म.टा.प्रतिनिधी,नागपूर
अस्वच्छतेसंदर्भात रेल्वे प्रशासनाने कडक धोरण ठरवायला हवे. रेल्वेस्थानक आणि परिसर स्वच्छ ठेवण्यासाठी ठोस पावले उचलावीत. रेल्वे रुळावर शौचास बसणाऱ्या लोकांवर रेल्वे पोलिसांच्या मदतीने दंडात्मक कारवाई करावी. मनपासोबत समन्वय ठेवून यावर नियंत्रण आणून स्वच्छतेबाबत कडक उपाययोजना आखाव्यात, अशा सूचना महापौर नंदा जिचकार यांनी दक्षिण-मध्य रेल्वेच्या वरिष्ठ अधिकाऱ्यांना दिल्या.
स्वच्छ भारत अभियानांतर्गत नागपुरात सध्या सुरू असलेल्या उपक्रमाचा एक भाग म्हणून महापौर नंदा जिचकार यांनी रेल्वे स्थानकावरील स्वच्छतेचा आणि रेल्वे प्रशासनातर्फे सुरू असलेल्या उपाययोजनांचा आढावा घेतला. महापालिकेच्या महापौर कक्षात यासंदर्भात बैठक पार पडली. ‘स्वच्छ नागपूर सुंदर नागपूर’ या अभियानात नागपूर शहर मागे पडले. यासंदर्भात केलेल्या अभ्यासात रेल्वेस्थानक व बसस्थानक परिसरातील अस्वच्छतेबाबत काही आक्षेप नोंदविण्यात आले आहेत. याविषयी बैठकीत सांगोपांग चर्चा करण्यात आली. बैठकीला सहायक विभागीय रेल्वे व्यवस्थापक त्रिलोक कोठारी, वरिष्ठ डीईएन (सीओ) भावेशकुमार झा, वरिष्ठ विभागीय मुख्य व्यवस्थापक के. के. मिश्रा, वरिष्ठ डीएमई परवेश साहू यांच्यासह महापालिकेचे उपायुक्त जयंत दांडेगावकर, वैद्यकीय अधिकारी (स्वच्छता) डॉ. प्रदीप दासरवार उपस्थित होते.
रेल्वे अधिकाऱ्यांनी महापौर नंदा जिचकार यांना नागपूर रेल्वेस्थानक परिसरात रेल्वे प्रशासनातर्फे स्वच्छतेसंदर्भात काय केले जात आहे, याबद्दल माहिती दिली. रेल्वेस्थानक आणि परिसर स्वच्छ व सुंदर ठेवण्यासाठी नागपूर महापालिकेचे सहकार्य अपेक्षित असल्याचे त्यांनी सांगितले. रेल्वे अधिकाऱ्यांनी सांगितलेल्या अडचणी ऐकल्यानंतर महापौर नंदा जिचकार यांनी रेल्वे विभाग आणि मनपा यांच्या समन्वय असल्याशिवाय कुठलेही काम शक्य नसल्याचे सांगितले. रेल्वेस्थानक परिसरात असलेल्या वाहतुकीच्या मुद्द्यावर तोडगा काढण्यासाठी पुढील बैठकीत वाहतूक पोलिस अधिकाऱ्यांना बोलविण्याच्या सूचना त्यांनी केल्या. उघड्यावर शौच करणाऱ्यावर महापालिकेच्यावतीने कडक कारवाई करण्यात येत आहे. रेल्वे परिसरात, रेल्वे रुळावर आजूबाजूच्या वस्तीतील लोक शौचाला बसतात. त्यांच्यावर रेल्वे पोलिसांच्या मदतीने रेल्वे अधिकाऱ्यांनी दंडात्मक कारवाई करावी, स्वच्छ भारत अभियानातील मार्गदर्शक सूचनांची अंमलबजावणी करण्यात यावी, अशा सूचनाही महापौर नंदा जिचकार यांनी केल्या.
स्वच्छ स्थानकांना भेटी द्या!
‘महापौर या नात्याने इतर शहरांत सुरू असलेल्या चांगल्या कामांची माहिती घेण्याचा प्रयत्न करते. ज्या महापालिका स्वच्छतेत आघाडीवर आहेत, जेथे काहीतरी अभिनव प्रयोग सुरू आहेत, अशा महापालिकांना स्वत: भेट देत आहे. आपणही स्वच्छतेत आघाडीवर असलेल्या रेल्वे स्थानकांना भेटी द्या. त्यांनी काय चांगले केले, त्याची अंमलबजावणी नागपूर स्थानकावर करा’, असा सल्लाही महापौर नंदा जिचकार यांनी रेल्वे अधिकाऱ्यांना दिल्या.
