म.टा. विशेष प्रतिनिधी, नागपूर
काँग्रेसमध्ये राहणार की भाजपमध्ये जाणार अशी चर्चा ज्यांच्याबाबत रंगते आहे, ते काँग्रेसचे नेते आणि राज्याचे माजी मुख्यमंत्री नारायण राणे नितीन गडकरी यांच्या व्यासपीठावर उपस्थित राहणार आहेत. ‘अहमदाबाद एपिसोड’नंतर पहिल्यांदाच राणे आणि फडणवीसदेखील एकत्र येणार आहेत. त्यांच्यात काय जुगलबंदी रंगते, याकडे सगळ्यांचे लक्ष लागले आहे.
कृषी विकास प्रतिष्ठानने नरखेड तालुक्याच्या थडपवनी येथे केंद्रीय मंत्री नितीन गडकरी यांच्यानावे कृषी व कौशल्य विकास केंद्र उभारले आहे. त्यांच्या वाढदिवसानिमित्त येत्या २७ मे रोजी आसामचे राज्यपाल बनवारीलाल पुरोहित यांच्या हस्ते केंद्राचे उद्घाटन होईल. मुख्यमंत्री देवेंद्र फडणवीस प्रमुख पाहुणे तर, काँग्रेस नेते माजी केंद्रीय सुशीलकुमार शिंदे आणि माजी मुख्यमंत्री नारायण राणे या सोहळ्याला प्रामुख्याने उपस्थित राहणार आहेत.
पूर्ती समूहाच्या माध्यमातून नितीन गडकरी यांनी ‘अॅग्रोव्हिजन’ कृषी प्रदर्शन आयोजित केले. गेल्या काही वर्षातील त्यांचा हा उपक्रम विदर्भातीलच नव्हे तर, मध्य भारतातील शेतकऱ्यांमध्ये लोकप्रिय झाला. डिसेंबरच्या सुमारास होणाऱ्या या प्रदर्शनास लाखो शेतकरी भेट देऊन आधुनिक शेतीची माहिती घेतात. कृषी उत्पादनासोबतच देशविदेशातील आघाडीच्या कंपन्यांचे शेतीसाठी लागणाऱ्या उपकरणांचे स्टॉल्सदेखील आकर्षणाचे केंद्र ठरले. गडकरी यांनी कृषी क्षेत्रात केलेल्या भरीव कामगिरीला अधिक क्रियाशील करण्यासाठी कृषी विकास प्रतिष्ठानचे गिरीश गांधी व त्यांच्या टीमने थडीपवनी येथील विस्तीर्ण परिसरात आकर्षक भव्य वास्तू उभारली आहे.
येत्या २७ मे रोजी सकाळी ११ वाजता राज्यपाल बनवारीलाल पुरोहित यांच्या हस्ते केंद्राचे उद्घाटन होईल. पालकमंत्री चंद्रशेखर बावनकुळे अध्यक्षस्थानी राहतील. कार्यक्रमास सर्वपक्षीय नेते उपस्थित राहणार आहेत. माजी केंद्रीय मंत्री सुशीलकुमार शिंदे, माजी मुख्यमंत्री नारायण राणे यांच्यासह केंद्रीय गृहराज्यमंत्री हंसराज अहिर, खासदार नरेंद्र जाधव, खासदार अजय संचेती, पद्मश्री खासदार डॉ. विकास महात्मे, खासदार कृपाल तुमाने, खादार अशोक नेते, ज्येष्ठ नेते दत्ता मेघे, विजय दर्डा, सत्यनारायण नुवाल, रणजित देशमुख, अनिल देशमुख, रमेश बंग, सुबोध मोहिते, जोगेंद्र कवाडे, प्रकाश जाधव, आशिष देशमुख, अनिल सोले, गिरीश व्यास, नागो गाणार, मितेश भांगडीया, प्रकाश गजभिये, परिणय फुके प्रमुख पाहुणे म्हणून उपस्थित राहणार आहेत.
