म.टा. प्रतिनिधी, नागपूर
नृत्य करणे तर सोडा... ज्यांनी कधी स्टेजवर पायही ठेवला नाही, अशा नवख्यांचेही पाय विविध गाण्यांवर थिरकले आणि मीही चांगले नृत्य करू शकतो, असा आत्मविश्वास त्यांच्यात निर्माण झाला. छम छम छम..., पिंगा गं पोरी पिंगा..., लेट्स द म्युझिक प्ले... यांसारख्या गाण्यांवर नृत्य करण्याचे कौशल्य त्यांना शिकता आले.
निमित्त होते, ‘मटा कल्चर क्लब’ व फाइव्ह स्टार डान्स अॅक्टिंग अॅण्ड मॉडेलिंग अॅकेडमी यांच्या संयुक्त विद्यमाने आयोजित नृत्य कार्यशाळेचे. मेडिकल चौकातील चंदननगर भागातील फाइव्ह स्टार डान्स अॅक्टिंग अॅण्ड मॉडेलिंग अॅकेडमी येथे भरविण्यात आलेल्या या कार्यशाळेत पहिल्याच दिवशी नृत्याची आवड असणाऱ्यांनी उत्स्फूर्तपणे सहभाग नोंदविला. बच्चेकंपनीपासून ते ज्येष्ठांनीही नृत्याचे विविध कसब अवगत केले. अॅकेडमीचे संचालक व कोरिओग्राफर समीर कुमार यांच्या मार्गदर्शनात ही कार्यशाळा १ मार्चपर्यंत सुरू राहणार आहे. सायंकाळी ७ ते ८ आणि ८ ते ९ अशा दोन बॅचमध्ये ही कार्यशाळा सुरू आहे. बॉलिवूड आणि पाश्चात्य नृत्य या कार्यशाळेत शिकविण्यात येत असून नृत्यामुळे आरोग्यावर होणारे फायदेही सांगितले जात आहेत.
कॉलेजमधे शिकत असलेल्या युवक-युवतींसाठी ‘मटा कल्चर क्लब’कडून विशेष सवलत दिली जाणार आहे. कल्चर क्लबच्या सदस्य नोंदणी शुल्कात ३३ टक्के सूट दिली जाणार असून केवळ १९९ रुपयांमध्ये सदस्य नोंदणी करता येईल. सोबत, डान्स वर्कशॉपमध्ये मोफत प्रवेश दिला जाणार आहे. युवकांनी येताना कॉलेजचे ओळखपत्र सोबत आणावे. वेळेवरही प्रवेश घेता येईल.
नृत्य करणे तर सोडा... ज्यांनी कधी स्टेजवर पायही ठेवला नाही, अशा नवख्यांचेही पाय विविध गाण्यांवर थिरकले आणि मीही चांगले नृत्य करू शकतो, असा आत्मविश्वास त्यांच्यात निर्माण झाला. छम छम छम..., पिंगा गं पोरी पिंगा..., लेट्स द म्युझिक प्ले... यांसारख्या गाण्यांवर नृत्य करण्याचे कौशल्य त्यांना शिकता आले.
निमित्त होते, ‘मटा कल्चर क्लब’ व फाइव्ह स्टार डान्स अॅक्टिंग अॅण्ड मॉडेलिंग अॅकेडमी यांच्या संयुक्त विद्यमाने आयोजित नृत्य कार्यशाळेचे. मेडिकल चौकातील चंदननगर भागातील फाइव्ह स्टार डान्स अॅक्टिंग अॅण्ड मॉडेलिंग अॅकेडमी येथे भरविण्यात आलेल्या या कार्यशाळेत पहिल्याच दिवशी नृत्याची आवड असणाऱ्यांनी उत्स्फूर्तपणे सहभाग नोंदविला. बच्चेकंपनीपासून ते ज्येष्ठांनीही नृत्याचे विविध कसब अवगत केले. अॅकेडमीचे संचालक व कोरिओग्राफर समीर कुमार यांच्या मार्गदर्शनात ही कार्यशाळा १ मार्चपर्यंत सुरू राहणार आहे. सायंकाळी ७ ते ८ आणि ८ ते ९ अशा दोन बॅचमध्ये ही कार्यशाळा सुरू आहे. बॉलिवूड आणि पाश्चात्य नृत्य या कार्यशाळेत शिकविण्यात येत असून नृत्यामुळे आरोग्यावर होणारे फायदेही सांगितले जात आहेत.
कॉलेजमधे शिकत असलेल्या युवक-युवतींसाठी ‘मटा कल्चर क्लब’कडून विशेष सवलत दिली जाणार आहे. कल्चर क्लबच्या सदस्य नोंदणी शुल्कात ३३ टक्के सूट दिली जाणार असून केवळ १९९ रुपयांमध्ये सदस्य नोंदणी करता येईल. सोबत, डान्स वर्कशॉपमध्ये मोफत प्रवेश दिला जाणार आहे. युवकांनी येताना कॉलेजचे ओळखपत्र सोबत आणावे. वेळेवरही प्रवेश घेता येईल.