अस्वच्छतेसंदर्भात रेल्वे प्रशासनाने कडक धोरण ठरवायला हवे. रेल्वेस्थानक आणि परिसर स्वच्छ ठेवण्यासाठी ठोस पावले उचलावीत. रेल्वे रुळावर शौचास बसणाऱ्या लोकांवर रेल्वे पोलिसांच्या मदतीने दंडात्मक कारवाई करावी. मनपासोबत समन्वय ठेवून यावर नियंत्रण आणून स्वच्छतेबाबत कडक उपाययोजना आखाव्यात, अशा सूचना महापौर नंदा जिचकार यांनी दक्षिण-मध्य रेल्वेच्या वरिष्ठ अधिकाऱ्यांना दिल्या.
स्वच्छ भारत अभियानांतर्गत नागपुरात सध्या सुरू असलेल्या उपक्रमाचा एक भाग म्हणून महापौर नंदा जिचकार यांनी रेल्वे स्थानकावरील स्वच्छतेचा आणि रेल्वे प्रशासनातर्फे सुरू असलेल्या उपाययोजनांचा आढावा घेतला. महापालिकेच्या महापौर कक्षात यासंदर्भात बैठक पार पडली. ‘स्वच्छ नागपूर सुंदर नागपूर’ या अभियानात नागपूर शहर मागे पडले. यासंदर्भात केलेल्या अभ्यासात रेल्वेस्थानक व बसस्थानक परिसरातील अस्वच्छतेबाबत काही आक्षेप नोंदविण्यात आले आहेत. याविषयी बैठकीत सांगोपांग चर्चा करण्यात आली. बैठकीला सहायक विभागीय रेल्वे व्यवस्थापक त्रिलोक कोठारी, वरिष्ठ डीईएन (सीओ) भावेशकुमार झा, वरिष्ठ विभागीय मुख्य व्यवस्थापक के. के. मिश्रा, वरिष्ठ डीएमई परवेश साहू यांच्यासह महापालिकेचे उपायुक्त जयंत दांडेगावकर, वैद्यकीय अधिकारी (स्वच्छता) डॉ. प्रदीप दासरवार उपस्थित होते.
रेल्वे अधिकाऱ्यांनी महापौर नंदा जिचकार यांना नागपूर रेल्वेस्थानक परिसरात रेल्वे प्रशासनातर्फे स्वच्छतेसंदर्भात काय केले जात आहे, याबद्दल माहिती दिली. रेल्वेस्थानक आणि परिसर स्वच्छ व सुंदर ठेवण्यासाठी नागपूर महापालिकेचे सहकार्य अपेक्षित असल्याचे त्यांनी सांगितले. रेल्वे अधिकाऱ्यांनी सांगितलेल्या अडचणी ऐकल्यानंतर महापौर नंदा जिचकार यांनी रेल्वे विभाग आणि मनपा यांच्या समन्वय असल्याशिवाय कुठलेही काम शक्य नसल्याचे सांगितले. रेल्वेस्थानक परिसरात असलेल्या वाहतुकीच्या मुद्द्यावर तोडगा काढण्यासाठी पुढील बैठकीत वाहतूक पोलिस अधिकाऱ्यांना बोलविण्याच्या सूचना त्यांनी केल्या. उघड्यावर शौच करणाऱ्यावर महापालिकेच्यावतीने कडक कारवाई करण्यात येत आहे. रेल्वे परिसरात, रेल्वे रुळावर आजूबाजूच्या वस्तीतील लोक शौचाला बसतात. त्यांच्यावर रेल्वे पोलिसांच्या मदतीने रेल्वे अधिकाऱ्यांनी दंडात्मक कारवाई करावी, स्वच्छ भारत अभियानातील मार्गदर्शक सूचनांची अंमलबजावणी करण्यात यावी, अशा सूचनाही महापौर नंदा जिचकार यांनी केल्या.
स्वच्छ स्थानकांना भेटी द्या!
‘महापौर या नात्याने इतर शहरांत सुरू असलेल्या चांगल्या कामांची माहिती घेण्याचा प्रयत्न करते. ज्या महापालिका स्वच्छतेत आघाडीवर आहेत, जेथे काहीतरी अभिनव प्रयोग सुरू आहेत, अशा महापालिकांना स्वत: भेट देत आहे. आपणही स्वच्छतेत आघाडीवर असलेल्या रेल्वे स्थानकांना भेटी द्या. त्यांनी काय चांगले केले, त्याची अंमलबजावणी नागपूर स्थानकावर करा’, असा सल्लाही महापौर नंदा जिचकार यांनी रेल्वे अधिकाऱ्यांना दिल्या.