काँग्रेसमध्ये राहणार की भाजपमध्ये जाणार अशी चर्चा ज्यांच्याबाबत रंगते आहे, ते काँग्रेसचे नेते आणि राज्याचे माजी मुख्यमंत्री नारायण राणे नितीन गडकरी यांच्या व्यासपीठावर उपस्थित राहणार आहेत. ‘अहमदाबाद एपिसोड’नंतर पहिल्यांदाच राणे आणि फडणवीसदेखील एकत्र येणार आहेत. त्यांच्यात काय जुगलबंदी रंगते, याकडे सगळ्यांचे लक्ष लागले आहे.
कृषी विकास प्रतिष्ठानने नरखेड तालुक्याच्या थडपवनी येथे केंद्रीय मंत्री नितीन गडकरी यांच्यानावे कृषी व कौशल्य विकास केंद्र उभारले आहे. त्यांच्या वाढदिवसानिमित्त येत्या २७ मे रोजी आसामचे राज्यपाल बनवारीलाल पुरोहित यांच्या हस्ते केंद्राचे उद्घाटन होईल. मुख्यमंत्री देवेंद्र फडणवीस प्रमुख पाहुणे तर, काँग्रेस नेते माजी केंद्रीय सुशीलकुमार शिंदे आणि माजी मुख्यमंत्री नारायण राणे या सोहळ्याला प्रामुख्याने उपस्थित राहणार आहेत.
पूर्ती समूहाच्या माध्यमातून नितीन गडकरी यांनी ‘अॅग्रोव्हिजन’ कृषी प्रदर्शन आयोजित केले. गेल्या काही वर्षातील त्यांचा हा उपक्रम विदर्भातीलच नव्हे तर, मध्य भारतातील शेतकऱ्यांमध्ये लोकप्रिय झाला. डिसेंबरच्या सुमारास होणाऱ्या या प्रदर्शनास लाखो शेतकरी भेट देऊन आधुनिक शेतीची माहिती घेतात. कृषी उत्पादनासोबतच देशविदेशातील आघाडीच्या कंपन्यांचे शेतीसाठी लागणाऱ्या उपकरणांचे स्टॉल्सदेखील आकर्षणाचे केंद्र ठरले. गडकरी यांनी कृषी क्षेत्रात केलेल्या भरीव कामगिरीला अधिक क्रियाशील करण्यासाठी कृषी विकास प्रतिष्ठानचे गिरीश गांधी व त्यांच्या टीमने थडीपवनी येथील विस्तीर्ण परिसरात आकर्षक भव्य वास्तू उभारली आहे.
येत्या २७ मे रोजी सकाळी ११ वाजता राज्यपाल बनवारीलाल पुरोहित यांच्या हस्ते केंद्राचे उद्घाटन होईल. पालकमंत्री चंद्रशेखर बावनकुळे अध्यक्षस्थानी राहतील. कार्यक्रमास सर्वपक्षीय नेते उपस्थित राहणार आहेत. माजी केंद्रीय मंत्री सुशीलकुमार शिंदे, माजी मुख्यमंत्री नारायण राणे यांच्यासह केंद्रीय गृहराज्यमंत्री हंसराज अहिर, खासदार नरेंद्र जाधव, खासदार अजय संचेती, पद्मश्री खासदार डॉ. विकास महात्मे, खासदार कृपाल तुमाने, खादार अशोक नेते, ज्येष्ठ नेते दत्ता मेघे, विजय दर्डा, सत्यनारायण नुवाल, रणजित देशमुख, अनिल देशमुख, रमेश बंग, सुबोध मोहिते, जोगेंद्र कवाडे, प्रकाश जाधव, आशिष देशमुख, अनिल सोले, गिरीश व्यास, नागो गाणार, मितेश भांगडीया, प्रकाश गजभिये, परिणय फुके प्रमुख पाहुणे म्हणून उपस्थित राहणार आहेत.