म.टा.प्रतिनिधी,नागपूर
नगरसेवक परिणय फुकेंनी भंडारा-गोंदिया स्थानिक स्वराज्य संस्था मतदारसंघातून विधानपरिषदेत प्रवेश मिळविला. आमदार म्हणून मंगळवार, ६ डिसेंबरला सभागृहात त्यांचा प्रवेश होईल. तर, त्याचवेळी शिक्षक मतदारसंघातील विधान परिषद सदस्य नागो गाणार यांचा कार्यकाळ संपुष्टात आल्याने त्यांची एक्झिट होईल. शिक्षकांच्या प्रश्नांसाठी गाणार परिषदेत भांडले खरे. मात्र, त्यांच्या कामावर शिक्षकांनी नाराजी व्यक्त केली. त्यामुळेच त्यांना आता परत उमेदवारी देण्यावर वाद होत आहे. या पार्श्वभूमीवर तरुण आमदार डॉ. परिणय फुके कशी छाप पाडतात, याकडे सर्वांचे लक्ष राहणार आहे. विधिमंडळाचे हिवाळी अधिवेशन सोमवार, ५ डिसेंबरपासून सुरू होत आहे. पहिल्या दिवशी दिवंगत सदस्यांना श्रद्धांजली वाहण्यात येते. त्यामुळे ६ डिसेंबरला आमदार ना. गो. गाणार यांना निरोप, त्याचदिवशी नवे आमदार डॉ. फुकेंचा शपथविधी होणार आहे. अधिवेशनापूर्वी झालेल्या नगरपालिकांच्या निवडणुकीत सत्ताधारी भाजपला चांगले यश मिळाले. तर अधिवेशन काळात काही जिल्ह्यांमध्ये नगरपालिकांच्या निवडणुका होत आहेत. या निवडणुकीतही अधिवेशनाचा प्रभाव पडेल, असे बोलले जाते. नगरपालिकांच्या निवडणुकीत काँग्रेस व राष्ट्रवादीला झटका बसला. तर भाजप, सेनेला चांगले यश मिळाले. त्यामुळे उर्वरित नगरपालिकांमध्ये यश मिळविण्यासाठी दोन्ही काँग्रेस जोमाने कामाला लागल्या आहेत. तर यशामुळे भाजप, सेना उत्साहात आहे. त्यामुळे अधिवेशन काळात अनेक मोठे नेते सभागृहाबाहेरच जास्त राहणार असल्याची चर्चा आहे. परिणामी, सभागृहात कमी आणि बाहेरच जास्त राजकारण होईल, असे बोलले जात आहे.
नगरसेवक परिणय फुकेंनी भंडारा-गोंदिया स्थानिक स्वराज्य संस्था मतदारसंघातून विधानपरिषदेत प्रवेश मिळविला. आमदार म्हणून मंगळवार, ६ डिसेंबरला सभागृहात त्यांचा प्रवेश होईल. तर, त्याचवेळी शिक्षक मतदारसंघातील विधान परिषद सदस्य नागो गाणार यांचा कार्यकाळ संपुष्टात आल्याने त्यांची एक्झिट होईल. शिक्षकांच्या प्रश्नांसाठी गाणार परिषदेत भांडले खरे. मात्र, त्यांच्या कामावर शिक्षकांनी नाराजी व्यक्त केली. त्यामुळेच त्यांना आता परत उमेदवारी देण्यावर वाद होत आहे. या पार्श्वभूमीवर तरुण आमदार डॉ. परिणय फुके कशी छाप पाडतात, याकडे सर्वांचे लक्ष राहणार आहे. विधिमंडळाचे हिवाळी अधिवेशन सोमवार, ५ डिसेंबरपासून सुरू होत आहे. पहिल्या दिवशी दिवंगत सदस्यांना श्रद्धांजली वाहण्यात येते. त्यामुळे ६ डिसेंबरला आमदार ना. गो. गाणार यांना निरोप, त्याचदिवशी नवे आमदार डॉ. फुकेंचा शपथविधी होणार आहे. अधिवेशनापूर्वी झालेल्या नगरपालिकांच्या निवडणुकीत सत्ताधारी भाजपला चांगले यश मिळाले. तर अधिवेशन काळात काही जिल्ह्यांमध्ये नगरपालिकांच्या निवडणुका होत आहेत. या निवडणुकीतही अधिवेशनाचा प्रभाव पडेल, असे बोलले जाते. नगरपालिकांच्या निवडणुकीत काँग्रेस व राष्ट्रवादीला झटका बसला. तर भाजप, सेनेला चांगले यश मिळाले. त्यामुळे उर्वरित नगरपालिकांमध्ये यश मिळविण्यासाठी दोन्ही काँग्रेस जोमाने कामाला लागल्या आहेत. तर यशामुळे भाजप, सेना उत्साहात आहे. त्यामुळे अधिवेशन काळात अनेक मोठे नेते सभागृहाबाहेरच जास्त राहणार असल्याची चर्चा आहे. परिणामी, सभागृहात कमी आणि बाहेरच जास्त राजकारण होईल, असे बोलले जात आहे.