Pravin Datke: भाजपच्या आमदाराची महापालिका अधिकाऱ्याला शिवीगाळ

नागपूर महापालिकेतील अधिकाऱ्यास भाजपचे शहराध्यक्ष, नगरसेवक व विधानपरिषदेचे आमदार प्रविण दटके यांनी आज सकाळी कार्यालयात जाऊन अश्लील भाषेत शिवीगाळ केली. यामुळे महापालिकेतील अधिकारी व कर्मचाऱ्यांमध्ये संतापाचे वातावरण असून त्यांनी लेखणीबंद आंदोलन सुरू केले आहे.

वाचा: भर रस्त्यात गाडी अडवून नवऱ्याला लाथा घातल्या; व्हिडिओ व्हायरल

पालिकेचे नगररचना सहायक संचालक प्रमोद गावंडे यांना दटके यांनी शिवीगाळ केली. हे समजताच महापालिकेतील सर्व कर्मचारी कार्यालयाबाहेर पडून विरोध करू लागले. त्यानंतर आयुक्त तुकाराम मुंढे यांना निवेदन देत लेखणीबंद आंदोलन करण्याचे जाहीर केले. आयुक्तांनी अत्यावश्यक सेवा व तातडीच्या कामांना यातून वगळण्याची सूचना केली. तसेच याबाबत राज्य सरकारला कळविण्याचे आश्वासन दिले.

वाचा: आगामी राजकीय वाट'चाली'बाबत शरद पवारांचे सूचक विधान
आयुक्तांच्या या भूमिकेनंतरही कर्मचारी व अधिकाऱ्यांनी आपल्या मतावर ठाम राहत संबंधित आमदाराने माफी मागावी असा आग्रह धरला. लोकप्रतिनिधी, अधिकारी व कर्मचारी यांच्या समन्वयातून शहराची कामे होत असतात. असा प्रकार भविष्यात घडू नये यासाठी हे आंदोलन असल्याचे कर्मचारी नेत्यांनी स्पष्ट केले. आयुक्तांना निवेदन देते वेळी मनपाचे सर्व विभागप्रमुख, अधिकारी व कर्मचारी नेते उपस्थित होते. या आंदोलनामुळे महापालिकेच्या दिवसभराच्या कामकाजावर परिणाम झाला आहे. अनेक नागरिक महापालिका कार्यालयात येऊन परत जात असल्याचे चित्र आहे.

वाचा: 'वाळवंटात हरभरा टरारून आला तरी तो आमच्यामुळंच; हे यांना सुचतं कसं?'