म.टा.प्रतिनिधी, नागपूर
नागपूरकरांची दिवाळी सुरेल व्हावी म्हणून ‘मटा’च्यावतीने शहराच्या विविध भागांत यंदा सांस्कृतिक कार्यक्रमांचे आयोजन करण्यात आले आहे. या सूरमयी दीपोत्सवाची सुरुवात शनिवारच्या सायंदीप कार्यक्रमापासून झाली. हिंदी-मराठी चित्रपटगीतांच्या ‘दीप-संध्या’ कार्यक्रमाने रसिकांना दीपोत्सवाच्या आगमनाची जाणीव करून दिली.
एच.बी. इस्टेट सांस्कृतिक मंडळाच्यावतीने आयोजित या कार्यक्रमात बॉलिट्युन्स म्युझिकल एंटरटेनर्सच्या चमूने विविध चित्रपटगीते सादर केली. ‘मटा कल्चर क्लब’ हा या कार्यक्रमाचा कल्चरल पार्टनर होता. सोनेगाव येथील एच.बी. इस्टेटमधील शिवमंदिर प्रांगणात हा कार्यक्रम घेण्यात आला.
महावितरणचे कार्यकारी अभियंता भिसे, शासकीय मेडिकल कॉलेजचे अधिष्ठाता डॉ. अभिमन्यू निसवाडे, झोन सभापती प्रकाश भोयर यांच्या प्रमुख उपस्थितीत कार्यक्रमाला प्रारंभ झाला. मुकुल पांडे यांच्या ‘सूर निरागस हो’ या गीताने कार्यक्रमाला सुरुवात झाली. नागपूरचे किशोर कुमार म्हणून लोकप्रिय असलेले सागर मधुमटके यांनी ‘ये शाम मस्तानी’, ‘मेरें सपनों की रानी’ ही गीते गाऊन कार्यक्रमात त्यांच्या अनोख्या स्टाइलने रंगत आणली. त्यांचे ‘मेरे सपनो की रानी’चे बंगाली रूपांतरही रसिकांच्या टाळ्या मिळवून गेले. त्यांनी नयना गाथू यांच्या साथीने गायलेल्या ‘आप की आँखो मे कुछ’ या गीतालाही रसिकांनी उत्तम दाद दिली. सुषमा काणे यांचे ‘बोले रे पपीहरा’, मयंक भोरकर यांचे ‘ये मेरा प्रेमपत्र पढकर’, आकांक्षा नगरकर यांच्या ‘ही गुलाबी हवा’ या गाण्यांनीही रसिकांना मंत्रमुग्ध केले. याशिवाय, ‘मधुबन मे राधिका’, ‘सागर किनारे’, ‘तुम पास आये’ अशी एकाहून एक सुरेल गाणी यावेळी सादर करण्यात आली. श्वेता शेलगावकर यांनी कार्यक्रमाचे निवेदन केले. अरविंद उपाध्ये, महेंद्र ढोले, प्रकाश चव्हाण, अक्षय हर्ले, दीपक कांबळे, अशोक टोकलवार यांनी विविध वाद्यांनी कार्यक्रमात रंगत आणली. एचबी इस्टेट परिसरातील अनेक नागरिक या कार्यक्रमाला उपस्थित होते. या कार्यक्रमात मटा कल्चर क्लबचे सदस्यत्व घेणाऱ्यांपैकी एका नशीबवान सदस्याला ‘मटा’च्यावतीने विशेष भेट देण्यात आली.
नागपूरकरांची दिवाळी सुरेल व्हावी म्हणून ‘मटा’च्यावतीने शहराच्या विविध भागांत यंदा सांस्कृतिक कार्यक्रमांचे आयोजन करण्यात आले आहे. या सूरमयी दीपोत्सवाची सुरुवात शनिवारच्या सायंदीप कार्यक्रमापासून झाली. हिंदी-मराठी चित्रपटगीतांच्या ‘दीप-संध्या’ कार्यक्रमाने रसिकांना दीपोत्सवाच्या आगमनाची जाणीव करून दिली.
एच.बी. इस्टेट सांस्कृतिक मंडळाच्यावतीने आयोजित या कार्यक्रमात बॉलिट्युन्स म्युझिकल एंटरटेनर्सच्या चमूने विविध चित्रपटगीते सादर केली. ‘मटा कल्चर क्लब’ हा या कार्यक्रमाचा कल्चरल पार्टनर होता. सोनेगाव येथील एच.बी. इस्टेटमधील शिवमंदिर प्रांगणात हा कार्यक्रम घेण्यात आला.
महावितरणचे कार्यकारी अभियंता भिसे, शासकीय मेडिकल कॉलेजचे अधिष्ठाता डॉ. अभिमन्यू निसवाडे, झोन सभापती प्रकाश भोयर यांच्या प्रमुख उपस्थितीत कार्यक्रमाला प्रारंभ झाला. मुकुल पांडे यांच्या ‘सूर निरागस हो’ या गीताने कार्यक्रमाला सुरुवात झाली. नागपूरचे किशोर कुमार म्हणून लोकप्रिय असलेले सागर मधुमटके यांनी ‘ये शाम मस्तानी’, ‘मेरें सपनों की रानी’ ही गीते गाऊन कार्यक्रमात त्यांच्या अनोख्या स्टाइलने रंगत आणली. त्यांचे ‘मेरे सपनो की रानी’चे बंगाली रूपांतरही रसिकांच्या टाळ्या मिळवून गेले. त्यांनी नयना गाथू यांच्या साथीने गायलेल्या ‘आप की आँखो मे कुछ’ या गीतालाही रसिकांनी उत्तम दाद दिली. सुषमा काणे यांचे ‘बोले रे पपीहरा’, मयंक भोरकर यांचे ‘ये मेरा प्रेमपत्र पढकर’, आकांक्षा नगरकर यांच्या ‘ही गुलाबी हवा’ या गाण्यांनीही रसिकांना मंत्रमुग्ध केले. याशिवाय, ‘मधुबन मे राधिका’, ‘सागर किनारे’, ‘तुम पास आये’ अशी एकाहून एक सुरेल गाणी यावेळी सादर करण्यात आली. श्वेता शेलगावकर यांनी कार्यक्रमाचे निवेदन केले. अरविंद उपाध्ये, महेंद्र ढोले, प्रकाश चव्हाण, अक्षय हर्ले, दीपक कांबळे, अशोक टोकलवार यांनी विविध वाद्यांनी कार्यक्रमात रंगत आणली. एचबी इस्टेट परिसरातील अनेक नागरिक या कार्यक्रमाला उपस्थित होते. या कार्यक्रमात मटा कल्चर क्लबचे सदस्यत्व घेणाऱ्यांपैकी एका नशीबवान सदस्याला ‘मटा’च्यावतीने विशेष भेट देण्यात आली.