म. टा. विशेष प्रतिनिधी, नागपूर
डॉ. बाबासाहेब आंबेडकर यांच्या शतकोत्तर रौप्य महोत्सवी जयंतीच्या समारोपानिमित्त सोमवारी काँग्रेसचे मुख्यालय नागपुरात राहणार आहे. पक्षाध्यक्ष सोनिया गांधी व उपाध्यक्ष राहुल गांधी यांच्यासाठी रविभवनातील अनुक्रमे कॉटेज क्रमांक दोन व आठ राखीव ठेवण्यात आले असून एकूण ३० कॉटेजेस काँग्रेसने बुक केली. राहुल गांधी यांचा मुक्काम राहणार आहे तर, सभेनंतर लगेच सोनिया गांधी रवाना होतील.
काँग्रेसच्यावतीने आयोजित सभेचे काउंटडाऊन सुरू झाले आहे. नेत्यांचे आगमन सुरू झाले असून दोन दिवस नागपुरात नेत्यांची मांदियाळी राहणार आहे. माजी पंतप्रधान मनमोहनसिंह, मल्लिकार्जुन खरगे, गुलामनबी आझाद यांच्यासह बहुतांश नेते येणार आहेत. यातील काही नेत्यांची व्यवस्था रविभवनात करण्यात आली आहे. सोनिया गांधी आणि राहुल गांधी यांच्या मुक्कामामुळे या संपूर्ण परिसराला सुरक्षेचा वेढा राहणार आहे. या दोन्ही कॉटेजमधील व्यवस्थेसाठी आवडीनिवडीनुसार विशेष मागणी झालेली नाही पण, जनरेटर बॅकअप व इतर सोयी उपलब्ध करून देण्यात येणार आहेत. सद्यस्थितीत सहा कॉटेजेसमध्ये एसपीजीच्या जवानांची व्यवस्था करण्यात आली आहे.
राहुल गांधी यांचा मुक्काम राहणार असल्याने नेत्यांना त्यांच्याशी संवाद साधण्याची संधी मिळणार आहे. त्यांचा मुक्काम रविभवनातच राहील, हे अद्याप निश्चित नाही. अखेरच्या क्षणी तारांकित हॉटेलमध्ये व्यवस्था करण्याची शक्यता पक्षातील सूत्रांनी व्यक्त केली.
सभेनिमित्त नेत्यांचे आमगन सुरू झाले आहे. प्रदेश प्रभारी बाला बच्चन, प्रदेशाध्यक्ष अशोक चव्हाण शनिवारीच नागपुरात आले. सरचिटणीस दिग्विजय सिंह, अजित जोगी, राज्याचे प्रभारी मोहन प्रकाश, अनुसूचित जाती सेलचे अध्यक्ष के. राजू, खासदार पी. एल. पुनिया, अल्पसंख्याक सेलचे अध्यक्ष खुर्शीद अहमद आदींसह अन्य नेते आज, रविवारी येणार आहेत. सोमवारी सकाळपर्यंत देशभरातील पक्षाचे सर्व आमंत्रित नेत्यांचे आमगन होईल.
कंट्रोल रूममधून आढावा
प्रदेशाध्यक्ष अशोक चव्हाण यांचे शनिवारी आगमन झाल्यानंतर त्यांनी लगेच दीक्षाभूमीला भेट देऊन पाहणी केली. यानंतर कंट्रोल रुममध्ये संपूर्ण तयारीचा आढावा घेतला. कंट्रोल रुमचे समन्वयक प्राचार्य बबनराव तायवाडे, रामकिसन ओझा, अभिजित देशमुख, तौफिक मुल्लानी यांनी चव्हाण यांना सविस्तर माहिती दिली.
सराफांनी मागितली वेळ
राहुल गांधी यांचा नागपुरात मुक्काम राहणार असून दुसऱ्या दिवशी मंगळवारी सकाळी मुंबईला रवाना होणार आहेत. तेथे त्यांनी सराफा व्यापाऱ्यांना वेळ दिली आहे. गांधी यांनी शहरातील व्यापाऱ्यांना वेळ द्यावी, अशी मागणी सोना-चांदी ओल कमिटीच्यावतीने तरुण कार्यकर्ते संजय खुळे यांनी खासदार अविनाश पांडे यांच्या माध्यमातून केली आहे.
सभेसाठी दीड हजार पोलिसांचा ताफा
काँग्रेस अध्यक्षा सोनिया गांधी व उपाध्यक्ष राहुल गांधी यांच्या सभेसाठी पोलिस आयुक्त शारदा प्रसाद यादव यांनी कडेकोट बंदोबस्ताची आखणी केली आहे. हॉटेल्स ,लॉजेससह कस्तुरचंद पार्क परिसरातील नाले व इमारतींवरही पोलिसांनी करडी नजर राहणार आहे. या सभेसाठी तब्बल दीड हजार पोलिसांचा बंदोबस्त तैनात राहणार आहे. सहआयुक्त राजवर्धन सिन्हा यांच्या नेतृत्वात बंदोबस्ताची आखणी करण्यात आली आहे. सभा ठिकाणी अतिरिक्त पोलिस आयुक्त, सहा पोलिस उपायुक्त, सात सहायक पोलिस आयुक्त, ४६ पोलिस निरीक्षक, ११७ पोलिस उपनिरीक्षक तसेच १०३७ पोलिस कर्मचारी तैनात असणार आहे. राज्य राखीव पोलिस दलाची कंपनी, शीघ्र कृती पथक व दंगल नियंत्रण पथकही कस्तुरचंद पार्कवर तैनात राहणार आहे. नागपूर शहरातील बॉम्ब शोधन नाशकाच्या दोन पथकांशिवाय सहा पथके तैनात करण्यात येणार आहेत.
