म. टा. प्रतिनिधी, नागपूर
देश आणि राज्य पातळीवरील नेत्यांनी प्रतिष्ठेचा मुद्दा केलेल्या जिल्हा रुग्णालयाच्या मार्गातला अडथळा अखेर दूर होण्याचे संकेत मिळत आहेत. तब्बल चार वर्षांपासून रखडत चाललेल्या या प्रस्तावित रुग्णालयाच्या बांधकामाचा पुढील महिन्यात मुहूर्त निघण्याचे संकेत मिळत आहेत. त्याचे भूमिपूजनही होण्याची शक्यता आहे. आरोग्य विभागाचे सहायक संचालक डॉ. मोहन जाधव यांनी गुरुवारी प्रस्तावित जागेची पाहणी करून बांधकाम विभागाच्या अधिकाऱ्यांशी चर्चा केली. त्यांनी निविदा प्रक्रिया तत्काळ पूर्ण करण्याच्या सूचनाही दिल्याची माहिती आहे.
जिल्ह्याच्या मुख्यालयात रुग्णालय स्थापन करणे आवश्यक असते. परंतु, २०१२ पर्यंत या रुग्णालयाचा विषयच समोर आला नाही. अखेर १७ जानेवारी २०१३ रोजी नागपुरात शंभर खाटांच्या जिल्हा रुग्णालयाला मंजुरी मिळाली. रुग्णालयाच्या बांधकामाकरिता प्रादेशिक मनोरुग्णालयाची ८.९० एकर जागा उपलब्ध करून देण्यात आली. परंतु, २९ सप्टेंबर २०१५ ला पालकमंत्री चंद्रशेखर बावनकुळे आणि आरोग्यमंत्री दीपक सावंत यांच्यात झालेल्या बैठकीत या रुग्णालयाच्या विस्तारीकरणासाठी आणखी १० एकर जागा उपलब्ध करून देण्यावर चर्चा झाली. त्यासाठी ३० सप्टेंबर २०१५ ला जिल्हाधिकाऱ्यांना सूचना करण्यात आली. मात्र, नंतर यासंदर्भातील हालचाली मंदावल्या. दुसरीकडे बांधकामासाठी लागणाऱ्या २८.५ कोटींच्या निधीला प्रशासकीय मान्यतेचा प्रस्ताव २९ मार्च २०१४ ला सहसंचालक, आरोग्य सेवा यांना व विभागाच्या प्रधान सचिवांना पाठविण्यात आला. आमदार सुधाकर देशमुख यांनी विशेष प्रयत्न केल्याने अलीकडेच या निधीला मंजुरी मिळाली आहे. यातील २० लाख रुपये बांधकाम विभागाच्या खात्यातही वळते करण्यात आले आहेत. बांधकामाचे नियोजन करण्यासाठी गुरुवारी डॉ. मोहन जाधव यांनी अधिकाऱ्यांशी चर्चा केली. त्यांनी रुग्णालयाच्या प्रस्तावित जागेचीही पाहणीही केली. यावेळी उपस्थित प्रादेशिक मनोरुग्णालयाचे वैद्यकीय अधीक्षक डॉ. फारुखी यांना जागेवरील जनावरांच्या गोठ्यांचे अतिक्रमण हटविण्याच्या सूचनाही दिल्या. निविदा प्रक्रिया पूर्ण झाल्यावरच भूमिपूजन होईल. त्यासाठी बांधकाम विभागाला साधारण ४५ दिवसांचा वेळ लागेल. दोन वर्षांच्या आत बांधकाम पूर्ण करण्याचा प्रयत्न आहे. मनोरुग्णालयाच्या ८.९० एकर परिसरात हे बांधकाम होईल, असा दुजोरा सहायक संचालक डॉ. मोहन जाधव यांनी दिला.
२४ झाडे कापण्याची मागितली परवानगी
शंभर खाटांचे जिल्हा रुग्णालय व वेअर हाउसच्या प्रस्तावित जागेवर असलेली २४ झाडांची कटाई व छटाईसाठी प्रादेशिक मनोरुग्णालयाने महापालिकेच्या उद्यान अधिक्षकांकडे परवानगी मागितली आहे. याला मंजुरी मिळताच पुढील कामांना वेग येणार आहे.
