म.टा. प्रतिनिधी, नागपूर
वर्धमाननगर परिसरातील डॉ. बाबासाहेब आंबेडकर चौकात मेट्रोचा पीअर कोसळल्याची घटना ताजी असतानाच, बुधवारी रहाटे कॉलनी परिसरातील पीअर वाकल्याची घटना घडली. सुदैवाने पिअर खाली कोसळला नाही, आणि कुठलीही दुर्घटना झाली नाही. पीअर सरळ करण्यासाठी वाहतूक थांबविल्याने पिअर कोसळल्याची अफवा पसरली होती.
गेल्या ८ ऑक्टोबर रोजी वर्धमाननगर परिसरातील डॉ. बाबासाहेब आंबेडकर चौकात मेट्रोचा पीअर (वजनी लोखंडी पिंजरा) कोसळून एक महिला गंभीर जखमी झाली होती. या घटनेनंतर संबंधित अभियंत्यांना महामेट्रोने निलंबितही केले होते. महामेट्रोने या घटनेची गंभीर दखल घेत यापुढे अशी घटना होणार नाही, यासाठी योग्य त्या खबरदारीच्या सूचनाही दिल्या होत्या. ऑटोमोटिव्ह चौक ते मिहान आणि प्रजापतीनगर ते लोकमान्यनगर या मार्गावर आता मेट्रोचे काम जोरात सुरू आहे. वेळेत काम पूर्ण करण्यासाठी तारेवरची कसरत सुरू आहे, मात्र या धावपळीत कुठलीही दुर्घटना होऊ नये याची खबरदारीही घेणे गरजेचे असल्याचे यानिमित्ताने पुढे आले आहे.
बुधवारी रहाटे कॉलनी परिसरात पीअर तयार करण्यासाठी पायलिंगचे काम पूर्ण झाल्यानंतर लोखंडी पिंजरा तयार करण्यात आला. या पिंजऱ्याला जाळी बांधण्याची तयारी सुरू असताना अचानक हा पिंजरा वाकला. पीअर वाकल्याचे लक्षात येताच या मार्गावरील वाहतूक बंद करण्यात आली. पीअर सरळ करेपर्यंत हा मार्ग बंद होता. त्यामुळे नागरिकांध्ये ‘मेट्रोचा पीअर कोसळला, मेट्रोचा पूल खाली पडला’, अशा अफवा पसरल्या. सोशल मीडियावरूनही असे मेसेज फिरू लागल्याने नागरिकांमध्ये काहीसा गोंधळ उडाला.
छोटी चूकही नकोच!
वाहतूक सुरू असताना मेट्रो रेल्वेचे काम सुरू आहे. त्यामुळे एक छोटीशी चूकही मोठे नुकसान करू शकते, याची जाणीव ठेवण्याच्या सूचना कंत्राटदारांना देण्यात आल्या आहेत. चूक झाल्यास कुठलीही हयगय केली जाणार नाही, असे निर्देश महामेट्रोने कंत्राटदारांना दिले.
वर्धमाननगर परिसरातील डॉ. बाबासाहेब आंबेडकर चौकात मेट्रोचा पीअर कोसळल्याची घटना ताजी असतानाच, बुधवारी रहाटे कॉलनी परिसरातील पीअर वाकल्याची घटना घडली. सुदैवाने पिअर खाली कोसळला नाही, आणि कुठलीही दुर्घटना झाली नाही. पीअर सरळ करण्यासाठी वाहतूक थांबविल्याने पिअर कोसळल्याची अफवा पसरली होती.
गेल्या ८ ऑक्टोबर रोजी वर्धमाननगर परिसरातील डॉ. बाबासाहेब आंबेडकर चौकात मेट्रोचा पीअर (वजनी लोखंडी पिंजरा) कोसळून एक महिला गंभीर जखमी झाली होती. या घटनेनंतर संबंधित अभियंत्यांना महामेट्रोने निलंबितही केले होते. महामेट्रोने या घटनेची गंभीर दखल घेत यापुढे अशी घटना होणार नाही, यासाठी योग्य त्या खबरदारीच्या सूचनाही दिल्या होत्या. ऑटोमोटिव्ह चौक ते मिहान आणि प्रजापतीनगर ते लोकमान्यनगर या मार्गावर आता मेट्रोचे काम जोरात सुरू आहे. वेळेत काम पूर्ण करण्यासाठी तारेवरची कसरत सुरू आहे, मात्र या धावपळीत कुठलीही दुर्घटना होऊ नये याची खबरदारीही घेणे गरजेचे असल्याचे यानिमित्ताने पुढे आले आहे.
बुधवारी रहाटे कॉलनी परिसरात पीअर तयार करण्यासाठी पायलिंगचे काम पूर्ण झाल्यानंतर लोखंडी पिंजरा तयार करण्यात आला. या पिंजऱ्याला जाळी बांधण्याची तयारी सुरू असताना अचानक हा पिंजरा वाकला. पीअर वाकल्याचे लक्षात येताच या मार्गावरील वाहतूक बंद करण्यात आली. पीअर सरळ करेपर्यंत हा मार्ग बंद होता. त्यामुळे नागरिकांध्ये ‘मेट्रोचा पीअर कोसळला, मेट्रोचा पूल खाली पडला’, अशा अफवा पसरल्या. सोशल मीडियावरूनही असे मेसेज फिरू लागल्याने नागरिकांमध्ये काहीसा गोंधळ उडाला.
छोटी चूकही नकोच!
वाहतूक सुरू असताना मेट्रो रेल्वेचे काम सुरू आहे. त्यामुळे एक छोटीशी चूकही मोठे नुकसान करू शकते, याची जाणीव ठेवण्याच्या सूचना कंत्राटदारांना देण्यात आल्या आहेत. चूक झाल्यास कुठलीही हयगय केली जाणार नाही, असे निर्देश महामेट्रोने कंत्राटदारांना दिले.