म. टा. प्रतिनिधी,नागपूर
नागपुरातील हिवाळी अधिवेशनासाठी पहिल्याच दिवशी २३५० लक्षवेधी सूचना आल्या. यातील ६० टक्के लक्षवेधी सूचना ऑनलाइन आल्या. मंगळवारपर्यंत एकूण तारांकित प्रश्नांची संख्या ११७५५ एवढी नोंदविण्यात आली आहे. ५ डिसेंबरपासून दहा दिवसांचे कामकाज या अधिवेशन काळात तूर्तास ठरले आहे. त्यामुळे लक्षवेधी सूचना व तारांकित प्रश्नांची संख्या वाढणार आहे. अधिवेशनाचा शेवटचा दिवस १७ डिसेंबर हा अत्यंत महत्वाचा असून, हा दिवस केवळ विधेयकांवर चर्चेसाठी निश्चित करण्यात आला आहे.
विधिमंडळातील बहुतांश कामकाज पेपरलेस करण्याचा मानस आहे. त्यानुसार, गेल्या काही वर्षात ऑनलाइनने प्रश्न, लक्षवेधी, अर्धा तास चर्चा व इतर स्वीकारले जात आहे. विधिमंडळ सचिवालयाने सर्व आमदारांना पासवर्ड दिला आहे. त्यानुसार, ऑनलाइनने एका क्लिकने या सेवेचा वापर करता येते. अगदी गडचिरोलीतील आमदारांनीही या सेवेचा लाभ घेतल्याची माहिती विधिमंडळाचे प्रधान सचिव डॉ. अनंत कळसे यांनी दिली. मंगळवारपर्यंत आलेल्या एकूण तारांकित प्रश्न व लक्षवेधीही मोठया संख्येत आहेत. विधानसभेसाठी ऑनलाइन ७१५ तर, ऑफलाइन ६९५ लक्षवेधी सूचना स्वीकारण्यात आल्या होत्या. विधान परिषदेसाठी हाच आकडा ऑनलाइन ५०५ तर, ऑफलाइन ४३५ एवढा आहे. त्यामुळे लक्षवेधी स्वीकारण्याच्या पहिल्याच दिवशी एकूण २३५० लक्षवेधी सूचना विधिमंडळाकडे सदस्यांनी सादर केल्या.
प्रश्नोत्तरे फार आधीपासून स्वीकारले जातात. आलेल्या प्रश्नांमधून कोणते घ्यायचे व फेटाळायचे तसेच किती एकत्र करायचे, याची पडताळणी करण्यात येणार आहे. तूर्तास विधानसभेसाठी ऑनलाइन ४६०७ व ऑफलाइन ३९७२ असे एकूण ८५७९, तर विधानपरिषदेसाठी ऑनलाइन तारांकित प्रश्न १५८८ व ऑफलाइन १५८७ आले आहेत. अधिवेशन संपायच्या तीन दिवस आधीपर्यंत प्रश्न स्वीकारले जातात. त्यामुळे प्रश्नांची संख्येत आणखी भर पडेल.
उत्तरेही मिळणार ऑनलाइन
विधिमंडळाने सर्व कामकाज ऑनलाइन करण्याचा प्रयत्न चालविला. त्याला सदस्यांकडून उत्स्फूर्त प्रतिसाद मिळत आहे. त्यामुळे विधिमंडळाने सदस्यांनी दिलेल्या तारांकित प्रश्नांची उत्तरेही ऑनलाइन देण्याची तयारी केली आहे. यानुसार मंत्रालयातून थेट ऑनलाइन उत्तरे देण्याचा प्रयत्न करण्यात येणार आहे. यासाठी ५ विभागांचा पथदर्शी प्रकल्प राबविण्याची तयारी सुरू करण्यात आली आहे. यात ज्या विभागांबद्दल अल्प प्रश्न येतात वा कमी माहिती विचारली जाते, अशा विभागांबाबत विचारलेल्या तारांकित प्रश्नांची अपडेट माहिती देण्याचा प्रयत्न करण्यात येणार आहे. यात लक्षवेधी, अर्धा तास चर्चा, प्रस्ताव, ठराव व प्रश्न आदींची माहिती देण्याचे प्रयत्न केले जाणार आहेत. तूर्तास पर्यटन, सामान्य प्रशासन, वस्त्रोद्योग व इतर दोन विभागांची माहिती अपडेट करण्याचे काम सुरू करण्यात येत आहे. ऑनलाइन सदस्यांना ही माहिती तातडीने सभागृहात मंत्र्यांनी उत्तर देण्यापूर्वीच दिली जाईल, यादृष्टीने हा प्रयत्न राहणार आहे.
