नागपूरचा डॉन संतोष आंबेकरचा बंगला पाडला
गॅंगस्टर संतोष आंबेकर याच्या इतवारीतील हमालपुरा येथील अनधिकृत अलिशान बंगल्यावर जेसीबीच्या पंज्याने घाव घातले. तीन भूखंड मिळून अत्याधुनिक सुविधायुक्त हा बंगला उभारण्यात आला होता. या बंगल्याचे बांधकाम अनधिकृत असल्याने महापालिकातर्फे १६ डिसेंबर, २०१९रोजी नोटीसही बजावण्यात आली होती.
महाराष्ट्र टाइम्स.कॉम 25 Feb 2020, 8:59 pm
म. टा. विशेष प्रतिनिधी, नागपूर
गॅंगस्टर संतोष आंबेकर याच्या इतवारीतील हमालपुरा येथील अनधिकृत अलिशान बंगल्यावर जेसीबीच्या पंज्याने घाव घातले. तीन भूखंड मिळून अत्याधुनिक सुविधायुक्त हा बंगला उभारण्यात आला होता. या बंगल्याचे बांधकाम अनधिकृत असल्याने महापालिकातर्फे १६ डिसेंबर, २०१९रोजी नोटीसही बजावण्यात आली होती. त्यानंतर आज हा बंगला पाडण्याच्या कारवाईस सुरूवात करण्यात आली. आजच्या कारवाईत पहिल्या माळयावरील बांधकाम तोडण्यात आले. बुधवारी तळमजल्यावरील बांधकाम तोडण्यात येणार आहे. कारवाईत २ जेसीबी, १ पोकलॅनचा वापर करण्यात येत आहे.
संतोष आंबेकर गँगविरुद्ध मोक्का
महापालिकेचा प्रवर्तन विभाग व पोलिस यांची ही संयुक्त कारवाई आहे. गॅंगस्टर संतोष आंबेकर हा सध्या मध्यवर्ती कारागृहात आहे. फसवणूक, खून, अपहरण, खंडणी व मोक्काअंतर्गत कारवाई करण्यात आली. अनेक गुन्ह्यात तो आरोपी आहे. त्याच्या टोळीचीही मोठी दहशत होती. महाल झोनअंतर्गत येणाऱ्या वॉर्ड क्र. १५, जोशीवाडीजवळ, हमालपुरा, अवधुत मंदिर रोड, इतवारी येथे हा बंगला आहे. तीन भूखंड मिळून हा बंगला उभारण्यात आला. यात संतोष आंबेकर याच्या ताब्यातील २१.३० चौ.मी., दिवंगत अमरचंद मगनलाल मेहता यांच्या ७२१.०१ चौ.मी आणि आंबेकरची पत्नी नेहा आंबेकर हिच्या नावे असलेल्या ६०.१५ चौ.मी अशा एकूण ९०३. ०१ चौ.मी परिसरात हा आलीशान भूखंड उभारण्यात आला होता. या संपूर्ण बंगल्याचे बांधकाम अनधिकृत होते. मंजूर नकाशानुसार बांधकाम नव्हते. गॅंगस्टर असल्याने या बंगल्यावर कारवाई करण्यास कुणीही धजावत नव्हते. कारवाई करण्यास गेलेल्यांना धमकावून परत पाठविले जात होते. आता तो व त्याच्या टोळीतील अनेक जण तुरूंगात असल्याने तसेच नोटीशीनंतरही अनधिकृत बांधकाम तोडण्यात येत नसल्याने मनपाने पोलिस बंदोबस्तात ही कारवाई सुरू केली. या कारवाईत मनपाच्या महाल झोनचे सहायक आयुक्त अशोक पाटील, प्रवर्तन निरीक्षक संजय कांबळे, लकडगंजचे पोलिस निरीक्षक नरेंद्र हिवरे यांच्यासह मनपाच्या प्रवर्तन विभागाचे पथक व मोठा पोलिस बंदोबस्त होता.
अशी झाली कारवाई
सकाळी ११ वाजता कारवाईस सुरूवात करण्यात आली. कारवाई होत असल्याची माहिती पसरताच मोठ्या संख्येत बघ्यांची गर्दी जमली. कारवाई करणाऱ्या पथकाने सर्वप्रथम बंगल्यातील विद्युत पुरवठा खंडीत केला. त्यानंतर सर्वप्रथम बंगल्याचा पूर्व दिशेकडील बांधकामावर जेसीबीने पहिल्यांदा पंजा मारला. यात कंपाऊंड भींत, मोठा लोखंडी गेट, पोर्च तोडण्यात आला. बंगल्याचा दर्शनी भागावर झालेल्या तोडकामामुळे आकर्षक दिसणारा बंगला क्षणार्धात उद्ध्वस्त झाला. त्यानंतर उत्तर भागातील बांधकामावर जेसीबी व पोकलॅणने कारवाई करण्यात आली. यात तळमजल्याच्या दोन काचेच्या खिडक्या व पहिल्या माळ्यावरील मोठे दार व दोन खिडक्या तोडण्यात आल्या. बंगल्याच्या दर्शनी भागात लावण्यात आलेले काचेचे जेसीबीच्या पंज्यात तुकडे झाले. पहिल्या माळ्यावरील बांधकाम सपाट करण्यात आले. त्यानंतर तळमजल्यावरील बांधकामही तोडण्यात येत होते. बघता बघता लक्ष वेधून घेणारा हा अनधिकृत बंगला छिन्नविच्छीन्न झाला. सायंकाळी ५.३० पर्यंत ही कारवाई झाली. बुधवारीही सकाळपासून उर्वरीत तळमजल्यावरील बांधकामाचे तोडकाम करण्यात येणार आहे.
