म. टा. प्रतिनिधी, नागपूर
प्राप्तिकर चुकविणाऱ्यांवर छापे टाकून त्यांच्याकडून रोख रक्कम जप्त करून त्यानंतर दंड आकारण्याची मुभा आतापर्यंत प्राप्तिकर विभागाला होती. आता मात्र प्राप्तिकर विभाग संबंधित करबुडव्या करदात्यांची संपूर्ण संपत्ती जप्त करू शकणार आहे. हा बदल अर्थसंकल्पानंतर झाला असल्याची माहिती ज्येष्ठ चार्टर्ड अकाउंटंट जुल्फेश शाह यांनी दिली.
इन्स्टिट्युट ऑफ चार्टर्ड अकाउंटंट्स ऑफ इंडियाच्या (आयसीएआय) राष्ट्रीय आर्थिक सल्लागार समितीचे सदस्य जुल्फेश शाह यांनी अलीकडेच रामदासपेठ ओनर्स असोसिएशनमध्ये याबाबत मार्गदर्शन केले. त्यामध्ये हा विषय समोर आला.
शाह म्हणाले, ‘अर्थसंकल्पानंतर प्राप्तिकर खात्याला मोठे अधिकार मिळाले आहेत. याआधी अधिकाऱ्यांना छापा टाकण्यासाठी उच्चाधिकाऱ्यांना माहिती द्यावी लागत होती अथवा लवादाकडेही जावे लागत होते. आता मात्र त्यात महत्त्वाचे बदल करण्यात आले आहेत. या बदलांनुसार आता अधिकाऱ्यांना वरिष्ठ पातळीवर खुलासा करण्याची गरज नाही. करबुडव्यांकडून कर वसूल करण्यासाठी प्रसंगी संपत्तीदेखील जप्त करता येईल.’
या कार्यक्रमातील अन्य वक्ते विदर्भ टॅक्सपेयर्स असोसिएशनचे सचिव तेजिंदरसिंह रेणू यांनीदेखील यावेळी अर्थसंकल्पानंतर बदललेल्या कर तरतुदींचा व्यापार जगतावर काय परिणाम होईल, याची माहिती दिली. दिलीप सराफ हे अध्यक्षस्थानी होते. अशोक पत्की यांनी स्वागत भाषण केले. मीना सराफ, कमलेश ठक्कर, चंद्रेश मेहता, रागिणी गुप्ता, पूजा मल्होत्रा, सुनीता सोनी, डॉ. शुभांगी देशमाने, श्रीकांत पळशीकर, हरजित बग्गा, नीला ठक्कर, अरुण मोगरकर आदी यावेळी उपस्थित होते. संचालन महेश सोमलवार यांनी केले. नरेंद्र आसरकर यांनी आभार मानले.
प्राप्तिकर चुकविणाऱ्यांवर छापे टाकून त्यांच्याकडून रोख रक्कम जप्त करून त्यानंतर दंड आकारण्याची मुभा आतापर्यंत प्राप्तिकर विभागाला होती. आता मात्र प्राप्तिकर विभाग संबंधित करबुडव्या करदात्यांची संपूर्ण संपत्ती जप्त करू शकणार आहे. हा बदल अर्थसंकल्पानंतर झाला असल्याची माहिती ज्येष्ठ चार्टर्ड अकाउंटंट जुल्फेश शाह यांनी दिली.
इन्स्टिट्युट ऑफ चार्टर्ड अकाउंटंट्स ऑफ इंडियाच्या (आयसीएआय) राष्ट्रीय आर्थिक सल्लागार समितीचे सदस्य जुल्फेश शाह यांनी अलीकडेच रामदासपेठ ओनर्स असोसिएशनमध्ये याबाबत मार्गदर्शन केले. त्यामध्ये हा विषय समोर आला.
शाह म्हणाले, ‘अर्थसंकल्पानंतर प्राप्तिकर खात्याला मोठे अधिकार मिळाले आहेत. याआधी अधिकाऱ्यांना छापा टाकण्यासाठी उच्चाधिकाऱ्यांना माहिती द्यावी लागत होती अथवा लवादाकडेही जावे लागत होते. आता मात्र त्यात महत्त्वाचे बदल करण्यात आले आहेत. या बदलांनुसार आता अधिकाऱ्यांना वरिष्ठ पातळीवर खुलासा करण्याची गरज नाही. करबुडव्यांकडून कर वसूल करण्यासाठी प्रसंगी संपत्तीदेखील जप्त करता येईल.’
या कार्यक्रमातील अन्य वक्ते विदर्भ टॅक्सपेयर्स असोसिएशनचे सचिव तेजिंदरसिंह रेणू यांनीदेखील यावेळी अर्थसंकल्पानंतर बदललेल्या कर तरतुदींचा व्यापार जगतावर काय परिणाम होईल, याची माहिती दिली. दिलीप सराफ हे अध्यक्षस्थानी होते. अशोक पत्की यांनी स्वागत भाषण केले. मीना सराफ, कमलेश ठक्कर, चंद्रेश मेहता, रागिणी गुप्ता, पूजा मल्होत्रा, सुनीता सोनी, डॉ. शुभांगी देशमाने, श्रीकांत पळशीकर, हरजित बग्गा, नीला ठक्कर, अरुण मोगरकर आदी यावेळी उपस्थित होते. संचालन महेश सोमलवार यांनी केले. नरेंद्र आसरकर यांनी आभार मानले.