म.टा. प्रतिनिधी, नागपूर
उपराजधानी हदरविणाऱ्या कुख्यात गुंडाच्या घरासाठी आमदार २५ लाख रुपये खर्च करून सिमेंटचा रस्ता बनवित आहेत, तोसुद्धा चोरून लपून नव्हे... तर या कामाची जाहिरात करणारे फलकही त्यांनी रंगविले आहे. अनेक गुन्ह्यांत पोलिसांना हवा असणारा गुंड आज फरार असला तरी त्याचे नाव असलेला फलक मात्र वेगळ्याच तेजाने चमकतो आहे. जणू तो म्हणत असावा, ‘होय मी लाभार्थी...!’
प्रत्येक विधानसभेच्या आमदाराला दरवर्षी २ कोटी रुपयांचा आमदार निधी मिळतो. त्यातून त्याने आपल्या भागात विकासकामे करायची असतात. मध्य नागपूरचे आमदार विकास कुंभारे यांनी आपल्या आमदार निधीमधून इतवारी परिसरात आझमशहा चौकापासून ते फव्वारा चौकापर्यंत सिमेंट क्राँक्रिटचा रस्ता निर्माण करण्याचा प्रस्ताव मंजूर केला. शिक्षक सहकारी बँकेचे संस्थापक अण्णाजी मेंडजोगे, पटवारी संघटनेचे संस्थापक उजवणे यांसारख्या मान्यवरांचे कर्तृत्व ज्या भागात बहरले, त्या भागात विकासकाम होत असल्याने नागरिकांनी त्यांचे स्वागत केले. मात्र, संतापाची लाट तेव्हा उसळली, जेव्हा या विकासकामाचा फलक लावला आणि त्यावर गुंड संतोष आंबेकरचे नाव झळकले.
साधारणतः जिथून रस्ता सुरू होतो आणि जिथे संपतो, अशा दोन टोकांची नावे विकासकामाच्या फलकावर झळकत असतात. आझमशहा चौक ते फव्वारा चौक या दोनपैकी कुठल्या तरी एका टोकाला आंबेकरचे घर असते आणि त्याचे नाव झळकले असते तर कुणी प्रश्न उपस्थित केलेच नसते. मात्र, आंबेकरच्या घराच्या अलीकडे चार आणि पलीकडे चार घरे असताना, फलकावर आंबेकरचे नाव का झळकावे? तो या कॉलनीचा आयकॉन आहे का, असे सवाल या भागातील नागरिक उपस्थित करीत आहेत.
प्रभागाध्यक्षावर खापर
‘प्रभागातील विकासकामाची यादी प्रभागाध्यक्ष देत असतात. आमच्या प्रभागाध्यक्षांनी दिलेल्या माहितीनुसार हे काम घेतले आहे’, असा खुलासा आमदार विकास कुंभारे यांनी केला. तथापि, कुंभारे आणि आंबेकर यांचे संबंध लपून राहिलेले नाहीत. विधानसभेच्या निवडणुकीत निवडून येताच, कुंभारेंनी आंबेकरांना मारलेली मिठी अनेकांच्या स्मरणात आहे. आंबेकर तुरुंगात असताना नेमके त्याच्या वाढदिवशी या आमदारांनी तुरुंगाची पहाणी करण्याचा साधलेला योगायोग कुणाच्या विस्मरणात गेला नसतानाच, हा नवा योगायोग समोर आला आहे.
आंबेकरचा रेकॉर्ड
संतोष आंबेकरच्या विरोधात पहिला गुन्हा १९८९ मध्ये कोतवाली पोलिसांत दाखल झाला होता. तेव्हापासून आजवर त्याच्या नावावर गुन्हेच गुन्हे नोंद आहेत. सदर, कळमना, लकडगंज, अंबाझरी, तहसील, सीताबर्डी, धंतोली, आदी प्रत्येक पोलिस स्टेशनमध्ये दोनपेक्षा अधिक गुन्हे दाखल आहेत. कळमन्यात त्याच्याविरुद्ध हत्येचे दोन गुन्हे दाखल आहेत. सोनेगावमध्ये घर रिकामे करून मारहाण केल्याप्रकरणात आंबेकर व त्याच्या साथीदाविरुद्ध पोलिसांनी मोक्काचीही कारवाई केली होती. आंबेकरविरुद्ध हत्या, प्राणघातक हल्ला, खंडणी मागणे, भूखंड बळकावणे आदींसह तब्बल २५ गुन्हे दाखल असल्याची माहिती आहे.
