धक्कादायक! भंगाराच्या दुकानात असं काही सापडलं की नागपूर प्रशासन हादरलं, पोलीसही हैराण

नागपूर : आधार कार्ड हे आत्ताचं सगळ्यात महत्त्वाचं कागदपत्रं आहे. आपण कुठले रहिवासी आहोत याचं उत्तम दाखला म्हणजे आधार कार्ड. आधार कार्ड हे आपल्या बँकेशीच नाहीतर संपूर्ण व्यवहारांशी जोडलं गेलं आहे. पण याच संदर्भात एक धक्कादायक प्रकार नागपूरमध्ये समोर आला आहे. नागपूरमध्ये एका भंगाराच्या दुकानात ५५ आधार कार्ड आढळून आले आहेत. यामुळे प्रशासन, पोलीस आणि नागरिकही हादरले आहेत.

खरंतर, आधार कार्ड सापडल्यामुळे अनेकांची खाजगी माहिती लिक होण्याची देखील शक्यता आहे. यामुळे नागपूर परिसरामध्ये प्रशासन आणि पोलीस सतर्क झाले आहेत. इतकंच नाहीतर रहिवाशांनाही आपल्या बँकिंग व्यवहारांविषयी अधिक सतर्क रहावं.

आई आणि बहिण बाहेर गेले असता विद्यार्थिनीने केलं धक्कादायक कृत्य, शेजाऱ्यांनी खिडकीत पाहिलं आणि...
मिळालेल्या माहितीनुसार, जरीपटका पोलिसांनी ५५ आधार कार्ड जप्त केली असून यासंबंधी तातडीने तपास सुरू केला आहे. मेकोसाबाग परिसरामध्ये एका भंगाराच्या दुकानात २० रुपये घेऊन आधार कार्ड देण्याचा धक्कादायक प्रकार समोर आला आहे. सोमवारी ही घटना उघडकीस आली. याबाबत माहिती मिळताच पोलिसांनी छापा टाकून हे आधार कार्ड जप्त केले.

आधार कार्ड बनवण्याची एक वेगळी प्रक्रिया आहे. त्यासाठी महानगरपालिकेत जाणं आवश्यक आहे, पण आता भंगाराच्या दुकानात आधार कार्ड मिळू लागल्यामुळे आपली सर्व माहिती ही सुरक्षित आहे का? असा प्रश्न उपस्थित होतो. या घटनेची नोंद घेण्यात आली असून भंगार विक्रेता हे आधार कार्ड कसं बनवायचा याचा शोध सुरू आहे. त्यासंबंधी माहिती मिळाल्यानंतर नेमका हा प्रकार काय आहे? हे स्पष्ट होईल अशी माहिती जरीपटका पोलिसांनी दिली.