म. टा. प्रतिनिधी, नागपूर
ऑरेंज स्ट्रीटवरील हटविण्यात आलेले अतिक्रमण पुन्हा जैसे थे झाल्याने मंगळवारला येथील अतिक्रमण पुन्हा हटविण्यात आले. या परिसरातील १६ अस्थायी झोपडपट्टया हटविण्यात आल्या. लक्ष्मीनगर झोनच्या पथकाने अन्य भागांमध्ये कारवाई केल्यानंतर दुपारी ऑरेंज स्ट्रीटकडे मोर्चा वळविला होता. विशेषत: ऑरेंज स्ट्रीटमध्ये मागील एक महिन्यापासून सलग काही दिवसांच्या अंतराने कारवाई केली जात आहे. अनेक लोकांकडील साहित्यही जप्त करण्यात आले. पुन्हा अतिक्रमणधारकांनी यावर ताबा मिळविल्यामुळे पथकाने जेसीबीने कारवाई सुरू केली. अतिक्रमणधारकांनी सामान हटविण्यासाठी काही वेळ देण्याची विनंती केली असताना, देखील पथकाने मुदत न देता कारवाई यशस्वी केली.
झोनच्या पथकाने लक्ष्मीनगर झोनपासून राहाटे कॉलनी चौकापर्यंतच्या मार्गावरील दोन्ही फुटपाथवरील अस्थायी अतिक्रमणधारकांना पळवून लावले. पथक राहाटे कॉलनी चौकात पोहोचताच बस स्टँड जवळच्या अस्थायी दुकानदारांमध्ये खळबळ उडाली. सर्व दुकानदार सामान वाचविण्यासाठी धावपळ करू लागले. दरम्यान, पथकाने येथून ३ झुले जप्त केले. परत येताना जनता चौकाजवळ फुटपाथवर हाथठेल्यांवर व्यवसाय करणाऱ्यांचा हाथठेलाही जप्त करण्यात आला. कारवाईमध्ये बावने, भाजीपाले, मालवे यांनी सहभाग घेतला.
अवैध बांधकामावर बुलडोजर
मनपा प्रशासनाने केवळ अतिक्रमणधारकांविरुद्ध अभियान चालविण्याचा निर्णय घेतला नसून, अवैध बांधकामाविरोधात कठोर कारवाई करण्याची योजनाही आखली आहे. त्यामुळेच प्रशासनाने ज्या अवैध निर्माणकर्त्यांवर कलम ५३ अंतर्गत नोटीस जारी केली आहे, त्यांची यादी तयार करून सादर करण्याचे निर्देश झोनला दिले आहेत. आता एखाद्या मार्गावर अवैध बांधकाम होत असल्यास सर्वप्रथम त्यांच्याविरोधात एकत्रित कारवाई केली जाईल. त्यानंतर फुटपाथवरील अतिक्रमणावर कारवाई केली जाईल. लवकरच या योजनेवर अंमलबजावणी करण्याची माहिती अधिकाऱ्यांतर्फे देण्यात आली.
दहा हातठेले जप्त
महापालिकेच्या अतिक्रमणविरोधी पथकाने मंगळवारी सकाळी ९ वाजतापासून केलेल्या कारवाईत चार चाकी वाहनासह १० हातठेले जप्त केले. सिव्हिल लाईन्स कस्तूरचंद पार्क परिसर, मेयो परिसर, जिल्हाधिकारी बंगला परिसरातून हात ठेले जप्त करण्यात आले. रस्त्यावरील चहा टपऱ्या, भाजी विक्रेते, रेडीमेड विक्रेते आणि नारळपाणी विक्रेत्यांना हुसकावून लावण्यात आले. कारवाईदरम्यान पथकाने काही दुकानांचे शेडही तोडले. दुपारी साडेबारा वाजेपर्यंत ही कारवाई झाली. सहाय्यक आयुक्त अशोक पाटील यांच्या नेतृत्वात ही कारवाई करण्यात आली.
