म. टा. प्रतिनिधी, नागपूर
मनोरंजनासाठी संगीत खुर्चीचा खेळ सर्वत्र खेळला जातो. मांडलेल्या खुर्च्यांभोवती फिरता फिरता जिथे संगीत थांबेल, तिथे प्रत्येकाने खुर्ची बळकावयाची. या खेळात एकूण लोकांच्या तुलनेत एक खुर्ची कमी असते. ज्याला ही खुर्ची बळकावता येत नाही, तो खेळातून बाद होतो. असाच काहीसा प्रकार सध्या वैद्यकीय शिक्षण व संशोधन विभागात दरवर्षी सुरू आहे. सचिव पदावरून निर्माण झालेला हा संगीतखुर्चीचा खेळ राज्याच्या वैद्यकीय शिक्षणावर प्रश्नचिन्ह उभा करीत आहे.
या विभागात दहा वर्षांत दहा सचिव आले. एकामागोमाग आले आणि अल्पावधीत ते विभागातून बदलूनही गेले. परंतु, या दहा वर्षांत एकाही सचिवाला बीएससी नर्सिंगमधील पदनिर्मितीचा प्रश्न निकाली काढता आलेला नाही. नुकतेच संजय देशमुख यांनी वैद्यकीय शिक्षण विभागाच्या सचिवाचा पदभार स्वीकारला आहे. यावेळी प्रश्न सुटेल असा विश्वास व्यक्त होत आहे. या विभागात वर्षभरापेक्षा अधिक काळ एकाही सचिवाला खुर्ची टिकविता आलेली नाही. त्यामुळे वैद्यकीय शिक्षण विभागाचे अनेक प्रकल्प वर्षांनुवर्षे प्रलंबित आहेत. नर्सिंग कॉलेजमधील पदांच्या आस्थापनेचा प्रश्नही त्यातलाच एक. वैद्यकीय शिक्षण व संशोधन विभागात २००६ पासून बीएससी नर्सिंगचा प्रश्न रखडलेला आहे. सचिव अमिताभ चंद्रा यांनी या पदाचा कार्यभार स्वीकारल्यानंतर महिनभरात हा प्रश्न निकाली काढण्याची गर्जना केली होती. परंतु, त्यांची बदली झाली. यानंतर खान यांच्याकडे या जबाबदारी आली. त्यांना देखील हा प्रश्न सोडवता आला नाही. पुढे मिलिंद म्हैसकर सचिव झाले. त्यांना देखील निराश होऊन खुर्ची सोडावी लागली. यानंतर भूषण गगराणी यांच्याकडे कार्यभार आला. पुढे चहल आले. त्यांनीही हा गुंता सोडवण्याचे प्रयत्न केले. मात्र, तेही निष्फळ ठरले. पुढे आनंद कुळकर्णी यांची सचिव पदावर नियुक्ती दिली. धाडसी अधिकारी म्हणून त्यांच्याकडे पाहिले जात होते. त्यांना तरी हे जमेल असे वाटत होते. मुळात, ते स्वतःच या बाबतीत आग्रही होते. त्यांनी सकारात्मकताही दाखवली, परंतु प्रत्यक्षात प्रश्न सुटला नाही.
जितेंद्र आव्हाड यांच्याकडे वैद्यकीय शिक्षण विभागाच्या मंत्रिपदाचा भार आल्याच्या काळात मनीषा म्हैसकर सचिव झाल्या. बीएस्सी नर्सिंग कॉलेजच्या साऱ्या भावी प्राध्यापकांनी आणि विद्यमान पद असलेल्या ट्युटर्सनी त्यांनाही प्रश्न समजावून सांगितला. सत्ता बदलली. मुख्यमंत्री देवेंद्र फडणवीस रुजू झाले. त्यांच्यासोबत म्हैसकर यांची बैठक झाली. यातले अर्धे काम पूर्ण झाले. त्या देखील बदलून गेल्या. त्यांच्यानंतर मेधा गाडगीळ आल्या. त्यांच्या हातूनही बीएस्सीचा चेंडू निसटला. राजगोपाल देवरा आले, तेही बदलून गेले. नुकतेच संजय देशमुख यांच्याकडे सचिव पदाचा कार्यभार सोपवण्यात आला आहे. ते किती दिवस या विभागात राहणार, या चर्चेला उधाण आले आहे.
