म.टा. प्रतिनिधी, नागपूर
वाहतूक हवालदाराला शिवीगाळ आणि मारहाण केल्याप्रकरणी गुन्हा दाखल करण्यात आलेले अचलपूरचे आमदार बच्चू कडू यांना मुंबई हायकोर्टाच्या नागपूर खंडपीठाने मंगळवारी अटकपूर्व जामीन मंजूर केला.
आमदार बच्चू कडू हे २४ मार्च रोजी परतवाडा येथील एस. टी. डेपो चौकातून सायंकाळी साडेपाच वाजताच्या सुमारास जात असताना तिथे काही खासगी ट्रव्हल्सच्या बसेस उभ्या असलेल्या त्यांना दिसल्या. तेव्हा तिथे वाहतूक नियंत्रित करीत असलेल्या इंद्रजित चौधरी यांना बच्चू कडू व त्यांच्या साथीदारांनी बसेसवर कारवाई का करीत नाही, असे म्हणत अश्लील शिवीगाळ केली, तसेच धक्काबुक्की करून मारहाण केली. याप्रकरणी चौधरी यांनी परतवाडा येथील पोलिस ठाण्यात आमदार कडू, त्यांचे साथीदार मंगेश देशमुख आणि अंकुश जवंजाळ यांच्याविरूद्ध तक्रार दाखल केली. तसेच नंतर पोलिसांनी याप्रकरणी आमदार कडू व इतरांवर भांदवीच्या कलम ३५३, ३३२, १८६, २९४ आणि ३४ अन्वये गुन्हा दाखल केला.
दरम्यान, याप्रकरणी अटक होण्याची शक्यता असल्याने आमदार कडू यांनी परतवाडा येथील सत्र न्यायालयात अटकपूर्व जामिनाकरिता अर्ज केला होता. सदर अर्ज फेटाळण्यात आल्याने कडू यांनी हायकोर्टातील न्या. झेड. ए. हक यांच्या एकलपीठासमोर अपील दाखल केली. आमदार कडू यांनी दाखल केलेल्या अर्जानुसार, ज्या मार्गावर पोलिस हवालदाराने मारहाण केल्याचा दावा केला आहे, तिथे गेल्या काही दिवसांत अनेक अपघात झालेत. तसेच तीन ते चार जणांचा अपघाती मृत्यु झाला. पोलिसांकडून वाहतूक नियंत्रित होत नसल्याने अपघात झाल्याचे निदर्शनास आले. लोकप्रतिनिधी या नात्याने हवालदाराला जाब विचारला असता, त्याने उद्धट उत्तरे दिली. त्यामुळे तिथे शाब्दीक वाद झाला. वाहतूक पोलिसाने त्याचे कर्तव्य योग्य प्रकारे बजावत नसल्यानेच अपघात झाला असून वाहतुकीलाही अडथळा होत असल्याचे निदर्शनास आणून दिले. परंतु, त्या हवालादाराने नंतर मारहाण केल्याचा दावा करणारी तक्रार दाखल केली. त्यामुळे अटकपूर्व जामीन देण्यात यावा, अशी विनंती हायकोर्टाला करण्यात आली. तेव्हा हायकोर्टाने आमदार कडू यांना अटकपूर्व जामीन मंजूर केला. कडू यांच्यावतीने वरिष्ठ अधिवक्ता सुबोध धर्माधिकारी यांनी, तर सरकारी पक्षातर्फे सहायक सरकारी वकील संजय डोईफोडे यांनी बाजू मांडली.
वाहतूक हवालदाराला शिवीगाळ आणि मारहाण केल्याप्रकरणी गुन्हा दाखल करण्यात आलेले अचलपूरचे आमदार बच्चू कडू यांना मुंबई हायकोर्टाच्या नागपूर खंडपीठाने मंगळवारी अटकपूर्व जामीन मंजूर केला.
आमदार बच्चू कडू हे २४ मार्च रोजी परतवाडा येथील एस. टी. डेपो चौकातून सायंकाळी साडेपाच वाजताच्या सुमारास जात असताना तिथे काही खासगी ट्रव्हल्सच्या बसेस उभ्या असलेल्या त्यांना दिसल्या. तेव्हा तिथे वाहतूक नियंत्रित करीत असलेल्या इंद्रजित चौधरी यांना बच्चू कडू व त्यांच्या साथीदारांनी बसेसवर कारवाई का करीत नाही, असे म्हणत अश्लील शिवीगाळ केली, तसेच धक्काबुक्की करून मारहाण केली. याप्रकरणी चौधरी यांनी परतवाडा येथील पोलिस ठाण्यात आमदार कडू, त्यांचे साथीदार मंगेश देशमुख आणि अंकुश जवंजाळ यांच्याविरूद्ध तक्रार दाखल केली. तसेच नंतर पोलिसांनी याप्रकरणी आमदार कडू व इतरांवर भांदवीच्या कलम ३५३, ३३२, १८६, २९४ आणि ३४ अन्वये गुन्हा दाखल केला.
दरम्यान, याप्रकरणी अटक होण्याची शक्यता असल्याने आमदार कडू यांनी परतवाडा येथील सत्र न्यायालयात अटकपूर्व जामिनाकरिता अर्ज केला होता. सदर अर्ज फेटाळण्यात आल्याने कडू यांनी हायकोर्टातील न्या. झेड. ए. हक यांच्या एकलपीठासमोर अपील दाखल केली. आमदार कडू यांनी दाखल केलेल्या अर्जानुसार, ज्या मार्गावर पोलिस हवालदाराने मारहाण केल्याचा दावा केला आहे, तिथे गेल्या काही दिवसांत अनेक अपघात झालेत. तसेच तीन ते चार जणांचा अपघाती मृत्यु झाला. पोलिसांकडून वाहतूक नियंत्रित होत नसल्याने अपघात झाल्याचे निदर्शनास आले. लोकप्रतिनिधी या नात्याने हवालदाराला जाब विचारला असता, त्याने उद्धट उत्तरे दिली. त्यामुळे तिथे शाब्दीक वाद झाला. वाहतूक पोलिसाने त्याचे कर्तव्य योग्य प्रकारे बजावत नसल्यानेच अपघात झाला असून वाहतुकीलाही अडथळा होत असल्याचे निदर्शनास आणून दिले. परंतु, त्या हवालादाराने नंतर मारहाण केल्याचा दावा करणारी तक्रार दाखल केली. त्यामुळे अटकपूर्व जामीन देण्यात यावा, अशी विनंती हायकोर्टाला करण्यात आली. तेव्हा हायकोर्टाने आमदार कडू यांना अटकपूर्व जामीन मंजूर केला. कडू यांच्यावतीने वरिष्ठ अधिवक्ता सुबोध धर्माधिकारी यांनी, तर सरकारी पक्षातर्फे सहायक सरकारी वकील संजय डोईफोडे यांनी बाजू मांडली.