म.टा. प्रतिनिधी, नागपूर
वाहतूक पोलिस शिपाई हा साथीदाराच्या मदतीने लुटपाट करीत असल्याची घटना ताजी असतानाच आता पोलिस हेडकॉन्स्टेबल शासकीय वाहनातून डिझेल चोरी करीत असल्याची धक्कादायक बाब समोर आली. या चोरीची तक्रार नागरिकांनी संबंधित पोलिस स्टेशनच्या वरिष्ठ पोलिस निरीक्षकाला केली. परंतु अद्याप कोणतीही कारवाई न झाल्याने ‘सेटिंग’ची चर्चा विभागात सुरू आहे. मुख्यमंत्री व गृहमंत्री देवेंद्र फडणवीस यांच्या गृहशेतात पोलिस हेडकॉन्स्टेबलची डिझेल चोरी म्हणजे कुंपणच शेत खात असल्याचा प्रकार असल्याचे बोलले जाते.
मानकापूरमधील इंगोले ले-आउट भागात पोलिस कर्मचारी चंद्रिकाप्रसाद मिश्रा राहतात. ते रोज शासकीय वाहनाने घरी येतात. घरासमोर वाहन उभे करून त्यातून डिझेल चोरी करतात. याशिवाय वाहनही भरधाव चालवितात. त्यामुळे अपघातात होण्याची भीती असते. याबाबत हटकल्यास ते परिसरातील नागरिकांना शिवीगाळ करतात. उलट नागरिकांवरच पोलिस कारवाईची धमकी देतात. त्यांच्या या चोरी प्रकरणाबाबत नागरिकांनी ३१ ऑक्टोबरला मानकापूर पोलिस स्टेशनचे वरिष्ठ पोलिस निरीक्षक पी. एन. भटकर यांच्याकडे तक्रार केली. तक्रारीच्या १८ दिवसानंतरही कारवाई न झाल्याने पोलिसांच्या कार्यक्षमतेवर प्रश्नचिन्ह निर्माण झाले आहे.
२०१०मध्ये गिट्टीखदान भागात झालेल्या हत्याकांडात मिश्रा यांच्या नातेवाइकांचे नाव आले होते. चंद्रिकाप्रसाद मिश्रा रस्त्यावरच शासकीय व त्यांची खासगी वाहने धुतात. त्यामुळे नागरिकांना प्रचंड त्रास होतो, अशी तक्रारही नागरिकांनी जानेवारी २०१० मध्ये तत्कालीन पोलिस आयुक्तांकडे केली होती.
मिश्रा यांच्याविरुद्धच्या तक्रारीवर शिस्तप्रिय व कर्तव्यनिष्ठ पोलिस आयुक्त डॉ. के.व्यंकटेशम काय कारवाई करतात, याकडे लक्ष लागले आहे.
मिश्रा हे डिझेल चोरी करीत असल्याची माहिती माझ्याकडेही आली आहे. डिझेल चोरीप्रकरणी चौकशीचे आदेश देण्यात आले आहेत. चौकशीत दोषी आढळल्यास मिश्रा यांच्याविरुद्ध कठोर कारवाई करण्यात येईल. २०१०मध्ये घडलेल्या हत्याकांडाचीही माहिती घेण्यात येईल.
- डॉ. के. व्यंकटेशम, पोलिस आयुक्त
वाहतूक पोलिस शिपाई हा साथीदाराच्या मदतीने लुटपाट करीत असल्याची घटना ताजी असतानाच आता पोलिस हेडकॉन्स्टेबल शासकीय वाहनातून डिझेल चोरी करीत असल्याची धक्कादायक बाब समोर आली. या चोरीची तक्रार नागरिकांनी संबंधित पोलिस स्टेशनच्या वरिष्ठ पोलिस निरीक्षकाला केली. परंतु अद्याप कोणतीही कारवाई न झाल्याने ‘सेटिंग’ची चर्चा विभागात सुरू आहे. मुख्यमंत्री व गृहमंत्री देवेंद्र फडणवीस यांच्या गृहशेतात पोलिस हेडकॉन्स्टेबलची डिझेल चोरी म्हणजे कुंपणच शेत खात असल्याचा प्रकार असल्याचे बोलले जाते.
मानकापूरमधील इंगोले ले-आउट भागात पोलिस कर्मचारी चंद्रिकाप्रसाद मिश्रा राहतात. ते रोज शासकीय वाहनाने घरी येतात. घरासमोर वाहन उभे करून त्यातून डिझेल चोरी करतात. याशिवाय वाहनही भरधाव चालवितात. त्यामुळे अपघातात होण्याची भीती असते. याबाबत हटकल्यास ते परिसरातील नागरिकांना शिवीगाळ करतात. उलट नागरिकांवरच पोलिस कारवाईची धमकी देतात. त्यांच्या या चोरी प्रकरणाबाबत नागरिकांनी ३१ ऑक्टोबरला मानकापूर पोलिस स्टेशनचे वरिष्ठ पोलिस निरीक्षक पी. एन. भटकर यांच्याकडे तक्रार केली. तक्रारीच्या १८ दिवसानंतरही कारवाई न झाल्याने पोलिसांच्या कार्यक्षमतेवर प्रश्नचिन्ह निर्माण झाले आहे.
२०१०मध्ये गिट्टीखदान भागात झालेल्या हत्याकांडात मिश्रा यांच्या नातेवाइकांचे नाव आले होते. चंद्रिकाप्रसाद मिश्रा रस्त्यावरच शासकीय व त्यांची खासगी वाहने धुतात. त्यामुळे नागरिकांना प्रचंड त्रास होतो, अशी तक्रारही नागरिकांनी जानेवारी २०१० मध्ये तत्कालीन पोलिस आयुक्तांकडे केली होती.
मिश्रा यांच्याविरुद्धच्या तक्रारीवर शिस्तप्रिय व कर्तव्यनिष्ठ पोलिस आयुक्त डॉ. के.व्यंकटेशम काय कारवाई करतात, याकडे लक्ष लागले आहे.
मिश्रा हे डिझेल चोरी करीत असल्याची माहिती माझ्याकडेही आली आहे. डिझेल चोरीप्रकरणी चौकशीचे आदेश देण्यात आले आहेत. चौकशीत दोषी आढळल्यास मिश्रा यांच्याविरुद्ध कठोर कारवाई करण्यात येईल. २०१०मध्ये घडलेल्या हत्याकांडाचीही माहिती घेण्यात येईल.
- डॉ. के. व्यंकटेशम, पोलिस आयुक्त