देश आणि राज्य पातळीवरील नेत्यांनी प्रतिष्ठेचा मुद्दा केलेल्या जिल्हा रुग्णालयाच्या मार्गातला अडथळा अखेर दूर होण्याचे संकेत मिळत आहेत. तब्बल चार वर्षांपासून रखडत चाललेल्या या प्रस्तावित रुग्णालयाच्या बांधकामाचा पुढील महिन्यात मुहूर्त निघण्याचे संकेत मिळत आहेत. त्याचे भूमिपूजनही होण्याची शक्यता आहे. आरोग्य विभागाचे सहायक संचालक डॉ. मोहन जाधव यांनी गुरुवारी प्रस्तावित जागेची पाहणी करून बांधकाम विभागाच्या अधिकाऱ्यांशी चर्चा केली. त्यांनी निविदा प्रक्रिया तत्काळ पूर्ण करण्याच्या सूचनाही दिल्याची माहिती आहे.
जिल्ह्याच्या मुख्यालयात रुग्णालय स्थापन करणे आवश्यक असते. परंतु, २०१२ पर्यंत या रुग्णालयाचा विषयच समोर आला नाही. अखेर १७ जानेवारी २०१३ रोजी नागपुरात शंभर खाटांच्या जिल्हा रुग्णालयाला मंजुरी मिळाली. रुग्णालयाच्या बांधकामाकरिता प्रादेशिक मनोरुग्णालयाची ८.९० एकर जागा उपलब्ध करून देण्यात आली. परंतु, २९ सप्टेंबर २०१५ ला पालकमंत्री चंद्रशेखर बावनकुळे आणि आरोग्यमंत्री दीपक सावंत यांच्यात झालेल्या बैठकीत या रुग्णालयाच्या विस्तारीकरणासाठी आणखी १० एकर जागा उपलब्ध करून देण्यावर चर्चा झाली. त्यासाठी ३० सप्टेंबर २०१५ ला जिल्हाधिकाऱ्यांना सूचना करण्यात आली. मात्र, नंतर यासंदर्भातील हालचाली मंदावल्या. दुसरीकडे बांधकामासाठी लागणाऱ्या २८.५ कोटींच्या निधीला प्रशासकीय मान्यतेचा प्रस्ताव २९ मार्च २०१४ ला सहसंचालक, आरोग्य सेवा यांना व विभागाच्या प्रधान सचिवांना पाठविण्यात आला. आमदार सुधाकर देशमुख यांनी विशेष प्रयत्न केल्याने अलीकडेच या निधीला मंजुरी मिळाली आहे. यातील २० लाख रुपये बांधकाम विभागाच्या खात्यातही वळते करण्यात आले आहेत. बांधकामाचे नियोजन करण्यासाठी गुरुवारी डॉ. मोहन जाधव यांनी अधिकाऱ्यांशी चर्चा केली. त्यांनी रुग्णालयाच्या प्रस्तावित जागेचीही पाहणीही केली. यावेळी उपस्थित प्रादेशिक मनोरुग्णालयाचे वैद्यकीय अधीक्षक डॉ. फारुखी यांना जागेवरील जनावरांच्या गोठ्यांचे अतिक्रमण हटविण्याच्या सूचनाही दिल्या. निविदा प्रक्रिया पूर्ण झाल्यावरच भूमिपूजन होईल. त्यासाठी बांधकाम विभागाला साधारण ४५ दिवसांचा वेळ लागेल. दोन वर्षांच्या आत बांधकाम पूर्ण करण्याचा प्रयत्न आहे. मनोरुग्णालयाच्या ८.९० एकर परिसरात हे बांधकाम होईल, असा दुजोरा सहायक संचालक डॉ. मोहन जाधव यांनी दिला.
२४ झाडे कापण्याची मागितली परवानगी
शंभर खाटांचे जिल्हा रुग्णालय व वेअर हाउसच्या प्रस्तावित जागेवर असलेली २४ झाडांची कटाई व छटाईसाठी प्रादेशिक मनोरुग्णालयाने महापालिकेच्या उद्यान अधिक्षकांकडे परवानगी मागितली आहे. याला मंजुरी मिळताच पुढील कामांना वेग येणार आहे.