नागपुरातील हिवाळी अधिवेशनासाठी पहिल्याच दिवशी २३५० लक्षवेधी सूचना आल्या. यातील ६० टक्के लक्षवेधी सूचना ऑनलाइन आल्या. मंगळवारपर्यंत एकूण तारांकित प्रश्नांची संख्या ११७५५ एवढी नोंदविण्यात आली आहे. ५ डिसेंबरपासून दहा दिवसांचे कामकाज या अधिवेशन काळात तूर्तास ठरले आहे. त्यामुळे लक्षवेधी सूचना व तारांकित प्रश्नांची संख्या वाढणार आहे. अधिवेशनाचा शेवटचा दिवस १७ डिसेंबर हा अत्यंत महत्वाचा असून, हा दिवस केवळ विधेयकांवर चर्चेसाठी निश्चित करण्यात आला आहे.
विधिमंडळातील बहुतांश कामकाज पेपरलेस करण्याचा मानस आहे. त्यानुसार, गेल्या काही वर्षात ऑनलाइनने प्रश्न, लक्षवेधी, अर्धा तास चर्चा व इतर स्वीकारले जात आहे. विधिमंडळ सचिवालयाने सर्व आमदारांना पासवर्ड दिला आहे. त्यानुसार, ऑनलाइनने एका क्लिकने या सेवेचा वापर करता येते. अगदी गडचिरोलीतील आमदारांनीही या सेवेचा लाभ घेतल्याची माहिती विधिमंडळाचे प्रधान सचिव डॉ. अनंत कळसे यांनी दिली. मंगळवारपर्यंत आलेल्या एकूण तारांकित प्रश्न व लक्षवेधीही मोठया संख्येत आहेत. विधानसभेसाठी ऑनलाइन ७१५ तर, ऑफलाइन ६९५ लक्षवेधी सूचना स्वीकारण्यात आल्या होत्या. विधान परिषदेसाठी हाच आकडा ऑनलाइन ५०५ तर, ऑफलाइन ४३५ एवढा आहे. त्यामुळे लक्षवेधी स्वीकारण्याच्या पहिल्याच दिवशी एकूण २३५० लक्षवेधी सूचना विधिमंडळाकडे सदस्यांनी सादर केल्या.
प्रश्नोत्तरे फार आधीपासून स्वीकारले जातात. आलेल्या प्रश्नांमधून कोणते घ्यायचे व फेटाळायचे तसेच किती एकत्र करायचे, याची पडताळणी करण्यात येणार आहे. तूर्तास विधानसभेसाठी ऑनलाइन ४६०७ व ऑफलाइन ३९७२ असे एकूण ८५७९, तर विधानपरिषदेसाठी ऑनलाइन तारांकित प्रश्न १५८८ व ऑफलाइन १५८७ आले आहेत. अधिवेशन संपायच्या तीन दिवस आधीपर्यंत प्रश्न स्वीकारले जातात. त्यामुळे प्रश्नांची संख्येत आणखी भर पडेल.
उत्तरेही मिळणार ऑनलाइन
विधिमंडळाने सर्व कामकाज ऑनलाइन करण्याचा प्रयत्न चालविला. त्याला सदस्यांकडून उत्स्फूर्त प्रतिसाद मिळत आहे. त्यामुळे विधिमंडळाने सदस्यांनी दिलेल्या तारांकित प्रश्नांची उत्तरेही ऑनलाइन देण्याची तयारी केली आहे. यानुसार मंत्रालयातून थेट ऑनलाइन उत्तरे देण्याचा प्रयत्न करण्यात येणार आहे. यासाठी ५ विभागांचा पथदर्शी प्रकल्प राबविण्याची तयारी सुरू करण्यात आली आहे. यात ज्या विभागांबद्दल अल्प प्रश्न येतात वा कमी माहिती विचारली जाते, अशा विभागांबाबत विचारलेल्या तारांकित प्रश्नांची अपडेट माहिती देण्याचा प्रयत्न करण्यात येणार आहे. यात लक्षवेधी, अर्धा तास चर्चा, प्रस्ताव, ठराव व प्रश्न आदींची माहिती देण्याचे प्रयत्न केले जाणार आहेत. तूर्तास पर्यटन, सामान्य प्रशासन, वस्त्रोद्योग व इतर दोन विभागांची माहिती अपडेट करण्याचे काम सुरू करण्यात येत आहे. ऑनलाइन सदस्यांना ही माहिती तातडीने सभागृहात मंत्र्यांनी उत्तर देण्यापूर्वीच दिली जाईल, यादृष्टीने हा प्रयत्न राहणार आहे.