मनोरंजनासाठी संगीत खुर्चीचा खेळ सर्वत्र खेळला जातो. मांडलेल्या खुर्च्यांभोवती फिरता फिरता जिथे संगीत थांबेल, तिथे प्रत्येकाने खुर्ची बळकावयाची. या खेळात एकूण लोकांच्या तुलनेत एक खुर्ची कमी असते. ज्याला ही खुर्ची बळकावता येत नाही, तो खेळातून बाद होतो. असाच काहीसा प्रकार सध्या वैद्यकीय शिक्षण व संशोधन विभागात दरवर्षी सुरू आहे. सचिव पदावरून निर्माण झालेला हा संगीतखुर्चीचा खेळ राज्याच्या वैद्यकीय शिक्षणावर प्रश्नचिन्ह उभा करीत आहे.
या विभागात दहा वर्षांत दहा सचिव आले. एकामागोमाग आले आणि अल्पावधीत ते विभागातून बदलूनही गेले. परंतु, या दहा वर्षांत एकाही सचिवाला बीएससी नर्सिंगमधील पदनिर्मितीचा प्रश्न निकाली काढता आलेला नाही. नुकतेच संजय देशमुख यांनी वैद्यकीय शिक्षण विभागाच्या सचिवाचा पदभार स्वीकारला आहे. यावेळी प्रश्न सुटेल असा विश्वास व्यक्त होत आहे. या विभागात वर्षभरापेक्षा अधिक काळ एकाही सचिवाला खुर्ची टिकविता आलेली नाही. त्यामुळे वैद्यकीय शिक्षण विभागाचे अनेक प्रकल्प वर्षांनुवर्षे प्रलंबित आहेत. नर्सिंग कॉलेजमधील पदांच्या आस्थापनेचा प्रश्नही त्यातलाच एक. वैद्यकीय शिक्षण व संशोधन विभागात २००६ पासून बीएससी नर्सिंगचा प्रश्न रखडलेला आहे. सचिव अमिताभ चंद्रा यांनी या पदाचा कार्यभार स्वीकारल्यानंतर महिनभरात हा प्रश्न निकाली काढण्याची गर्जना केली होती. परंतु, त्यांची बदली झाली. यानंतर खान यांच्याकडे या जबाबदारी आली. त्यांना देखील हा प्रश्न सोडवता आला नाही. पुढे मिलिंद म्हैसकर सचिव झाले. त्यांना देखील निराश होऊन खुर्ची सोडावी लागली. यानंतर भूषण गगराणी यांच्याकडे कार्यभार आला. पुढे चहल आले. त्यांनीही हा गुंता सोडवण्याचे प्रयत्न केले. मात्र, तेही निष्फळ ठरले. पुढे आनंद कुळकर्णी यांची सचिव पदावर नियुक्ती दिली. धाडसी अधिकारी म्हणून त्यांच्याकडे पाहिले जात होते. त्यांना तरी हे जमेल असे वाटत होते. मुळात, ते स्वतःच या बाबतीत आग्रही होते. त्यांनी सकारात्मकताही दाखवली, परंतु प्रत्यक्षात प्रश्न सुटला नाही.
जितेंद्र आव्हाड यांच्याकडे वैद्यकीय शिक्षण विभागाच्या मंत्रिपदाचा भार आल्याच्या काळात मनीषा म्हैसकर सचिव झाल्या. बीएस्सी नर्सिंग कॉलेजच्या साऱ्या भावी प्राध्यापकांनी आणि विद्यमान पद असलेल्या ट्युटर्सनी त्यांनाही प्रश्न समजावून सांगितला. सत्ता बदलली. मुख्यमंत्री देवेंद्र फडणवीस रुजू झाले. त्यांच्यासोबत म्हैसकर यांची बैठक झाली. यातले अर्धे काम पूर्ण झाले. त्या देखील बदलून गेल्या. त्यांच्यानंतर मेधा गाडगीळ आल्या. त्यांच्या हातूनही बीएस्सीचा चेंडू निसटला. राजगोपाल देवरा आले, तेही बदलून गेले. नुकतेच संजय देशमुख यांच्याकडे सचिव पदाचा कार्यभार सोपवण्यात आला आहे. ते किती दिवस या विभागात राहणार, या चर्चेला उधाण आले आहे.