म. टा. प्रतिनिधी,नागपूर
सलग तिसऱ्यांदा विरोधी पक्षात बसण्याची नामुष्की ओढवलेल्या काँग्रेसमध्ये सध्या मरगळीचे वातावरण आहे. जेमतेम २९ एवढ्या सर्वात नीचांकी जागेचा पराक्रम करणारा काँग्रेस पक्ष सभागृहात आता फारच कमकुवत ठरणार आहे. गेल्यावेळच्या तुलनेत अर्ध्यावर आलेल्या या पक्षाचे सभागृहात नेतृत्व करण्याची जबाबदारी पक्षाचे मनपातील सर्वात अनुभवी नगरसेवक प्रफुल्ल गुडधे पाटील यांच्यावर येण्याची शक्यता आहे. यापूर्वीही त्यांनी काही काळ विरोधी पक्षनेतेपद भूषविले. त्यांनी नकार दिल्यास संदीप सहारे, संजय महाकाळकर यांच्या नावाचा विचार होण्याची शक्यता आहे.
काँग्रेसचे शहराध्यक्ष व विरोधी पक्षनेते विकास ठाकरे नावाची तोफ आता सभागृहात दिसणार नाही. त्यांचा प्रभाग ३७मधून झालेला पराभव पक्षाला जिव्हारी लागला आहे. त्यातच प्रभाग ३८मधून आत्मविश्वासाने जागा मागणारे प्रफुल्ल गुडधे पाटील यांनी भाजपच्या ‘अंडर करंट’मध्येही सोबत दोन्ही नगरसेविका निवडून आणल्या. त्यामुळे त्यांची पक्षात उंची वाढली आहे. मुख्यमंत्री देवेंद्र फडणवीस यांच्या दक्षिण-पश्चिम विधानसभा मतदारसंघात सर्वत्र कमळ फुलले असताना गुडधे यांनी पंजाला विजय मिळवून दिला. शिवाय मनपात सर्वाधिक अनुभव, अभ्यासूवृत्ती व सर्व आयुधांचा वापर करण्याची कला लक्षात घेता सत्तापक्षाला अडचणीत आणण्याचे काम ते प्रभावीपणे करू शकतात. यापूर्वीही त्यांनी सत्तापक्ष भाजपला कोंडीत पकडण्याचे काम अनेकदा केले आहे. काही मुद्द्यांवर सत्तापक्षाला माघारही घ्यावी लागली.
सत्तापक्षात विद्यमान सत्तापक्ष नेते दयाशंकर तिवारी, महापौर प्रवीण दटके, संदीप जोशी यांसारखे दिग्गज व मनपातील सर्व विषयांचा अभ्यास असलेले जाणकार आहेत. त्यांचा हल्ला परतवून लावण्याचे कसब गुडधे हे लीलया पेलू शकतात, हे पक्षालाही चांगल्याप्रकारे ठाऊक आहे. त्यामुळे विरोधी पक्षनेते पदावर त्यांचा सर्वात पहिला नैसर्गिक दावा ठरतो. यानंतरही पक्ष या पदावर कुणावर बसवितो, हे गुलदस्त्यात आहे. काँग्रेस पक्षात यापूर्वी विरोधी पक्षनेते पदावरून चांगलेच वाद झाल्याचा इतिहास आहे. त्यामुळे काँग्रेसमध्ये काहीही ठरलेले नसते, हे मात्र निश्चित. दरम्यान, गुडधे यांना पक्षाने टाळल्यास अनुभवाच्या आधारावर चौथ्यांदा मनपावर निवडून आलेले उत्तर नागपुरातील ज्येष्ठ नगरसेवक संदीप सहारे यांचेही नाव पुढे केले जाऊ शकते. सहारे यांनीही यापूर्वी विरोधी पक्षनेते पद भूषविले आहे. शेवटचा पर्याय म्हणून विकास ठाकरे यांचे विश्वासू नगरसेवक संजय महाकाळकर यांच्या नावाचाही विचार केला जाऊ शकतो.
