म. टा. प्रतिनिधी,नागपूर
उत्तर नागपूर विधानसभा मतदारसंघात प्रभागनिहाय निवडणुकांचे चित्र बदलत होते. कुणी पॅनल तर, कुणी दोन जागा मिळतील, असे हमखास सांगत होते. काहींनी तर दावा ठोकून मिठाई वाटपही सुरू केले. मतविभाजनाचा फायदा कुणाला होणार, हे निकालानंतरच स्पष्ट होईल. एकूण ९ प्रभागांतील ३६ जागांवर कुणाला किती? याबद्दलची उत्सुकता ताणली गेली आहे.
मंगळवार, २१ फेब्रुवारीला मतदान आटोपले. दिवसभर राजकीय वातावरण टाइट होते. राजकीय हवा प्रत्येक तासात व प्रभागनिहाय बदलत होती. विजयाचे दावे प्रतिदावे केले जात होते. सध्या येथे काँग्रेसचे ८, बसपाचे ८ तर, भाजप व मुस्लीम लीगचे प्रत्येकी दोन नगरसेवक होते. तर, शिवसेनेचा एक नगरसेवक आहे. काँग्रेससोबत लोकमंचचे दोन नगरसेवक होते. आता प्रभाग क्र. ९ हा मध्य व उत्तर नागपुरात विभागला गेला आहे. तरीही यातील बहुतांश भाग उत्तर नागपुरातील आहे. त्यामुळे एकूण ९ प्रभागातील ३६ नगरसेवक येतात. आजच्या मतदानाची हवा बघता काँग्रेस व भाजपच्या जागा वाढतील, अशी चर्चा आहे. बसपाच्या जागा कमी होतील, असा अंदाज व्यक्त करतानाच मुस्लिम लीग व एमआयएमही आपले अस्त्तित्व दाखवतील. बसपाला बीआरएसपीचा फटक बसण्याची शक्यता वर्तविण्यात येत आहे. दिवसभराच्या प्रचारात कालपर्यंत मागे दिसणारे भाजप उमेदवार सायंकाळपर्यंत समोर दाखवत होते. काही प्रभागात बसपाचे उमेदवार पॅनलमध्ये किमान दोन जागा जिंकतील, असे चित्र होते. राष्ट्रवादीनेही येथे जोर दाखवित, खाता उघडेल असा दावा केला आहे. मुस्लिम लीगच्या दोन जागा वाढेल, अशी हवा सिध्दार्थनगर टेकानाका परिसरात होती. अनेक प्रभागात ठोसपणे दावा करणारे कमी दिसले. अनेक उमेदवारांची मतदानानंतरची ‘बॉडी लँग्वेज’ बदलत असल्याचे जाणवले. मतदानाची वेळ जसजशी संपत होती. तसतसे राजकीय चित्र बदलत असल्याची हवा गरम होत होती. हिवाळा संपून उन्हाळ्याचे वारे वाहत असल्याने राजकीय हवा गरम करण्यात गणितज्ज्ञ, राजकीय पंडीत व चर्चेत अधिक रस असलेले मतदार व्यस्त होते.
उत्तर नागपूर विधानसभा मतदारसंघात प्रभागनिहाय निवडणुकांचे चित्र बदलत होते. कुणी पॅनल तर, कुणी दोन जागा मिळतील, असे हमखास सांगत होते. काहींनी तर दावा ठोकून मिठाई वाटपही सुरू केले. मतविभाजनाचा फायदा कुणाला होणार, हे निकालानंतरच स्पष्ट होईल. एकूण ९ प्रभागांतील ३६ जागांवर कुणाला किती? याबद्दलची उत्सुकता ताणली गेली आहे.
मंगळवार, २१ फेब्रुवारीला मतदान आटोपले. दिवसभर राजकीय वातावरण टाइट होते. राजकीय हवा प्रत्येक तासात व प्रभागनिहाय बदलत होती. विजयाचे दावे प्रतिदावे केले जात होते. सध्या येथे काँग्रेसचे ८, बसपाचे ८ तर, भाजप व मुस्लीम लीगचे प्रत्येकी दोन नगरसेवक होते. तर, शिवसेनेचा एक नगरसेवक आहे. काँग्रेससोबत लोकमंचचे दोन नगरसेवक होते. आता प्रभाग क्र. ९ हा मध्य व उत्तर नागपुरात विभागला गेला आहे. तरीही यातील बहुतांश भाग उत्तर नागपुरातील आहे. त्यामुळे एकूण ९ प्रभागातील ३६ नगरसेवक येतात. आजच्या मतदानाची हवा बघता काँग्रेस व भाजपच्या जागा वाढतील, अशी चर्चा आहे. बसपाच्या जागा कमी होतील, असा अंदाज व्यक्त करतानाच मुस्लिम लीग व एमआयएमही आपले अस्त्तित्व दाखवतील. बसपाला बीआरएसपीचा फटक बसण्याची शक्यता वर्तविण्यात येत आहे. दिवसभराच्या प्रचारात कालपर्यंत मागे दिसणारे भाजप उमेदवार सायंकाळपर्यंत समोर दाखवत होते. काही प्रभागात बसपाचे उमेदवार पॅनलमध्ये किमान दोन जागा जिंकतील, असे चित्र होते. राष्ट्रवादीनेही येथे जोर दाखवित, खाता उघडेल असा दावा केला आहे. मुस्लिम लीगच्या दोन जागा वाढेल, अशी हवा सिध्दार्थनगर टेकानाका परिसरात होती. अनेक प्रभागात ठोसपणे दावा करणारे कमी दिसले. अनेक उमेदवारांची मतदानानंतरची ‘बॉडी लँग्वेज’ बदलत असल्याचे जाणवले. मतदानाची वेळ जसजशी संपत होती. तसतसे राजकीय चित्र बदलत असल्याची हवा गरम होत होती. हिवाळा संपून उन्हाळ्याचे वारे वाहत असल्याने राजकीय हवा गरम करण्यात गणितज्ज्ञ, राजकीय पंडीत व चर्चेत अधिक रस असलेले मतदार व्यस्त होते.