म.टा. प्रतिनिधी, नागपूर
भाजपाच्या दक्षिण पश्चिम शाखेतर्फे शनिवारपासून सुरू असलेल्या महाआरोग्य शिबिरात रोज २०० एमआरआय आणि जवळजवळ २५० सिटिस्कॅनच्या चाचण्या करून गरजू रुग्णांची पुढील उपचारासाठी शस्त्रक्रियेकरिता निवड केली जाणार आहे. शुक्रवारपासून सुरू होणाऱ्या शस्त्रक्रिया शिबिरात तब्बल अडिच ते तीन हजार शस्त्रक्रियांचे उद्दिष्ट गाठले जाणार आहे.
शनिवारपासून सुरू झालेल्या या महाआरोग्य शिबिरात आतापर्यंत २० हजारांहून अधिक जणांनी नोंदणी केली आहे. शिबिर सुरू झाल्यापासून रोज तब्बल ५०० रुग्ण तपासले जात आहेत. बुधवारी हा आकडा ८००पर्यंत पोहोचला. यात प्रामुख्याने नेत्र, दंत चिकित्सा, हृदय रुग्णांची तपासणी केली जात आहे. आतापर्यंत शिबिरात नोंदणी झालेल्या एकूण रुग्णांपैकी ६,५०० जणांच्या चाचण्या पूर्ण झाल्या आहेत. यात प्रामुख्याने इको कार्डिओग्राफी, सिटीस्कॅन, एमआरआय, एक्स-रेसह नेत्र आणि मेंदूशी निगडीत चाचण्यादेखील करण्यात आल्या आहेत. त्यापैकी शस्त्रक्रियांची गरज असलेल्या रुग्णांवर शुक्रवारपासून उपचार केले जाणार आहेत. त्यासाठी मुंबईसह देशभरातून विविध उपचारांच्या नामांकित डॉक्टरांची १७८ जणांची टीम गुरुवारी सायंकाळपर्यंत शहरात दाखल होणार आहे.
मेगा शस्त्रक्रिया शिबिरासाठी मेडिकलच्या चार शस्त्रक्रियागृहांसह शहरातील विविध खासगी रुग्णालयातील जवळपास १५ ऑपरेशन थिएटर सज्ज ठेवण्यात आले आहेत. या शस्त्रक्रिया शिबिरात २५० मोतीबिंदू, २५० काचबिंदू, हिप जॉइंट रिप्लेसमेंटच्या ७५, गुडघा प्रत्यारोपणाच्या ५०, हृदयरोगाच्या १२, कर्करोगाच्या चार, मेंदूशी निगडीत सहा व अन्य अशा किरकोळ व मेजर स्वरूपाच्या तब्बल अडिच हजार शस्त्रक्रिया केल्या जाणार आहेत. तज्ज्ञ १७८ शल्यचिकित्सकांच्या मदतीसाठी ३०० ज्युनिअर डॉक्टर्स, ७०० पॅरामेडिकल स्टाफची टीमही तैनात केली जाणार आहे.
भाजपाच्या दक्षिण पश्चिम शाखेतर्फे शनिवारपासून सुरू असलेल्या महाआरोग्य शिबिरात रोज २०० एमआरआय आणि जवळजवळ २५० सिटिस्कॅनच्या चाचण्या करून गरजू रुग्णांची पुढील उपचारासाठी शस्त्रक्रियेकरिता निवड केली जाणार आहे. शुक्रवारपासून सुरू होणाऱ्या शस्त्रक्रिया शिबिरात तब्बल अडिच ते तीन हजार शस्त्रक्रियांचे उद्दिष्ट गाठले जाणार आहे.
शनिवारपासून सुरू झालेल्या या महाआरोग्य शिबिरात आतापर्यंत २० हजारांहून अधिक जणांनी नोंदणी केली आहे. शिबिर सुरू झाल्यापासून रोज तब्बल ५०० रुग्ण तपासले जात आहेत. बुधवारी हा आकडा ८००पर्यंत पोहोचला. यात प्रामुख्याने नेत्र, दंत चिकित्सा, हृदय रुग्णांची तपासणी केली जात आहे. आतापर्यंत शिबिरात नोंदणी झालेल्या एकूण रुग्णांपैकी ६,५०० जणांच्या चाचण्या पूर्ण झाल्या आहेत. यात प्रामुख्याने इको कार्डिओग्राफी, सिटीस्कॅन, एमआरआय, एक्स-रेसह नेत्र आणि मेंदूशी निगडीत चाचण्यादेखील करण्यात आल्या आहेत. त्यापैकी शस्त्रक्रियांची गरज असलेल्या रुग्णांवर शुक्रवारपासून उपचार केले जाणार आहेत. त्यासाठी मुंबईसह देशभरातून विविध उपचारांच्या नामांकित डॉक्टरांची १७८ जणांची टीम गुरुवारी सायंकाळपर्यंत शहरात दाखल होणार आहे.
मेगा शस्त्रक्रिया शिबिरासाठी मेडिकलच्या चार शस्त्रक्रियागृहांसह शहरातील विविध खासगी रुग्णालयातील जवळपास १५ ऑपरेशन थिएटर सज्ज ठेवण्यात आले आहेत. या शस्त्रक्रिया शिबिरात २५० मोतीबिंदू, २५० काचबिंदू, हिप जॉइंट रिप्लेसमेंटच्या ७५, गुडघा प्रत्यारोपणाच्या ५०, हृदयरोगाच्या १२, कर्करोगाच्या चार, मेंदूशी निगडीत सहा व अन्य अशा किरकोळ व मेजर स्वरूपाच्या तब्बल अडिच हजार शस्त्रक्रिया केल्या जाणार आहेत. तज्ज्ञ १७८ शल्यचिकित्सकांच्या मदतीसाठी ३०० ज्युनिअर डॉक्टर्स, ७०० पॅरामेडिकल स्टाफची टीमही तैनात केली जाणार आहे.