नागपुरात दारूविक्री जोरात; खास लोकांना होम डिलिव्हरी!

नागपूर: उपराजधानीत लॉकडाऊन सुरू होताच, दारू तस्करही सक्रिय झाले आहेत. दारू तस्कर व अवैध दारू विक्रेत्यांनी मोठ्या प्रमाणात दारुचा साठा करून ठेवला आहे. संचारबंदीत चढ्या दराने त्याची विक्रीही सुरू असून, उत्पादन शुल्क विभाग मात्र गुंगीत असल्याचे दिसून येते. दारुबंदी विभाग महुआ व देशी दारू विक्रेत्यांवरच कारवाई करीत असून, विदेशी दारू विक्रेत्यांविरुद्ध कारवाईबाबत त्यांचे ‘करो- ना’ धोरण असल्याची चर्चा या निमित्ताने शहरात सुरू आहे.

नंदनवन, कळमना, वाडी, अंबाझरी व गिट्टीखदान भागात मोठ्या प्रमाणात अवैधपणे देशी व विदेशी दारुची विक्री सुरू असल्याची खात्रीलायक माहिती आहे. जिल्ह्यालगतच्या शहरांमधूनही नागपुरात अवैध दारुची तस्करी करण्यात येत आहे. धडाकेबाज कारवाईसाठी पाठ थोपटून घेणाऱ्या दारुबंदी विभागाला विदेशी दारुची तस्करी व विक्री का दिसत नाही ‘राव’!, कारवाई न करण्या मागचा ‘अर्थ’ही कळेनासा झाला आहे.

महुआ व देशी दारु विक्रेत्यांविरुद्ध कारवाईची मोठी यादी असलेल्या या विभागाची संचारबंदीत विदेशी दारुच्या कारवाईची पाटी मात्र ‘कोरी’ असल्याने आश्चर्य व्यक्त करण्यात येत आहे. उत्पादन शुल्क विभागाचे ‘साहेब’ याकडे लक्ष का देत नाहीत, असा प्रश्नही या निमित्ताने उपस्थित होत आहे.

करोनाचा धोका: शोमा सेन, वरवरा राव यांना जामीन नाही

सरकारी कर्मचाऱ्यांना अर्धा पगार; आमदारांना फटका

खास लोकांना ‘होम डिलेव्हरी’

विदेशी दारुचे अवैध विक्रेते खास लोकांनाच सेवा देत आहेत. ऑन कॉल खास लोकांना विदेशी दारुची ‘होम डिलेव्हरी’ करण्यात येत आहे. मात्र ही ऑर्डर एक दोन निपांची नव्हे तर चक्क पाच ते दहा निपा (बाटली) दिल्यानंतरच करण्यात येते, अशी माहिती या क्षेत्रातील एका कुख्यात तस्कराने नाव न प्रकाशित करण्याच्या अटीवर दिली.

'दिल्लीतील कार्यक्रमाला कोण गेले होते? शोधा'

करोना Live: पुण्यात ३०० हून जास्त गाड्या जप्त

दारुचे दर (प्रती बाटली)

देशी २५० रुपये
महुआ २०० रुपये
व्हीसेव्हन ६०० रुपये
ब्लेंडर प्राइड ७०० रुपये
रॉयल स्टॅग ५५० रुपये
नंबर वन ५०० रुपये
ओसी ब्ल्यू ४५० रुपये