म.टा. विशेष प्रतिनिधी, नागपूर
स्वच्छता पंधरवड्यानिमित्त आयोजित 'स्वच्छता हीच सेवा' उपक्रमात सहभागी विविध रेल्वे स्थानके तसेच कर्मचाऱ्यांना मंगळवारी मध्य रेल्वेच्या नागपूर विभागाचे व्यवस्थापक एम.एस. उप्पल यांच्या हस्ते पुरस्कार वितरित करण्यात आले. उत्कृष्ट देखभालीचा पुरस्कार नागपूर-पुणे गरीबरथ या गाडीला मिळाला.
मध्य रेल्वे हॉस्पिटलच्या सभागृहात हा समारंभ झाला. नागपूर रेल्वे स्थानक स्वच्छतेसाठी देशभर ओळखले जाते. त्यात येथील कर्मचाऱ्यांचे मोठे योगदान असल्याचे उप्पल यावेळी बोलताना म्हणाले. तसेच प्रवाशी स्वच्छतेच्या कार्यात देत असलेल्या सहकार्याबद्दल त्यांनी त्यांच्याप्रतीही कृतज्ञता व्यक्त केली.
यावेळी पुरस्कार मिळालेले विभाग व कर्मचारी असे- उत्कृष्ट कायार्लय- वाणिज्य विभाग, मानवरहित रेल्वे गेट- काटोल- कळंबा मार्गावरील क्रमांक २८२, हिंगणघाट- वाघोली मार्गावरील १२ व बैतुल- मलखांब मार्गावरील २५९ क्रमांकाचे गेट.
उत्कृष्ट- स्टेशन- अ श्रेणी- चंद्रपूर, ब श्रेणी- सेवाग्राम. उत्कृष्ट रेल्वे कॉलनी- अजनी रेल्वे कॉलनी, बल्लारशा रेल्वे कॉलनी व मुलताई रेल्वे कॉलनी. कार्यालय स्वच्छता- बुकिंग कार्यालय परासिया, अजनी कोचकेअर कॉम्पलेक्स, बेसिक ट्रेनिंग सेंटर अजनी, अजनी एसएसई, पीडब्ल्यूआय डेपो घोराडोंगरी, आयओडब्ल्यू डेपो आमला, विद्युत विभाग जुन्नारदेव, विद्युत विभाग धामणगाव. उत्कृष्ट रनिंग रूम- आमला, उत्कृष्ट गार्ड लॉबी- बल्लारशा, उत्कृष्ट टीटीई रूम- नागपूर. स्वच्छतेचे उल्लेखनीय कार्य केल्याबद्दल प्रकाश पाटील यांना गौरविण्यात आले. प्रारंभी वरिष्ठ मंडळ यांत्रिक अभियंता अखिलेश चौबे यांनी प्रास्ताविक केले. कार्यक्रमाचे संचालन सुशील तिवारी यांनी केले.