नागपूर :
उपराजधानी सध्या गारठली असून शनिवारी ३.५ अंश इतक्या किमान तापमानाची नोंद करण्यात आली. हवामान खात्याच्या आकडेवारीनुसार ७ जानेवारी १९३७ रोजी नागपुरात ३.९ तर २०१४मध्ये ५ अंश सेल्सिअस तापमानाची नोंद करण्यात आली होती.
त्यामुळे नागपूरच्या आजवरच्या इतिहासात ३.९ हा नीचांक होता. शनिवारी ३.५ अंश सेल्सिअस तापमानाची नोंद झाल्याने हा विक्रम मोडीत निघाला. १८७४ मध्ये नागपुरात सर्वप्रथम तापमान मोजण्याच्या प्रक्रियेला सुरुवात झाली. गेल्या १४३ वर्षांमध्ये नागपूरचा पारा इतका घसरला नव्हता. एरव्ही झळा सोसणाऱ्या नागपूरने यंदाच्या उन्हाळ्यात सर्वाधिक तापमानाचा विक्रम मोडला नाही. तरीही मे महिन्यात १९ मे रोजी ४६.२ अंश तापमानाची नोंद झाली होती. उन्हाळ्यातील सर्वसामान्य तापमानापेक्षा जवळपास ४.५ अंशांनी अधिक होते.
उपराजधानी सध्या गारठली असून शनिवारी ३.५ अंश इतक्या किमान तापमानाची नोंद करण्यात आली. हवामान खात्याच्या आकडेवारीनुसार ७ जानेवारी १९३७ रोजी नागपुरात ३.९ तर २०१४मध्ये ५ अंश सेल्सिअस तापमानाची नोंद करण्यात आली होती.