उपराजधानी हदरविणाऱ्या कुख्यात गुंडाच्या घरासाठी आमदार २५ लाख रुपये खर्च करून सिमेंटचा रस्ता बनवित आहेत, तोसुद्धा चोरून लपून नव्हे... तर या कामाची जाहिरात करणारे फलकही त्यांनी रंगविले आहे. अनेक गुन्ह्यांत पोलिसांना हवा असणारा गुंड आज फरार असला तरी त्याचे नाव असलेला फलक मात्र वेगळ्याच तेजाने चमकतो आहे. जणू तो म्हणत असावा, ‘होय मी लाभार्थी...!’
प्रत्येक विधानसभेच्या आमदाराला दरवर्षी २ कोटी रुपयांचा आमदार निधी मिळतो. त्यातून त्याने आपल्या भागात विकासकामे करायची असतात. मध्य नागपूरचे आमदार विकास कुंभारे यांनी आपल्या आमदार निधीमधून इतवारी परिसरात आझमशहा चौकापासून ते फव्वारा चौकापर्यंत सिमेंट क्राँक्रिटचा रस्ता निर्माण करण्याचा प्रस्ताव मंजूर केला. शिक्षक सहकारी बँकेचे संस्थापक अण्णाजी मेंडजोगे, पटवारी संघटनेचे संस्थापक उजवणे यांसारख्या मान्यवरांचे कर्तृत्व ज्या भागात बहरले, त्या भागात विकासकाम होत असल्याने नागरिकांनी त्यांचे स्वागत केले. मात्र, संतापाची लाट तेव्हा उसळली, जेव्हा या विकासकामाचा फलक लावला आणि त्यावर गुंड संतोष आंबेकरचे नाव झळकले.
साधारणतः जिथून रस्ता सुरू होतो आणि जिथे संपतो, अशा दोन टोकांची नावे विकासकामाच्या फलकावर झळकत असतात. आझमशहा चौक ते फव्वारा चौक या दोनपैकी कुठल्या तरी एका टोकाला आंबेकरचे घर असते आणि त्याचे नाव झळकले असते तर कुणी प्रश्न उपस्थित केलेच नसते. मात्र, आंबेकरच्या घराच्या अलीकडे चार आणि पलीकडे चार घरे असताना, फलकावर आंबेकरचे नाव का झळकावे? तो या कॉलनीचा आयकॉन आहे का, असे सवाल या भागातील नागरिक उपस्थित करीत आहेत.
प्रभागाध्यक्षावर खापर
‘प्रभागातील विकासकामाची यादी प्रभागाध्यक्ष देत असतात. आमच्या प्रभागाध्यक्षांनी दिलेल्या माहितीनुसार हे काम घेतले आहे’, असा खुलासा आमदार विकास कुंभारे यांनी केला. तथापि, कुंभारे आणि आंबेकर यांचे संबंध लपून राहिलेले नाहीत. विधानसभेच्या निवडणुकीत निवडून येताच, कुंभारेंनी आंबेकरांना मारलेली मिठी अनेकांच्या स्मरणात आहे. आंबेकर तुरुंगात असताना नेमके त्याच्या वाढदिवशी या आमदारांनी तुरुंगाची पहाणी करण्याचा साधलेला योगायोग कुणाच्या विस्मरणात गेला नसतानाच, हा नवा योगायोग समोर आला आहे.
आंबेकरचा रेकॉर्ड
संतोष आंबेकरच्या विरोधात पहिला गुन्हा १९८९ मध्ये कोतवाली पोलिसांत दाखल झाला होता. तेव्हापासून आजवर त्याच्या नावावर गुन्हेच गुन्हे नोंद आहेत. सदर, कळमना, लकडगंज, अंबाझरी, तहसील, सीताबर्डी, धंतोली, आदी प्रत्येक पोलिस स्टेशनमध्ये दोनपेक्षा अधिक गुन्हे दाखल आहेत. कळमन्यात त्याच्याविरुद्ध हत्येचे दोन गुन्हे दाखल आहेत. सोनेगावमध्ये घर रिकामे करून मारहाण केल्याप्रकरणात आंबेकर व त्याच्या साथीदाविरुद्ध पोलिसांनी मोक्काचीही कारवाई केली होती. आंबेकरविरुद्ध हत्या, प्राणघातक हल्ला, खंडणी मागणे, भूखंड बळकावणे आदींसह तब्बल २५ गुन्हे दाखल असल्याची माहिती आहे.