डचे सौंदर्यीकरण करत त्याचे रूप पालटून टाकले असून, यंदाचा गणेशात्सव तेथे चांगलाच फुलला आहे. एवढेच काय, तर कचऱ्यात पडलेल्या वस्तूंची खेळणी तयार करून आपल्यातील कलात्मकतेचा परिचयही या युवकांनी करून दिला.
व्हीएनआयटीच्या आर्किटेक्चर अभ्यासक्रमाच्या तिसऱ्या वर्षाला असलेल्या बारा ते पंधरा युवकांनी ही किमया करून दाखवली आहे. अत्रे लेआउटमधील एनआयटी कॉलनीत एका सोसायटीचे छोटे मैदान आहे. या मैदानावर अतिक्रमण करीत एका बिल्डरने ते ताब्यात घेतले आणि चोहोबाजूने भिंत बांधून घेतली होती. त्या सोसायटीने न्यायालयात धाव घेतली. बरेच दिवस केस चालली. केसचा निकाल लागला तेव्हा ही जागा एनआयटीकडे गेली. एनआयटीचे नेहमीप्रमाणे या जागेकडे दुर्लक्ष झाले आणि आजूबाजूच्या लोकांनी या जागेचे डम्पिंग यार्ड केले. दरवर्षी आजूबाजूचा कचरा साफ करून येथे गणपती बसवला जात असे. पण, यंदा व्हीएनआयटीच्या मुलांनी हा डम्पिंग यार्ड साफ केला. कचऱ्यात पडलेले टायर, टीन, लोखंडाचे रॉड, लाकडाचे दरवाजे, टाइल्स, विटा, झाडाचे खोड असे साहित्य गोळा करून त्यातून परिसरात खेळायला विविध खेळणी तयार केली. बसायला जागा केली. भिंतीवर विविध चित्रे रेखाटत परिसराचे सौंदर्यीकरण केले. येथे योगासन करण्यासाठी योग झोन तर कुस्ती, सिंगल बार, डबल बार, रोप कार्गो नेट आदी खेळांसाठी प्ले झोन तयार केले. शिवाय, या मुलांनी सांस्कृतिक कार्यक्रमासाठी एक स्टेजही तयार केला.
या टीमचा सदस्य असलेला राहुल पांडे म्हणाला, ‘एकेकाळी डम्पिंग यार्ड असलेली ही जागा आता फुलली आहे. आजूबाजूचे रहिवासी आणि मुले खूश झाली असून त्यांना खेळायला, गप्पा मारायला चांगली जागा तयार झाली आहे. यंदाचा गणेशात्सव एकदमच खास असून सौंदर्यीकरण झालेल्या या जागेत गणपतीचे आगमन झाले आहे त्यामुळे परिसरात रंगत आली आहे.
राहुल पांडे यांच्या चमूत जान्हवी तनखीवाले, प्रियेश देवांगण, खुशबू कुमारी, आदित्य वासेकर, मानसी राठी, वैभवी कस्तुरे, किरण राठी, अपूर्व बिजवे, देवयानी पाठक, शाश्वता कपूर, अकिलन राजकुमार, शशांक जैन, श्रीकृष्ण वेणुगोपालन आणि वैष्णवी टेकाम यांचा समावेश होता. या युवकांना माजी नगरसेवक गोपाल बोहरे यांच्यासह खरे काका आणि परिसरातील मुलांनी भरपूर मदत केली त्यामुळेच हा प्रकल्प यशस्वी होऊ शकला, असे राहुल पांडे म्हणाले. डम्पिंग यार्डच्या सौंदर्यीकरणानंतर हे मैदान बघण्यासाठी आता गर्दी होते आहे.