नागपूर : जगभरातील शंभरपेक्षा जास्त देशांमधील यंत्रणांमध्ये शुक्रवारपासून ‘वॅन्नाक्राय’ या ‘रॅन्समवेअर’ने धुमाकूळ घातला आहे. या ‘रॅन्समवेअर’ने युरोपमधील सगळी व्यवस्था वेठीस धरलेली असून सायबर सुरक्षेचा प्रश्न परत एकदा ऐरणीवर आला आहे. नागपूर हवामान खात्याचीही वेबसाइट हॅक करण्याचा प्रयत्न करण्यात आला असून, गेल्या आठ दिवसांपासून ही वेबसाइट बंद आहे. इराणमधील काही हॅकर्सनी ही वेबसाइट हॅक करण्याचा प्रयत्न केला असल्याची माहिती प्राप्त झाली आहे.
नागपूर हवामान खात्याची वेबसाइट ८ मे रोजी हॅक करण्याचा प्रयत्न झाला. ८ मे रोजी सकाळपासून ही वेबसाइट सुरूच होत नव्हती. ‘टुडेः हॅक्ड बाय लॉड माहडी’ असा संदेश या वेबसाइटवर येत होता. वेबसाइट हॅक झाल्याची माहिती प्राप्त होताच ती वेबसाइट ताबडतोब बंद करण्यात आली. या वेबसाइटवरील डाटा सुरक्षित असल्याचे सांगण्यात येत आहे. परंतु काही तांत्रिक कारणांमुळे ती बंद ठेवण्यात आली आहे. नागपूर प्रादेशिक हवामान केंद्रीय उपप्रमुख थाटे यांच्याशी संपर्क साधला असता ते म्हणाले ‘नागपूर विभागाच्या हवामान खात्याची वेबसाइट ८ तारखेपासून बंद आहे, हे खरे आहे. ही वेबसाइट हॅक करण्याचा प्रयत्न झाला होता. ही वेबसाइट एनआयसीच्या अखत्यारित येते. वेबसाइटच्या सायबर सुरक्षेची जबाबदारी ही एनआयसीकडेच आहे. वेबसाइट पूर्णपणे हॅक करता येऊ शकलेली नाही. त्यांना केवळ ‘स्क्रोलिग मेसेज’ टाकता आला. ‘टुडेः हॅक्ड बाय लॉड माहडी’ असा संदेश यात टाकण्यात आला होता. परंतु वेबसाइटचा सगळा डाटा सुरक्षित आहे. या प्रकरणी खात्यातर्फे एनआयसीकडे (नॅशनल इन्फॉरमॅटिक्स सेंटर) तक्रार करण्यात आली आहे.’
नव्याने सुरू होणार वेबसाइट
या हल्ल्यानंतर ही वेबसाइट बंद करण्यात आली आहे. यावरील सगळा डाटा एनआयसीने सुरक्षित केला आहे. परंतु ही वेबसाइट आता नव्याने सुरू करावी लागणार आहे. त्याकरिता येथील हवामान विभागाच्या कार्यलयातर्फे एनआयसीला नव्याने प्रस्ताव पाठविण्यात येणार आहे, अशी माहिती प्राप्त झाली.
हल्ला इराणमधून?
या प्रकरणाचा तपास एनआयसी करीत असल्याचे समजते. इराणमधून हा हल्ला झाल्याची प्राथमिक माहिती प्राप्त झाली आहे. ज्या कम्प्युटरवरून हा हल्ला करण्यात आला, त्या कम्प्युटरचा ‘आयपी अॅड्रेस’ हा इराणमधील असल्याचे समजते. तसेच ‘आशियाना डिजिटल टीम’ हा गट या हल्ल्यात गुंतलेला असावा, असा अंदाज लावण्यात येत आहे तसेच प्रॉक्झी सर्व्हरवरून हा हल्ला करण्याचाही प्रयत्न असू शकतो. त्यामुळे हा आयपी अॅड्रेससुद्धा खोटा असू शकतो, अशी माहिती एका वरिष्ठ पदाधिकाऱ्याने नाव सांगण्याच्या अटीवर दिली.
नागपूर हवामान खात्याची वेबसाइट ८ मे रोजी हॅक करण्याचा प्रयत्न झाला. ८ मे रोजी सकाळपासून ही वेबसाइट सुरूच होत नव्हती. ‘टुडेः हॅक्ड बाय लॉड माहडी’ असा संदेश या वेबसाइटवर येत होता. वेबसाइट हॅक झाल्याची माहिती प्राप्त होताच ती वेबसाइट ताबडतोब बंद करण्यात आली. या वेबसाइटवरील डाटा सुरक्षित असल्याचे सांगण्यात येत आहे. परंतु काही तांत्रिक कारणांमुळे ती बंद ठेवण्यात आली आहे. नागपूर प्रादेशिक हवामान केंद्रीय उपप्रमुख थाटे यांच्याशी संपर्क साधला असता ते म्हणाले ‘नागपूर विभागाच्या हवामान खात्याची वेबसाइट ८ तारखेपासून बंद आहे, हे खरे आहे. ही वेबसाइट हॅक करण्याचा प्रयत्न झाला होता. ही वेबसाइट एनआयसीच्या अखत्यारित येते. वेबसाइटच्या सायबर सुरक्षेची जबाबदारी ही एनआयसीकडेच आहे. वेबसाइट पूर्णपणे हॅक करता येऊ शकलेली नाही. त्यांना केवळ ‘स्क्रोलिग मेसेज’ टाकता आला. ‘टुडेः हॅक्ड बाय लॉड माहडी’ असा संदेश यात टाकण्यात आला होता. परंतु वेबसाइटचा सगळा डाटा सुरक्षित आहे. या प्रकरणी खात्यातर्फे एनआयसीकडे (नॅशनल इन्फॉरमॅटिक्स सेंटर) तक्रार करण्यात आली आहे.’
नव्याने सुरू होणार वेबसाइट
या हल्ल्यानंतर ही वेबसाइट बंद करण्यात आली आहे. यावरील सगळा डाटा एनआयसीने सुरक्षित केला आहे. परंतु ही वेबसाइट आता नव्याने सुरू करावी लागणार आहे. त्याकरिता येथील हवामान विभागाच्या कार्यलयातर्फे एनआयसीला नव्याने प्रस्ताव पाठविण्यात येणार आहे, अशी माहिती प्राप्त झाली.
हल्ला इराणमधून?
या प्रकरणाचा तपास एनआयसी करीत असल्याचे समजते. इराणमधून हा हल्ला झाल्याची प्राथमिक माहिती प्राप्त झाली आहे. ज्या कम्प्युटरवरून हा हल्ला करण्यात आला, त्या कम्प्युटरचा ‘आयपी अॅड्रेस’ हा इराणमधील असल्याचे समजते. तसेच ‘आशियाना डिजिटल टीम’ हा गट या हल्ल्यात गुंतलेला असावा, असा अंदाज लावण्यात येत आहे तसेच प्रॉक्झी सर्व्हरवरून हा हल्ला करण्याचाही प्रयत्न असू शकतो. त्यामुळे हा आयपी अॅड्रेससुद्धा खोटा असू शकतो, अशी माहिती एका वरिष्ठ पदाधिकाऱ्याने नाव सांगण्याच्या अटीवर दिली.