ऑरेंज स्ट्रीटवरील हटविण्यात आलेले अतिक्रमण पुन्हा जैसे थे झाल्याने मंगळवारला येथील अतिक्रमण पुन्हा हटविण्यात आले. या परिसरातील १६ अस्थायी झोपडपट्टया हटविण्यात आल्या. लक्ष्मीनगर झोनच्या पथकाने अन्य भागांमध्ये कारवाई केल्यानंतर दुपारी ऑरेंज स्ट्रीटकडे मोर्चा वळविला होता. विशेषत: ऑरेंज स्ट्रीटमध्ये मागील एक महिन्यापासून सलग काही दिवसांच्या अंतराने कारवाई केली जात आहे. अनेक लोकांकडील साहित्यही जप्त करण्यात आले. पुन्हा अतिक्रमणधारकांनी यावर ताबा मिळविल्यामुळे पथकाने जेसीबीने कारवाई सुरू केली. अतिक्रमणधारकांनी सामान हटविण्यासाठी काही वेळ देण्याची विनंती केली असताना, देखील पथकाने मुदत न देता कारवाई यशस्वी केली.
झोनच्या पथकाने लक्ष्मीनगर झोनपासून राहाटे कॉलनी चौकापर्यंतच्या मार्गावरील दोन्ही फुटपाथवरील अस्थायी अतिक्रमणधारकांना पळवून लावले. पथक राहाटे कॉलनी चौकात पोहोचताच बस स्टँड जवळच्या अस्थायी दुकानदारांमध्ये खळबळ उडाली. सर्व दुकानदार सामान वाचविण्यासाठी धावपळ करू लागले. दरम्यान, पथकाने येथून ३ झुले जप्त केले. परत येताना जनता चौकाजवळ फुटपाथवर हाथठेल्यांवर व्यवसाय करणाऱ्यांचा हाथठेलाही जप्त करण्यात आला. कारवाईमध्ये बावने, भाजीपाले, मालवे यांनी सहभाग घेतला.
अवैध बांधकामावर बुलडोजर
मनपा प्रशासनाने केवळ अतिक्रमणधारकांविरुद्ध अभियान चालविण्याचा निर्णय घेतला नसून, अवैध बांधकामाविरोधात कठोर कारवाई करण्याची योजनाही आखली आहे. त्यामुळेच प्रशासनाने ज्या अवैध निर्माणकर्त्यांवर कलम ५३ अंतर्गत नोटीस जारी केली आहे, त्यांची यादी तयार करून सादर करण्याचे निर्देश झोनला दिले आहेत. आता एखाद्या मार्गावर अवैध बांधकाम होत असल्यास सर्वप्रथम त्यांच्याविरोधात एकत्रित कारवाई केली जाईल. त्यानंतर फुटपाथवरील अतिक्रमणावर कारवाई केली जाईल. लवकरच या योजनेवर अंमलबजावणी करण्याची माहिती अधिकाऱ्यांतर्फे देण्यात आली.
दहा हातठेले जप्त
महापालिकेच्या अतिक्रमणविरोधी पथकाने मंगळवारी सकाळी ९ वाजतापासून केलेल्या कारवाईत चार चाकी वाहनासह १० हातठेले जप्त केले. सिव्हिल लाईन्स कस्तूरचंद पार्क परिसर, मेयो परिसर, जिल्हाधिकारी बंगला परिसरातून हात ठेले जप्त करण्यात आले. रस्त्यावरील चहा टपऱ्या, भाजी विक्रेते, रेडीमेड विक्रेते आणि नारळपाणी विक्रेत्यांना हुसकावून लावण्यात आले. कारवाईदरम्यान पथकाने काही दुकानांचे शेडही तोडले. दुपारी साडेबारा वाजेपर्यंत ही कारवाई झाली. सहाय्यक आयुक्त अशोक पाटील यांच्या नेतृत्वात ही कारवाई करण्यात आली.