सलग तिसऱ्यांदा विरोधी पक्षात बसण्याची नामुष्की ओढवलेल्या काँग्रेसमध्ये सध्या मरगळीचे वातावरण आहे. जेमतेम २९ एवढ्या सर्वात नीचांकी जागेचा पराक्रम करणारा काँग्रेस पक्ष सभागृहात आता फारच कमकुवत ठरणार आहे. गेल्यावेळच्या तुलनेत अर्ध्यावर आलेल्या या पक्षाचे सभागृहात नेतृत्व करण्याची जबाबदारी पक्षाचे मनपातील सर्वात अनुभवी नगरसेवक प्रफुल्ल गुडधे पाटील यांच्यावर येण्याची शक्यता आहे. यापूर्वीही त्यांनी काही काळ विरोधी पक्षनेतेपद भूषविले. त्यांनी नकार दिल्यास संदीप सहारे, संजय महाकाळकर यांच्या नावाचा विचार होण्याची शक्यता आहे.
काँग्रेसचे शहराध्यक्ष व विरोधी पक्षनेते विकास ठाकरे नावाची तोफ आता सभागृहात दिसणार नाही. त्यांचा प्रभाग ३७मधून झालेला पराभव पक्षाला जिव्हारी लागला आहे. त्यातच प्रभाग ३८मधून आत्मविश्वासाने जागा मागणारे प्रफुल्ल गुडधे पाटील यांनी भाजपच्या ‘अंडर करंट’मध्येही सोबत दोन्ही नगरसेविका निवडून आणल्या. त्यामुळे त्यांची पक्षात उंची वाढली आहे. मुख्यमंत्री देवेंद्र फडणवीस यांच्या दक्षिण-पश्चिम विधानसभा मतदारसंघात सर्वत्र कमळ फुलले असताना गुडधे यांनी पंजाला विजय मिळवून दिला. शिवाय मनपात सर्वाधिक अनुभव, अभ्यासूवृत्ती व सर्व आयुधांचा वापर करण्याची कला लक्षात घेता सत्तापक्षाला अडचणीत आणण्याचे काम ते प्रभावीपणे करू शकतात. यापूर्वीही त्यांनी सत्तापक्ष भाजपला कोंडीत पकडण्याचे काम अनेकदा केले आहे. काही मुद्द्यांवर सत्तापक्षाला माघारही घ्यावी लागली.
सत्तापक्षात विद्यमान सत्तापक्ष नेते दयाशंकर तिवारी, महापौर प्रवीण दटके, संदीप जोशी यांसारखे दिग्गज व मनपातील सर्व विषयांचा अभ्यास असलेले जाणकार आहेत. त्यांचा हल्ला परतवून लावण्याचे कसब गुडधे हे लीलया पेलू शकतात, हे पक्षालाही चांगल्याप्रकारे ठाऊक आहे. त्यामुळे विरोधी पक्षनेते पदावर त्यांचा सर्वात पहिला नैसर्गिक दावा ठरतो. यानंतरही पक्ष या पदावर कुणावर बसवितो, हे गुलदस्त्यात आहे. काँग्रेस पक्षात यापूर्वी विरोधी पक्षनेते पदावरून चांगलेच वाद झाल्याचा इतिहास आहे. त्यामुळे काँग्रेसमध्ये काहीही ठरलेले नसते, हे मात्र निश्चित. दरम्यान, गुडधे यांना पक्षाने टाळल्यास अनुभवाच्या आधारावर चौथ्यांदा मनपावर निवडून आलेले उत्तर नागपुरातील ज्येष्ठ नगरसेवक संदीप सहारे यांचेही नाव पुढे केले जाऊ शकते. सहारे यांनीही यापूर्वी विरोधी पक्षनेते पद भूषविले आहे. शेवटचा पर्याय म्हणून विकास ठाकरे यांचे विश्वासू नगरसेवक संजय महाकाळकर यांच्या नावाचाही विचार केला जाऊ शकतो.