म. टा. प्रतिनिधी, नागपूर
विद्यमान संचालक मंडळाला आव्हान देणारी पंचवार्षिक निवडणूक २२ जानेवारीला होत आहे. पण, ३० टक्के उमेदवार नसल्याने विरोधकांचे स्वतंत्र पॅनेल होऊ शकले नाही. परिणामी पॅनेल विरुद्ध स्वतंत्र उमेदवारी अशीच ही निवडणूक आता होऊ घातली आहे.
२० हजार ८५२ सभासद असलेली व मध्य आणि पूर्व नागपुरातील महत्त्वाच्या गांधीबाग सहकारी बँकेत निवडणुकीचे वातावरण तापले आहे. सहकार नेते व सहकाराबाबत केंद्रीय मंत्री नितीन गडकरी यांच्या जवळचे असलेल्या रवींद्र दुरूगकर यांच्या पॅनेलला भूषण दडवे व विलास हरडे यांच्यासह अन्य दोन उमेदवारांनी आव्हान दिले आहे. पण, दुरूगकर यांच्याविरुद्धच्या पॅनेलमध्ये नियमानुसार ३० टक्के उमेदवार नसल्याने विरोधकांना वयैक्तिक लढा द्यावा लागणार आहे. त्यांना चिन्हदेखील स्वतंत्र मिळाले आहे. यामुळे आता दुरूगकर यांचे सर्वसाधारण गटातील १४ आणि ओबीसी गटातील एक उमेदवार असे अधिकृत सहकार पॅनेल रिंगणात आहे. त्यांना भूषण दडवे, विलास हरडे, सुभाष मुसळे आणि भय्यालाल ताकोले हे वैयक्तिक लढा देत आहेत.
दरम्यान, आता निवडणुकीला नऊ दिवस बाकी असताना तब्बल २० हजार ८५२ मतदारांपर्यंत पोहोचणे हे विशेषत: विरोधी गटाला कठीण होणार आहे. ‘बहुतांश सभासद-मतदार हे विद्यमान संचालकांच्या संबंधातील आहेत. यामुळे मतदारांपर्यंत पोहोचणे हे काहीच अवघड नाही. सभासदांच्या सारेच परिचयातील आहेत. तशीही ही निवडणूक केवळ लादलेली नाही. सामंजस्याने बिनविरोध झाली असती. खर्च वाचला असता. पण तरिही आम्हाला काळजी करण्याची कारणच नाही’, असे रवींद्र दुरूगकर यांनी ‘मटा’ ला सांगितले.
दुसरीकडे ‘मक्तेदारीविरुद्धचा लढा’ असा प्रचार करीत मतदारांपर्यंत पोहोचण्याचा निर्णय दडवे आणि हरडे यांनी घेतला आहे. ‘या निवडणुकीत दुरूगकर पिता-पुत्र दोघेही रिंगणात आहे. बँक म्हणजे त्यांची मक्तेदारी नाही. तसेच विद्यमान अध्यक्ष रतनलाल लाहोटी, मनोहर मानकर या ७५ वर्षावरील उमेदवारांविरुद्ध आमचा प्रचार असेल’, असे भूषण दडवे यांनी ‘मटा’ला सांगितले.
काळजी नाही, तरीही कार्यालय
‘मतदार आमचेच, काळजी नाही’, असा दावा रवींद्र दुरुगकर यांनी केला आहे. तसे असले तरी या अधिकृत सहकार पॅनेलला निवडणुकीचे कार्यालय मात्र तात्पुरते सुरू करावे लागले आहे. महाल येथील विदर्भ प्रीमियर को.ऑपच्या निवासी संकुलात हे कार्यालय आहे.
विद्यमान संचालक मंडळाला आव्हान देणारी पंचवार्षिक निवडणूक २२ जानेवारीला होत आहे. पण, ३० टक्के उमेदवार नसल्याने विरोधकांचे स्वतंत्र पॅनेल होऊ शकले नाही. परिणामी पॅनेल विरुद्ध स्वतंत्र उमेदवारी अशीच ही निवडणूक आता होऊ घातली आहे.
२० हजार ८५२ सभासद असलेली व मध्य आणि पूर्व नागपुरातील महत्त्वाच्या गांधीबाग सहकारी बँकेत निवडणुकीचे वातावरण तापले आहे. सहकार नेते व सहकाराबाबत केंद्रीय मंत्री नितीन गडकरी यांच्या जवळचे असलेल्या रवींद्र दुरूगकर यांच्या पॅनेलला भूषण दडवे व विलास हरडे यांच्यासह अन्य दोन उमेदवारांनी आव्हान दिले आहे. पण, दुरूगकर यांच्याविरुद्धच्या पॅनेलमध्ये नियमानुसार ३० टक्के उमेदवार नसल्याने विरोधकांना वयैक्तिक लढा द्यावा लागणार आहे. त्यांना चिन्हदेखील स्वतंत्र मिळाले आहे. यामुळे आता दुरूगकर यांचे सर्वसाधारण गटातील १४ आणि ओबीसी गटातील एक उमेदवार असे अधिकृत सहकार पॅनेल रिंगणात आहे. त्यांना भूषण दडवे, विलास हरडे, सुभाष मुसळे आणि भय्यालाल ताकोले हे वैयक्तिक लढा देत आहेत.
दरम्यान, आता निवडणुकीला नऊ दिवस बाकी असताना तब्बल २० हजार ८५२ मतदारांपर्यंत पोहोचणे हे विशेषत: विरोधी गटाला कठीण होणार आहे. ‘बहुतांश सभासद-मतदार हे विद्यमान संचालकांच्या संबंधातील आहेत. यामुळे मतदारांपर्यंत पोहोचणे हे काहीच अवघड नाही. सभासदांच्या सारेच परिचयातील आहेत. तशीही ही निवडणूक केवळ लादलेली नाही. सामंजस्याने बिनविरोध झाली असती. खर्च वाचला असता. पण तरिही आम्हाला काळजी करण्याची कारणच नाही’, असे रवींद्र दुरूगकर यांनी ‘मटा’ ला सांगितले.
दुसरीकडे ‘मक्तेदारीविरुद्धचा लढा’ असा प्रचार करीत मतदारांपर्यंत पोहोचण्याचा निर्णय दडवे आणि हरडे यांनी घेतला आहे. ‘या निवडणुकीत दुरूगकर पिता-पुत्र दोघेही रिंगणात आहे. बँक म्हणजे त्यांची मक्तेदारी नाही. तसेच विद्यमान अध्यक्ष रतनलाल लाहोटी, मनोहर मानकर या ७५ वर्षावरील उमेदवारांविरुद्ध आमचा प्रचार असेल’, असे भूषण दडवे यांनी ‘मटा’ला सांगितले.
काळजी नाही, तरीही कार्यालय
‘मतदार आमचेच, काळजी नाही’, असा दावा रवींद्र दुरुगकर यांनी केला आहे. तसे असले तरी या अधिकृत सहकार पॅनेलला निवडणुकीचे कार्यालय मात्र तात्पुरते सुरू करावे लागले आहे. महाल येथील विदर्भ प्रीमियर को.ऑपच्या निवासी संकुलात हे कार्यालय आहे.