म. टा. विशेष प्रतिनिधी, नागपूर
राष्ट्रसंत तुकडोजी महाराज नागपूर विद्यापीठातील निलंबित सहायक कुलसचिव संध्या चुनोडकर यांच्याविरुद्धची विभागीय चौकशी पूर्ण झाली असून, त्यावर निर्णय घेण्यासाठी महाअधिवक्त्यांचा सल्ला घेण्यात आला आहे, अशी माहिती कुलगुरू डॉ. सिद्धार्थविनायक काणे यांनी दिली.
चुनोडकर यांनी सहायक कुलसचिव पदावर असताना त्यांच्या मुलाच्या इंजिनीअरिंगच्या विषयात गुणवाढ केल्याचा आरोप होता. त्याप्रकरणी तत्कालीन परीक्षा नियंत्रक व विद्यमान कुलगुरू डॉ. काणे यांनीच प्रथमिक चौकशी करून अहवाल दिला होता. त्यानंतर सदर प्रकरण शिस्तभंग कारवाई समितीकडे सादर करण्यात आले होते. समितीने चुनोडकर यांनी पदाचा गैरवापर केल्याचा ठपका ठेवित पुढील कारवाई करण्याची शिफारस केली होती. त्यानंतर विद्यापीठाने चुनोडकर यांना निलंबित केले, तसेच त्यांच्याविरुद्ध विभागीय चौकशी समिती स्थापन करण्यात आली होती.
दरम्यान, समितीने केलेल्या चौकशीत डॉ. काणे यांनाही साक्ष देण्यासाठी बोलावण्यात आले होते. त्यामुळे समितीने अहवाल सादर केला तेव्हा डॉ. काणे कुलगुरू म्हणून नियुक्त झाले. त्यांच्याच अहवालावर कारवाई झाली असताना त्यावर निर्णय घेण्याचा कायदेशीर अधिकार नाही. त्यामुळे कुलगुरूंनी याप्रकरणी कुलपती सी.एच. विद्यासागर राव यांचा सल्ला मागितला होता. तेव्हा विभागीय समितीच्या अहवालावर निर्णय घेण्याचा अधिकार प्रकुलगुरू डॉ. प्रमोद येवले यांना बहाल करता येईल, असे कुलपती कार्यालयाकडून कळविण्यात आले होते. त्यामुळे समितीचा अहवाल निर्णयासाठी प्र कुलगुरू डॉ. येवले यांच्याकडे सादर करण्यात आला. दरम्यान, प्र कुलगुरूंनी निर्णय घेतल्यानंतरही त्याची सर्वस्वी जबाबदारी कुलगुरू डॉ. काणे यांचीच राहील, असे नंतर विधीतज्ञांकडून कळविण्यात आले. त्यामुळे निर्माण झालेल्या कायदेशीर अडचणीवर कशाप्रकारे मात करता येईल त्यासाठी राज्याचे कार्यकारी महाअधिवक्ता रोहित देव यांचा सल्ला मागण्यात आला आहे. विद्यापीठ कायद्यातील तरतूदीनुसार कुलगुरू हेच प्रशासकीय प्रमुख आहेत. त्यामुळे शिस्तभंगाची कारवाई करताना त्यांच्यावरच त्या निर्णयाची जबाबदारी येते. अशावेळी प्र कुलगुरूंना अधिकार प्रदान केले तरीही कुलगुरूंची कायदेशीर जबाबदारी दूर होत नाही. त्यास्थितीत चुनोडकर यांच्या विभागीय चौकशी अहवालावर कशाप्रकारे निर्णय घ्यावा, त्याबाबत महाअधिवक्त्यांना मार्गदर्शन मागण्यात आले आहे, असे डॉ. काणे यांनी नमूद केले.
राष्ट्रसंत तुकडोजी महाराज नागपूर विद्यापीठातील निलंबित सहायक कुलसचिव संध्या चुनोडकर यांच्याविरुद्धची विभागीय चौकशी पूर्ण झाली असून, त्यावर निर्णय घेण्यासाठी महाअधिवक्त्यांचा सल्ला घेण्यात आला आहे, अशी माहिती कुलगुरू डॉ. सिद्धार्थविनायक काणे यांनी दिली.
चुनोडकर यांनी सहायक कुलसचिव पदावर असताना त्यांच्या मुलाच्या इंजिनीअरिंगच्या विषयात गुणवाढ केल्याचा आरोप होता. त्याप्रकरणी तत्कालीन परीक्षा नियंत्रक व विद्यमान कुलगुरू डॉ. काणे यांनीच प्रथमिक चौकशी करून अहवाल दिला होता. त्यानंतर सदर प्रकरण शिस्तभंग कारवाई समितीकडे सादर करण्यात आले होते. समितीने चुनोडकर यांनी पदाचा गैरवापर केल्याचा ठपका ठेवित पुढील कारवाई करण्याची शिफारस केली होती. त्यानंतर विद्यापीठाने चुनोडकर यांना निलंबित केले, तसेच त्यांच्याविरुद्ध विभागीय चौकशी समिती स्थापन करण्यात आली होती.
दरम्यान, समितीने केलेल्या चौकशीत डॉ. काणे यांनाही साक्ष देण्यासाठी बोलावण्यात आले होते. त्यामुळे समितीने अहवाल सादर केला तेव्हा डॉ. काणे कुलगुरू म्हणून नियुक्त झाले. त्यांच्याच अहवालावर कारवाई झाली असताना त्यावर निर्णय घेण्याचा कायदेशीर अधिकार नाही. त्यामुळे कुलगुरूंनी याप्रकरणी कुलपती सी.एच. विद्यासागर राव यांचा सल्ला मागितला होता. तेव्हा विभागीय समितीच्या अहवालावर निर्णय घेण्याचा अधिकार प्रकुलगुरू डॉ. प्रमोद येवले यांना बहाल करता येईल, असे कुलपती कार्यालयाकडून कळविण्यात आले होते. त्यामुळे समितीचा अहवाल निर्णयासाठी प्र कुलगुरू डॉ. येवले यांच्याकडे सादर करण्यात आला. दरम्यान, प्र कुलगुरूंनी निर्णय घेतल्यानंतरही त्याची सर्वस्वी जबाबदारी कुलगुरू डॉ. काणे यांचीच राहील, असे नंतर विधीतज्ञांकडून कळविण्यात आले. त्यामुळे निर्माण झालेल्या कायदेशीर अडचणीवर कशाप्रकारे मात करता येईल त्यासाठी राज्याचे कार्यकारी महाअधिवक्ता रोहित देव यांचा सल्ला मागण्यात आला आहे. विद्यापीठ कायद्यातील तरतूदीनुसार कुलगुरू हेच प्रशासकीय प्रमुख आहेत. त्यामुळे शिस्तभंगाची कारवाई करताना त्यांच्यावरच त्या निर्णयाची जबाबदारी येते. अशावेळी प्र कुलगुरूंना अधिकार प्रदान केले तरीही कुलगुरूंची कायदेशीर जबाबदारी दूर होत नाही. त्यास्थितीत चुनोडकर यांच्या विभागीय चौकशी अहवालावर कशाप्रकारे निर्णय घ्यावा, त्याबाबत महाअधिवक्त्यांना मार्गदर्शन मागण्यात आले आहे, असे डॉ. काणे यांनी नमूद केले.