म.टा. प्रतिनिधी, नागपूर
जुन्या वैमनस्यातून एका व्यक्तीचा खून करण्यासाठी मध्य प्रदेशातून पिस्तूल आणले. मात्र, खुनाचा प्रयत्न फसला. त्यामुळे त्यांनी पिस्तूलच विकायचा प्रयत्न केला. त्यामुळे अलगद ते पोलिसांच्या तावडीत अडकले. याप्रकरणी कोतवाली पोलिसांनी तीन काडतुसासह पाच जणांना अटक केली. पिस्तूल सिवनी येथून आणले होते.
रोमी ऊर्फ सुशील हरिश्चंद्र वासे (वय २७, रा. यादवनगर), रफिक रज्जाक शेख (वय ३०, रा. यशोधरानगर), संतोष रामगोपाल गौर (वय ४०, रा. महेंद्रनगर टेकानाका), परमानंद शिवदास देवगडे (वय ३०) आणि भुऱ्या ऊर्फ सचिन प्रकाश बनकर (वय ३२, दोन्ही रा. यादवनगर) अशी आरोपींची नावे आहेत. आरोपींचा फिरोज हड्डी (रा. महेंद्रनगर, टेकानाका) याच्याशी वाद होता. या वादाचा वचपा काढण्यासाठीच रोमी याने परमानंदच्या माध्यमातून शिवनी परिसरातून ४० हजार रुपयांत पिस्तूल विकत आणले. याच खरेदी केलेल्या पिस्तुलातून हड्डीचा खून करण्याचा डाव होता. परंतु, हा प्रयत्न फसला. त्यानंतर आरोपींनी ही पिस्तूलच विकायला काढली. शहरात काही तरुण पिस्तूल विकण्यासाठी शहरात फिरत असल्याची माहिती कोतवालीच्या पोलिस उपायुक्त कार्यालयातील शिपाई जयंत सेलोट यांना मिळाली. त्यांनी ही बाब वरिष्ठांच्या नजरेस आणून दिली. त्यानंतर कारवाईची चक्रे फिरली.
वरिष्ठांच्या मार्गदर्शनात पोलिस उपनिरीक्षक सुधीर बोरकुटे, हवालदार दीपक, यशवंत बावनकुळे, हर्षल खोब्रागडे, जयंत सेलोट, प्रकाश आणि दुर्गादास पागे यांनी चिटणीस पार्क परिसरात सापळा रचला. त्या ठिकाणी पल्सर गाडीवर (एमएच-३१-बीएम-७५१९) रोमी हा संशयास्पदरित्या आढळला. पोलिसांनी त्याला ताब्यात घेतले. तपासणी केली असता त्यांना त्याच्या कमरेत एक पिस्तूल सापडले. त्यात एक मॅगझिन आणि त्यात तीन जिवंत काडतुसे होती. त्यानंतर पोलिसांनी यात सहभागी सर्व आरोपींना अटक केली. पोलिस उपायुक्त एम. राजकुमार यांनी ही माहिती पत्रपरिषदेत दिली. यावेळी सहायक पोलिस आयुक्त नंदकुमार धुमाळ, वरिष्ठ पोलिस निरीक्षक खुशाल तिजारे आदी उपस्थित होते.
जुन्या वैमनस्यातून एका व्यक्तीचा खून करण्यासाठी मध्य प्रदेशातून पिस्तूल आणले. मात्र, खुनाचा प्रयत्न फसला. त्यामुळे त्यांनी पिस्तूलच विकायचा प्रयत्न केला. त्यामुळे अलगद ते पोलिसांच्या तावडीत अडकले. याप्रकरणी कोतवाली पोलिसांनी तीन काडतुसासह पाच जणांना अटक केली. पिस्तूल सिवनी येथून आणले होते.
रोमी ऊर्फ सुशील हरिश्चंद्र वासे (वय २७, रा. यादवनगर), रफिक रज्जाक शेख (वय ३०, रा. यशोधरानगर), संतोष रामगोपाल गौर (वय ४०, रा. महेंद्रनगर टेकानाका), परमानंद शिवदास देवगडे (वय ३०) आणि भुऱ्या ऊर्फ सचिन प्रकाश बनकर (वय ३२, दोन्ही रा. यादवनगर) अशी आरोपींची नावे आहेत. आरोपींचा फिरोज हड्डी (रा. महेंद्रनगर, टेकानाका) याच्याशी वाद होता. या वादाचा वचपा काढण्यासाठीच रोमी याने परमानंदच्या माध्यमातून शिवनी परिसरातून ४० हजार रुपयांत पिस्तूल विकत आणले. याच खरेदी केलेल्या पिस्तुलातून हड्डीचा खून करण्याचा डाव होता. परंतु, हा प्रयत्न फसला. त्यानंतर आरोपींनी ही पिस्तूलच विकायला काढली. शहरात काही तरुण पिस्तूल विकण्यासाठी शहरात फिरत असल्याची माहिती कोतवालीच्या पोलिस उपायुक्त कार्यालयातील शिपाई जयंत सेलोट यांना मिळाली. त्यांनी ही बाब वरिष्ठांच्या नजरेस आणून दिली. त्यानंतर कारवाईची चक्रे फिरली.
वरिष्ठांच्या मार्गदर्शनात पोलिस उपनिरीक्षक सुधीर बोरकुटे, हवालदार दीपक, यशवंत बावनकुळे, हर्षल खोब्रागडे, जयंत सेलोट, प्रकाश आणि दुर्गादास पागे यांनी चिटणीस पार्क परिसरात सापळा रचला. त्या ठिकाणी पल्सर गाडीवर (एमएच-३१-बीएम-७५१९) रोमी हा संशयास्पदरित्या आढळला. पोलिसांनी त्याला ताब्यात घेतले. तपासणी केली असता त्यांना त्याच्या कमरेत एक पिस्तूल सापडले. त्यात एक मॅगझिन आणि त्यात तीन जिवंत काडतुसे होती. त्यानंतर पोलिसांनी यात सहभागी सर्व आरोपींना अटक केली. पोलिस उपायुक्त एम. राजकुमार यांनी ही माहिती पत्रपरिषदेत दिली. यावेळी सहायक पोलिस आयुक्त नंदकुमार धुमाळ, वरिष्ठ पोलिस निरीक्षक खुशाल तिजारे आदी उपस्थित होते.