म. टा. प्रतिनिधी, नागपूर
वेगळ्या विदर्भाच्या मुद्द्यावरून कॉँग्रेसमधून बंडखोरी करीत काटोल मतदार संघातून भाजपच्या तिकिटावर निवडून आलेले आशिष देशमुख सध्या राजकीयदृष्ट्या अस्वस्थ दिसत आहेत. विदर्भाच्या प्रश्नावर भाजप रोखठोक भूमिका घेण्यास धजावत नसल्याने काही दिवसांपासून ते नाराज दिसत आहेत. विधिमंडळाचे हिवाळी अधिवेशन सुरू झाल्यापासून ते कधी राष्ट्रवादी तर कधी कॉँग्रेसशी जवळीकता साधताना दिसले. अधिवेशनाच्या शेवटच्या दिवशीही हेच पाहायला मिळाले. कॉँग्रेसचे ज्येष्ठ नेते, माजी मंत्री आणि वडील रणजित देशमुख यांच्याशीही त्यांनी वैचारिक दिलजमाई केल्याची आता चर्चा आहे.
रणजित देशमुख हे कॉँग्रेसचे खंदे समर्थक असतानाही आशिष देशमुख यांनी पक्षातून बंडखोरी करीत भाजपच्या गोटात जाणे पसंत केले होते. त्यावरून पिता-पुत्रामध्ये वैचारिक मतभेद असल्याची चर्चा होती. वेगळ्या विदर्भाच्या मुद्द्यावरून कॉँग्रेसने कधीही जाहीरपणे ठोस भूमिका घेतलेली नाही. त्यामुळे विदर्भाचे समर्थक असलेले आशिष देशमुख भाजपच्या गोटात सामील झाले. काटोल मतदारसंघातून भाजपच्या उमेदवारीवर ते निवडूनही आले. मात्र, सत्तेवर आल्यानंतर भाजप वेगळ्या विदर्भावर भूमिका घेण्यास तयार नसल्याने आशिष देशमुख अस्वस्थ झाले आहेत. यावरूनच ते कधी राष्ट्रवादीच्या तर कधी कॉँग्रेसच्या नेत्यांशी जवळीक साधताना दिसले. देशमुख स्वगृही परतणार, अशी विधानभवन परिसरात चर्चा सुरू असतानाच अधिवेशनाच्या शेवटच्या दिवशी रणजित देशमुख विधिमंडळ परिसरात दाखल झाले. त्यांचा हात धरून आशिष देशमुख विधानभवन इमारतीत आले.
वेगळ्या विदर्भाच्या मुद्द्यावरून कॉँग्रेसमधून बंडखोरी करीत काटोल मतदार संघातून भाजपच्या तिकिटावर निवडून आलेले आशिष देशमुख सध्या राजकीयदृष्ट्या अस्वस्थ दिसत आहेत. विदर्भाच्या प्रश्नावर भाजप रोखठोक भूमिका घेण्यास धजावत नसल्याने काही दिवसांपासून ते नाराज दिसत आहेत. विधिमंडळाचे हिवाळी अधिवेशन सुरू झाल्यापासून ते कधी राष्ट्रवादी तर कधी कॉँग्रेसशी जवळीकता साधताना दिसले. अधिवेशनाच्या शेवटच्या दिवशीही हेच पाहायला मिळाले. कॉँग्रेसचे ज्येष्ठ नेते, माजी मंत्री आणि वडील रणजित देशमुख यांच्याशीही त्यांनी वैचारिक दिलजमाई केल्याची आता चर्चा आहे.
रणजित देशमुख हे कॉँग्रेसचे खंदे समर्थक असतानाही आशिष देशमुख यांनी पक्षातून बंडखोरी करीत भाजपच्या गोटात जाणे पसंत केले होते. त्यावरून पिता-पुत्रामध्ये वैचारिक मतभेद असल्याची चर्चा होती. वेगळ्या विदर्भाच्या मुद्द्यावरून कॉँग्रेसने कधीही जाहीरपणे ठोस भूमिका घेतलेली नाही. त्यामुळे विदर्भाचे समर्थक असलेले आशिष देशमुख भाजपच्या गोटात सामील झाले. काटोल मतदारसंघातून भाजपच्या उमेदवारीवर ते निवडूनही आले. मात्र, सत्तेवर आल्यानंतर भाजप वेगळ्या विदर्भावर भूमिका घेण्यास तयार नसल्याने आशिष देशमुख अस्वस्थ झाले आहेत. यावरूनच ते कधी राष्ट्रवादीच्या तर कधी कॉँग्रेसच्या नेत्यांशी जवळीक साधताना दिसले. देशमुख स्वगृही परतणार, अशी विधानभवन परिसरात चर्चा सुरू असतानाच अधिवेशनाच्या शेवटच्या दिवशी रणजित देशमुख विधिमंडळ परिसरात दाखल झाले. त्यांचा हात धरून आशिष देशमुख विधानभवन इमारतीत आले.