गॅंगस्टर संतोष आंबेकर याच्या इतवारीतील हमालपुरा येथील अनधिकृत अलिशान बंगल्यावर जेसीबीच्या पंज्याने घाव घातले. तीन भूखंड मिळून अत्याधुनिक सुविधायुक्त हा बंगला उभारण्यात आला होता. या बंगल्याचे बांधकाम अनधिकृत असल्याने महापालिकातर्फे १६ डिसेंबर, २०१९रोजी नोटीसही बजावण्यात आली होती. त्यानंतर आज हा बंगला पाडण्याच्या कारवाईस सुरूवात करण्यात आली. आजच्या कारवाईत पहिल्या माळयावरील बांधकाम तोडण्यात आले. बुधवारी तळमजल्यावरील बांधकाम तोडण्यात येणार आहे. कारवाईत २ जेसीबी, १ पोकलॅनचा वापर करण्यात येत आहे.
संतोष आंबेकर गँगविरुद्ध मोक्का
महापालिकेचा प्रवर्तन विभाग व पोलिस यांची ही संयुक्त कारवाई आहे. गॅंगस्टर संतोष आंबेकर हा सध्या मध्यवर्ती कारागृहात आहे. फसवणूक, खून, अपहरण, खंडणी व मोक्काअंतर्गत कारवाई करण्यात आली. अनेक गुन्ह्यात तो आरोपी आहे. त्याच्या टोळीचीही मोठी दहशत होती. महाल झोनअंतर्गत येणाऱ्या वॉर्ड क्र. १५, जोशीवाडीजवळ, हमालपुरा, अवधुत मंदिर रोड, इतवारी येथे हा बंगला आहे. तीन भूखंड मिळून हा बंगला उभारण्यात आला. यात संतोष आंबेकर याच्या ताब्यातील २१.३० चौ.मी., दिवंगत अमरचंद मगनलाल मेहता यांच्या ७२१.०१ चौ.मी आणि आंबेकरची पत्नी नेहा आंबेकर हिच्या नावे असलेल्या ६०.१५ चौ.मी अशा एकूण ९०३. ०१ चौ.मी परिसरात हा आलीशान भूखंड उभारण्यात आला होता. या संपूर्ण बंगल्याचे बांधकाम अनधिकृत होते. मंजूर नकाशानुसार बांधकाम नव्हते. गॅंगस्टर असल्याने या बंगल्यावर कारवाई करण्यास कुणीही धजावत नव्हते. कारवाई करण्यास गेलेल्यांना धमकावून परत पाठविले जात होते. आता तो व त्याच्या टोळीतील अनेक जण तुरूंगात असल्याने तसेच नोटीशीनंतरही अनधिकृत बांधकाम तोडण्यात येत नसल्याने मनपाने पोलिस बंदोबस्तात ही कारवाई सुरू केली. या कारवाईत मनपाच्या महाल झोनचे सहायक आयुक्त अशोक पाटील, प्रवर्तन निरीक्षक संजय कांबळे, लकडगंजचे पोलिस निरीक्षक नरेंद्र हिवरे यांच्यासह मनपाच्या प्रवर्तन विभागाचे पथक व मोठा पोलिस बंदोबस्त होता.
अशी झाली कारवाई
सकाळी ११ वाजता कारवाईस सुरूवात करण्यात आली. कारवाई होत असल्याची माहिती पसरताच मोठ्या संख्येत बघ्यांची गर्दी जमली. कारवाई करणाऱ्या पथकाने सर्वप्रथम बंगल्यातील विद्युत पुरवठा खंडीत केला. त्यानंतर सर्वप्रथम बंगल्याचा पूर्व दिशेकडील बांधकामावर जेसीबीने पहिल्यांदा पंजा मारला. यात कंपाऊंड भींत, मोठा लोखंडी गेट, पोर्च तोडण्यात आला. बंगल्याचा दर्शनी भागावर झालेल्या तोडकामामुळे आकर्षक दिसणारा बंगला क्षणार्धात उद्ध्वस्त झाला. त्यानंतर उत्तर भागातील बांधकामावर जेसीबी व पोकलॅणने कारवाई करण्यात आली. यात तळमजल्याच्या दोन काचेच्या खिडक्या व पहिल्या माळ्यावरील मोठे दार व दोन खिडक्या तोडण्यात आल्या. बंगल्याच्या दर्शनी भागात लावण्यात आलेले काचेचे जेसीबीच्या पंज्यात तुकडे झाले. पहिल्या माळ्यावरील बांधकाम सपाट करण्यात आले. त्यानंतर तळमजल्यावरील बांधकामही तोडण्यात येत होते. बघता बघता लक्ष वेधून घेणारा हा अनधिकृत बंगला छिन्नविच्छीन्न झाला. सायंकाळी ५.३० पर्यंत ही कारवाई झाली. बुधवारीही सकाळपासून उर्वरीत तळमजल्यावरील बांधकामाचे तोडकाम करण्यात येणार आहे.