भयंकर घटना! झोपेत असताना पत्नीवर फेकले उकळते तेल

नागपूर: पत्नीच्या चारित्र्यावर संशय असल्याने पतीने तिच्यावर उकळते तेल फेकून तिची हत्या करण्याचा प्रयत्न केला. ही घटना पाचपावली पोलिस ठाण्याच्या हद्दीतील पंचशीलनगर परिसरात शुक्रवारी पहाटे पाचच्या सुमारास घडली.

भावना सतीश भिमटे (वय ३१) असे जखमी महिलेचे तर सतीश सुखदेव भिमटे (वय ३९) असे आरोपीचे नाव आहे. भावनाचे विवाहबाह्य संबंध असल्याचा सतीषला संशय होता. यावरून त्यांच्या नेहमीच वाद होत. गुरुवारी रात्री भावना झोपली. त्यानंतर सतीश शुक्रवारी भल्या पहाटे उठला. भावना झोपलेलीच होती. सतीशने घरातील कढईत तेल उकळविले. ती झोपेत असतानाच तिच्या अंगावर हे उकळ‌ते तेल ओतले. यात तिचे हात, पाय, छाती भाजली. तिच्यावर उपचार सुरू असून तिची प्रकृती गंभीर असल्याचे कळते. पोलिसांनी या प्रकरणी प्राणघातक हल्ल्याचा गुन्हा दाखल केला आहे.

हेही वाचा:

१२ ऑक्टोबरच्या रात्री मुंबई-पुणे एक्सप्रेस हायवेवर काय घडलं?; तपासातून धक्कादायक सत्य समोर

अनैतिक संबंधांमध्ये अडथळा ठरणाऱ्या पतीचा सुपारी देऊन खून