म.टा.प्रतिनिधी,नागपूर
नागपूर महापालिका निवडणुकीचे राजपत्र प्रसिद्ध करण्यात आले आहे. याबाबतची माहिती निवडणूक आयोगासह संबंधितांना पोहोचविण्यात आली आहे. सोबतच महापौरपदाच्या निवडणुकीची नोटीसही काढण्यात आली आहे. येत्या ५ मार्चला नागपूरच्या ५२ व्या महापौराची निवडणूक होईल. त्यासाठी १ मार्चपासून नामनिर्देशन पत्र स्वीकारण्यास सुरुवात होईल. सकाळी १० वाजता निवडणूक प्रक्रियेस सुरुवात होईल. जिल्हाधिकारी सचिन कुर्वे पीठासीन अधिकारी असतील.
२३ फेब्रुवारी,गुरुवारला मतमोजणी पार पडली. त्याच दिवशी विजयी झालेल्या उमेदवारांचे राजपत्र प्रसिद्ध करण्यात आले. रात्री उशिरापर्यंत शासकीय मुद्रणालयात हे काम सुरू होते. ही माहिती निवडणूक आयोगासह विभागीय आयुक्त व संबंधितांना पाठविण्यात आले. सोबतच ५ मार्चच्या महापौर निवडणुकीची नोटीसही विभागीय आयुक्तांतर्फे काढण्यात आली.यासोबतच आघाडी नोंदणीसाठी ३० दिवसाचा कालावधी बाबतही नोटीस काढण्यात आली.
बहुमत असल्याने भाजपचाच महापौर असेल हे ठरलेले आहे. आता निवडीची औपचारिकता राहिलेली आहे. केवळ उमेदवार कोण? याचीच उत्सुकता आहे. यंदाचे महापौरपद सर्वसाधारण महिला प्रवर्गासाठी आरक्षित आहे. त्यामुळे निवडून आलेल्या सर्वच नगरसेविका यासाठी पात्र आहेत. भाजपने बहुमतापेक्षाही अधिकचा आकडा पार केला आहे. मनपाच्या इतिहासात १०८ एवढा मोठा शंभरी आकडा पार करण्याची ही पहिलीच वेळ आहे. त्यामुळे नव्या महापौरास काम करताना कुठलीही अडचण येणार नाही.
शिवाय, पक्षाचे अनुभवी नगरसेवक सभागृहात असल्याने महिला महापौरांना काम करतानाही अधिक सुलभ होणार आहे. ४ मार्चपर्यंत महापौरपदासाठी नामनिर्देशपत्र स्वीकारले जातील. सकाळी ५ मार्चला अर्ज मागे घेण्याची वेळ दिली जाईल.
गरज पडल्यास निवडणूक प्रक्रिया पूर्ण करून मतदान घेण्यात येईल. त्यामुळे आता निवडीच्या औपचारिकता पूर्ण करून महापौर कोण? याचीच उत्सुकता नागपूरकरांना आहे.
काँग्रेस लढणार?
भाजपला मनपात बहुमत मिळाले असले तरी काँग्रेस निवड अविरोध होऊ देणार नसल्याचे संकेत आहेत. लोकशाहीत निवडणूक व्हावी. लोकशाही अधिक प्रगल्भ व्हावी, यासाटी काँग्रेसतर्फे उमेदवार उभा करण्याची शक्यता आहे. एखादवेळी बसपाचा उमेदवाराचेही कॉंग्रेस समर्थन करू शकेल, अशीही शक्यता वर्तविण्यात येत आहे.
नागपूर महापालिका निवडणुकीचे राजपत्र प्रसिद्ध करण्यात आले आहे. याबाबतची माहिती निवडणूक आयोगासह संबंधितांना पोहोचविण्यात आली आहे. सोबतच महापौरपदाच्या निवडणुकीची नोटीसही काढण्यात आली आहे. येत्या ५ मार्चला नागपूरच्या ५२ व्या महापौराची निवडणूक होईल. त्यासाठी १ मार्चपासून नामनिर्देशन पत्र स्वीकारण्यास सुरुवात होईल. सकाळी १० वाजता निवडणूक प्रक्रियेस सुरुवात होईल. जिल्हाधिकारी सचिन कुर्वे पीठासीन अधिकारी असतील.
२३ फेब्रुवारी,गुरुवारला मतमोजणी पार पडली. त्याच दिवशी विजयी झालेल्या उमेदवारांचे राजपत्र प्रसिद्ध करण्यात आले. रात्री उशिरापर्यंत शासकीय मुद्रणालयात हे काम सुरू होते. ही माहिती निवडणूक आयोगासह विभागीय आयुक्त व संबंधितांना पाठविण्यात आले. सोबतच ५ मार्चच्या महापौर निवडणुकीची नोटीसही विभागीय आयुक्तांतर्फे काढण्यात आली.यासोबतच आघाडी नोंदणीसाठी ३० दिवसाचा कालावधी बाबतही नोटीस काढण्यात आली.
बहुमत असल्याने भाजपचाच महापौर असेल हे ठरलेले आहे. आता निवडीची औपचारिकता राहिलेली आहे. केवळ उमेदवार कोण? याचीच उत्सुकता आहे. यंदाचे महापौरपद सर्वसाधारण महिला प्रवर्गासाठी आरक्षित आहे. त्यामुळे निवडून आलेल्या सर्वच नगरसेविका यासाठी पात्र आहेत. भाजपने बहुमतापेक्षाही अधिकचा आकडा पार केला आहे. मनपाच्या इतिहासात १०८ एवढा मोठा शंभरी आकडा पार करण्याची ही पहिलीच वेळ आहे. त्यामुळे नव्या महापौरास काम करताना कुठलीही अडचण येणार नाही.
शिवाय, पक्षाचे अनुभवी नगरसेवक सभागृहात असल्याने महिला महापौरांना काम करतानाही अधिक सुलभ होणार आहे. ४ मार्चपर्यंत महापौरपदासाठी नामनिर्देशपत्र स्वीकारले जातील. सकाळी ५ मार्चला अर्ज मागे घेण्याची वेळ दिली जाईल.
गरज पडल्यास निवडणूक प्रक्रिया पूर्ण करून मतदान घेण्यात येईल. त्यामुळे आता निवडीच्या औपचारिकता पूर्ण करून महापौर कोण? याचीच उत्सुकता नागपूरकरांना आहे.
काँग्रेस लढणार?
भाजपला मनपात बहुमत मिळाले असले तरी काँग्रेस निवड अविरोध होऊ देणार नसल्याचे संकेत आहेत. लोकशाहीत निवडणूक व्हावी. लोकशाही अधिक प्रगल्भ व्हावी, यासाटी काँग्रेसतर्फे उमेदवार उभा करण्याची शक्यता आहे. एखादवेळी बसपाचा उमेदवाराचेही कॉंग्रेस समर्थन करू शकेल, अशीही शक्यता वर्तविण्यात येत आहे.