डॉ. बाबासाहेब आंबेडकर यांच्या शतकोत्तर रौप्य महोत्सवी जयंतीच्या समारोपानिमित्त सोमवारी काँग्रेसचे मुख्यालय नागपुरात राहणार आहे. पक्षाध्यक्ष सोनिया गांधी व उपाध्यक्ष राहुल गांधी यांच्यासाठी रविभवनातील अनुक्रमे कॉटेज क्रमांक दोन व आठ राखीव ठेवण्यात आले असून एकूण ३० कॉटेजेस काँग्रेसने बुक केली. राहुल गांधी यांचा मुक्काम राहणार आहे तर, सभेनंतर लगेच सोनिया गांधी रवाना होतील.
काँग्रेसच्यावतीने आयोजित सभेचे काउंटडाऊन सुरू झाले आहे. नेत्यांचे आगमन सुरू झाले असून दोन दिवस नागपुरात नेत्यांची मांदियाळी राहणार आहे. माजी पंतप्रधान मनमोहनसिंह, मल्लिकार्जुन खरगे, गुलामनबी आझाद यांच्यासह बहुतांश नेते येणार आहेत. यातील काही नेत्यांची व्यवस्था रविभवनात करण्यात आली आहे. सोनिया गांधी आणि राहुल गांधी यांच्या मुक्कामामुळे या संपूर्ण परिसराला सुरक्षेचा वेढा राहणार आहे. या दोन्ही कॉटेजमधील व्यवस्थेसाठी आवडीनिवडीनुसार विशेष मागणी झालेली नाही पण, जनरेटर बॅकअप व इतर सोयी उपलब्ध करून देण्यात येणार आहेत. सद्यस्थितीत सहा कॉटेजेसमध्ये एसपीजीच्या जवानांची व्यवस्था करण्यात आली आहे.
राहुल गांधी यांचा मुक्काम राहणार असल्याने नेत्यांना त्यांच्याशी संवाद साधण्याची संधी मिळणार आहे. त्यांचा मुक्काम रविभवनातच राहील, हे अद्याप निश्चित नाही. अखेरच्या क्षणी तारांकित हॉटेलमध्ये व्यवस्था करण्याची शक्यता पक्षातील सूत्रांनी व्यक्त केली.
सभेनिमित्त नेत्यांचे आमगन सुरू झाले आहे. प्रदेश प्रभारी बाला बच्चन, प्रदेशाध्यक्ष अशोक चव्हाण शनिवारीच नागपुरात आले. सरचिटणीस दिग्विजय सिंह, अजित जोगी, राज्याचे प्रभारी मोहन प्रकाश, अनुसूचित जाती सेलचे अध्यक्ष के. राजू, खासदार पी. एल. पुनिया, अल्पसंख्याक सेलचे अध्यक्ष खुर्शीद अहमद आदींसह अन्य नेते आज, रविवारी येणार आहेत. सोमवारी सकाळपर्यंत देशभरातील पक्षाचे सर्व आमंत्रित नेत्यांचे आमगन होईल.
कंट्रोल रूममधून आढावा
प्रदेशाध्यक्ष अशोक चव्हाण यांचे शनिवारी आगमन झाल्यानंतर त्यांनी लगेच दीक्षाभूमीला भेट देऊन पाहणी केली. यानंतर कंट्रोल रुममध्ये संपूर्ण तयारीचा आढावा घेतला. कंट्रोल रुमचे समन्वयक प्राचार्य बबनराव तायवाडे, रामकिसन ओझा, अभिजित देशमुख, तौफिक मुल्लानी यांनी चव्हाण यांना सविस्तर माहिती दिली.
सराफांनी मागितली वेळ
राहुल गांधी यांचा नागपुरात मुक्काम राहणार असून दुसऱ्या दिवशी मंगळवारी सकाळी मुंबईला रवाना होणार आहेत. तेथे त्यांनी सराफा व्यापाऱ्यांना वेळ दिली आहे. गांधी यांनी शहरातील व्यापाऱ्यांना वेळ द्यावी, अशी मागणी सोना-चांदी ओल कमिटीच्यावतीने तरुण कार्यकर्ते संजय खुळे यांनी खासदार अविनाश पांडे यांच्या माध्यमातून केली आहे.
सभेसाठी दीड हजार पोलिसांचा ताफा
काँग्रेस अध्यक्षा सोनिया गांधी व उपाध्यक्ष राहुल गांधी यांच्या सभेसाठी पोलिस आयुक्त शारदा प्रसाद यादव यांनी कडेकोट बंदोबस्ताची आखणी केली आहे. हॉटेल्स ,लॉजेससह कस्तुरचंद पार्क परिसरातील नाले व इमारतींवरही पोलिसांनी करडी नजर राहणार आहे. या सभेसाठी तब्बल दीड हजार पोलिसांचा बंदोबस्त तैनात राहणार आहे. सहआयुक्त राजवर्धन सिन्हा यांच्या नेतृत्वात बंदोबस्ताची आखणी करण्यात आली आहे. सभा ठिकाणी अतिरिक्त पोलिस आयुक्त, सहा पोलिस उपायुक्त, सात सहायक पोलिस आयुक्त, ४६ पोलिस निरीक्षक, ११७ पोलिस उपनिरीक्षक तसेच १०३७ पोलिस कर्मचारी तैनात असणार आहे. राज्य राखीव पोलिस दलाची कंपनी, शीघ्र कृती पथक व दंगल नियंत्रण पथकही कस्तुरचंद पार्कवर तैनात राहणार आहे. नागपूर शहरातील बॉम्ब शोधन नाशकाच्या दोन पथकांशिवाय सहा पथके तैनात करण्यात येणार आहेत.