म.टा. प्रतिनिधी, नागपूर
‘आदिवासींच्या सामाजिक व आर्थिक विकासाचे विश्लेषण करा. त्याआधारे त्यांच्या मानवी विकास निर्देशांकात कशी वाढ करता येईल, याचा अभ्यास करावा. त्यातून हा मानवी विकास निर्देशांक वृद्धिंगत करा’, अशा सूचना केंद्रीय जनजाती कार्यमंत्री ज्युएल ओराम यांनी शनिवारी अधिकाऱ्यांना दिल्या.
एक दिवसाच्या दौऱ्यावर असलेल्या ओराम यांनी रविभवनात आदिवासी विकास विभागातील अधिकाऱ्यांची बैठक घेतली. त्यामध्ये राज्य सरकारच्या विविध योजनांचा आढावा घेतला. त्यात प्रामुख्याने आदर्श प्रकल्प असलेल्या एकलव्य निवासी पब्लिक स्कूलबाबत ओराम आग्रही होते. तसेच शासकीय आश्रमशाळा, वसतिगृहे यांचादेखील त्यांनी आढावा घेतला. यामधील केंद्र व राज्य सरकारच्या अनुदानाबाबत त्यांनी विस्तृत माहिती घेत अधिकाऱ्यांना सूचना दिल्या.
आदिवासी विद्यार्थ्यांनी शिक्षणाची योग्य सोय उपलब्ध होण्यासाठी वसतिगृहांमध्ये मुलभूत पण अत्याधुनिक सोई-सुविधा पुरविण्यासंबंधी त्यांनी चर्चा केली. विद्यार्थ्यांच्या दहावीपूर्व शिष्यवृत्तीच्या रकमा थेट लाभ योजनेंतर्गत खात्यात जमा करण्यासोबतच खऱ्या आदिवासींना वैधता प्रमाणपत्र तत्काळ देण्याचे आदेशही यावेळी मंत्र्यांनी दिले.
आदिवासी विकास अप्पर आयुक्त माधवी खोडे यांनी नागपूर विभागातील योजनांचे सादरीकरण केले. आश्रमशाळेतील विद्यार्थ्यांमध्ये लैंगिक शिक्षणाच्या जागृतीबाबतच्या लघुपटाची सीडीदेखील मंत्र्यांना प्रदान करण्यात आली. राष्ट्रीय अनुसूचित जनजाती आयोगाच्या सदस्या माया इवनाते यांच्यासह सर्व प्रकल्प अधिकारी यावेळी उपस्थित होते.
गोंडी भाषेची प्रशिक्षण संस्था
प्रामुख्याने आदिवासींची आद्यभाषा असलेल्या गोंडी बोलीची द्विभाषिक पुस्तके आदिवासी संशोधन व प्रशिक्षण संस्थेच्या स्थापनेद्वारे उपलब्ध करावीत. तसेच आदिवासी गोंडवाना संग्रहालयाच्या बांधकामासाठी जागा तात्काळ ताब्यात घ्या, अशी विशेष सूचना यावेळी मंत्री ज्युएल ओराम यांनी दिली.
‘आदिवासींच्या सामाजिक व आर्थिक विकासाचे विश्लेषण करा. त्याआधारे त्यांच्या मानवी विकास निर्देशांकात कशी वाढ करता येईल, याचा अभ्यास करावा. त्यातून हा मानवी विकास निर्देशांक वृद्धिंगत करा’, अशा सूचना केंद्रीय जनजाती कार्यमंत्री ज्युएल ओराम यांनी शनिवारी अधिकाऱ्यांना दिल्या.
एक दिवसाच्या दौऱ्यावर असलेल्या ओराम यांनी रविभवनात आदिवासी विकास विभागातील अधिकाऱ्यांची बैठक घेतली. त्यामध्ये राज्य सरकारच्या विविध योजनांचा आढावा घेतला. त्यात प्रामुख्याने आदर्श प्रकल्प असलेल्या एकलव्य निवासी पब्लिक स्कूलबाबत ओराम आग्रही होते. तसेच शासकीय आश्रमशाळा, वसतिगृहे यांचादेखील त्यांनी आढावा घेतला. यामधील केंद्र व राज्य सरकारच्या अनुदानाबाबत त्यांनी विस्तृत माहिती घेत अधिकाऱ्यांना सूचना दिल्या.
आदिवासी विद्यार्थ्यांनी शिक्षणाची योग्य सोय उपलब्ध होण्यासाठी वसतिगृहांमध्ये मुलभूत पण अत्याधुनिक सोई-सुविधा पुरविण्यासंबंधी त्यांनी चर्चा केली. विद्यार्थ्यांच्या दहावीपूर्व शिष्यवृत्तीच्या रकमा थेट लाभ योजनेंतर्गत खात्यात जमा करण्यासोबतच खऱ्या आदिवासींना वैधता प्रमाणपत्र तत्काळ देण्याचे आदेशही यावेळी मंत्र्यांनी दिले.
आदिवासी विकास अप्पर आयुक्त माधवी खोडे यांनी नागपूर विभागातील योजनांचे सादरीकरण केले. आश्रमशाळेतील विद्यार्थ्यांमध्ये लैंगिक शिक्षणाच्या जागृतीबाबतच्या लघुपटाची सीडीदेखील मंत्र्यांना प्रदान करण्यात आली. राष्ट्रीय अनुसूचित जनजाती आयोगाच्या सदस्या माया इवनाते यांच्यासह सर्व प्रकल्प अधिकारी यावेळी उपस्थित होते.
गोंडी भाषेची प्रशिक्षण संस्था
प्रामुख्याने आदिवासींची आद्यभाषा असलेल्या गोंडी बोलीची द्विभाषिक पुस्तके आदिवासी संशोधन व प्रशिक्षण संस्थेच्या स्थापनेद्वारे उपलब्ध करावीत. तसेच आदिवासी गोंडवाना संग्रहालयाच्या बांधकामासाठी जागा तात्काळ ताब्यात घ्या, अशी विशेष सूचना यावेळी मंत्री ज्युएल ओराम यांनी दिली.