म.टा.प्रतिनिधी, नागपूर
देशभरातील महानगरांमधील वाहतूक व्यवस्था अधिक बळकट करण्याच्या दृष्टिकोनातून वेगवेगळ्या तंत्रज्ञानाच्या माहितीची आदान-प्रदान व्हावी, या उद्देशाने गुजरात येथील गांधीनगर येथे प्रदर्शन भरविण्यात आले आहे. या प्रदर्शनातून नागपूर मेट्रो रेल्वेच्या कामाच्या आतापर्यंतच्या गतीचे खास स्टॉल लावण्यात आले आहेत.
नववे अर्बन मॉबिलिटी इंडिया कॉन्स्फरन्स आणि प्रदर्शन गुजरात येथील गांधीनगर येथे भरविण्यात आले आहे. ८ नोव्हेंबरपासून या प्रदर्शनाला सुरुवात झाली असून ११ नोव्हेंबरपर्यंत ते चालणार आहे. केंद्रीय नगरविकास मंत्री वेंकया नायडू यांच्या हस्ते या प्रदर्शनाचे उद्घाटन झाले. शहर वाहतूक हा या परिषदेचा विषय आहे.
नगरविकास मंत्रालयांतर्गत येणाऱ्या इन्स्टिट्युट ऑफ अर्बन ट्रान्सपोर्टच्यावतीने ही परिषद भरविण्यात आली आहे. केंद्रसरकारचे शहर वाहतूक धोरण लागू करण्याच्या दृष्टिकोनातून अर्बन मॉबिलिटी इंडिया (यूएमआय) ही परिषद भरविण्यात आली आहे. शहरी वाहतूक विभागातील देशातील आणि आंतरराष्ट्रीय तज्ज्ञ आणि विविध मतप्रवाहांना एका व्यासपीठावर आणण्यासाठी ही परिषद भरविण्यात आली आहे. शहर वाहतुकीत सुधारणा करण्यासाठी काय करता येईल, यावर या परिषदेच्या माध्यमातून विचारमंथन सुरू आहे.
यंत्रणा सक्षम हवी
शहर बससेवेत सुधारणा, मेट्रोचे अर्थशास्त्र, कमी प्रदूषण करणारी वाहतूक, बळकट सार्वजनिक वाहतूक सेवा, छोट्या शहरांसाठी वाहतूक योजना, महानगरांसाठी अद्ययावत वाहतूक सुविधा, स्मार्ट पार्किंग, वाहतूक आणि सुरक्षित रस्ते, दर्जेदार वाहतूक व्यवस्था आदी विषयांवर या परिषदेच्या माध्यमातून मंथन करण्यात येत आहे. देशभरातील वाहतुकीचे स्टॉल या प्रदर्शनात लागले असून नागपूर मेट्रोची माहिती देणारे स्टॉलचाही त्यात प्रामुख्याने समावेश आहे. देशभरातील मेट्रो रेल्वे कॉर्पोरेशन यांच्यासह वाहतूक क्षेत्रातील इतर संस्था या परिषदेत सहभागी झाल्या आहेत. नागपूर मेट्रो रेल्वेच्या प्रकल्पाची अपडेट माहिती देणारे स्टॉल या प्रदर्शनात लावण्यात आले आहे. देशातील शहरांची गरज लक्षात घेता वाहतूक व्यवस्थाही बदलत असल्याचे विचार या परिषदेतील तज्ज्ञांनी मांडले.
देशभरातील महानगरांमधील वाहतूक व्यवस्था अधिक बळकट करण्याच्या दृष्टिकोनातून वेगवेगळ्या तंत्रज्ञानाच्या माहितीची आदान-प्रदान व्हावी, या उद्देशाने गुजरात येथील गांधीनगर येथे प्रदर्शन भरविण्यात आले आहे. या प्रदर्शनातून नागपूर मेट्रो रेल्वेच्या कामाच्या आतापर्यंतच्या गतीचे खास स्टॉल लावण्यात आले आहेत.
नववे अर्बन मॉबिलिटी इंडिया कॉन्स्फरन्स आणि प्रदर्शन गुजरात येथील गांधीनगर येथे भरविण्यात आले आहे. ८ नोव्हेंबरपासून या प्रदर्शनाला सुरुवात झाली असून ११ नोव्हेंबरपर्यंत ते चालणार आहे. केंद्रीय नगरविकास मंत्री वेंकया नायडू यांच्या हस्ते या प्रदर्शनाचे उद्घाटन झाले. शहर वाहतूक हा या परिषदेचा विषय आहे.
नगरविकास मंत्रालयांतर्गत येणाऱ्या इन्स्टिट्युट ऑफ अर्बन ट्रान्सपोर्टच्यावतीने ही परिषद भरविण्यात आली आहे. केंद्रसरकारचे शहर वाहतूक धोरण लागू करण्याच्या दृष्टिकोनातून अर्बन मॉबिलिटी इंडिया (यूएमआय) ही परिषद भरविण्यात आली आहे. शहरी वाहतूक विभागातील देशातील आणि आंतरराष्ट्रीय तज्ज्ञ आणि विविध मतप्रवाहांना एका व्यासपीठावर आणण्यासाठी ही परिषद भरविण्यात आली आहे. शहर वाहतुकीत सुधारणा करण्यासाठी काय करता येईल, यावर या परिषदेच्या माध्यमातून विचारमंथन सुरू आहे.
यंत्रणा सक्षम हवी
शहर बससेवेत सुधारणा, मेट्रोचे अर्थशास्त्र, कमी प्रदूषण करणारी वाहतूक, बळकट सार्वजनिक वाहतूक सेवा, छोट्या शहरांसाठी वाहतूक योजना, महानगरांसाठी अद्ययावत वाहतूक सुविधा, स्मार्ट पार्किंग, वाहतूक आणि सुरक्षित रस्ते, दर्जेदार वाहतूक व्यवस्था आदी विषयांवर या परिषदेच्या माध्यमातून मंथन करण्यात येत आहे. देशभरातील वाहतुकीचे स्टॉल या प्रदर्शनात लागले असून नागपूर मेट्रोची माहिती देणारे स्टॉलचाही त्यात प्रामुख्याने समावेश आहे. देशभरातील मेट्रो रेल्वे कॉर्पोरेशन यांच्यासह वाहतूक क्षेत्रातील इतर संस्था या परिषदेत सहभागी झाल्या आहेत. नागपूर मेट्रो रेल्वेच्या प्रकल्पाची अपडेट माहिती देणारे स्टॉल या प्रदर्शनात लावण्यात आले आहे. देशातील शहरांची गरज लक्षात घेता वाहतूक व्यवस्थाही बदलत असल्याचे विचार या परिषदेतील तज्ज्ञांनी मांडले.