म.टा. विशेष प्रतिनिधी, नागपूर
केंद्र व राज्याच्या महायुतीतील घटक पक्ष रिपब्लिकन पार्टी ऑफ इंडिया आठवले गटाने भाजपवर वार केला आहे. स्थानिक स्वराज्य संस्थांमध्ये भाजपसोबत युती नसतानादेखील पक्षाचे अध्यक्ष व केंद्रीय राज्यमंत्री रामदास आठवले यांचे छायाचित्र भाजपचे पोस्टर्स व अन्य साहित्यांवर वापरण्यात आले. त्यामुळे आठवले गटाचे कार्यकर्ते खवळले आहेत. हे साहित्य तत्काळ जप्त करावे, अशी मागणी करून कोर्टात जाण्याचा इशारा या कार्यकर्त्यांनी निवडणूक आयोगाला दिला.
महापालिका निवडणुकीच्या प्रचारात भाजपने रिपब्लिकन पार्टीचे अध्यक्ष व केंद्रीय राज्यमंत्री रामदास आठवले यांचे छायाचित्र तसेच पक्षाचा निळा झेंडा वापरला. छायाचित्र असलेले पोस्टर्स, बॅनर्स, सभांसाठी तयार करण्यात येणारे बॅकड्रॉप आदी प्रचार साहित्य तात्काळ जप्त करण्यात यावे, अशी मागणी पक्षाच्यावतीने शुक्रवारी जिल्हाधिकारी सचिन कुर्वे व महापालिकेचे निवडणूक अधिकारी कुंभारे यांच्यामार्फत राज्य निवडणूक आयोगाकडे करण्यात आली. आठवले गटाचे शहराध्यक्ष राजन वाघमारे यांच्या नेतृत्वाखाली एका शिष्टमंडळाने पोस्टर्सकडे अधिकाऱ्यांचे लक्ष वेधले. ‘महापालिका निवडणुकीत भाजपकडून अपेक्षित प्रतिसाद न मिळाल्याने युती तुटल्याचे जाहीर करण्यात आले. त्यानुसार आम्ही स्वबळावर निवडणूक लढवत आहोत. अशावेळी आमच्या नेत्यांचे छायाचित्र व झेंडा वापरण्याचा प्रश्नच उद्भवत नाही. यासंदर्भात रामदास आठवले यांच्याशी चर्चा केल्यानंतर आयोगाकडे तक्रार केली आहे. प्रशासनाने तातडीने सर्व साहित्य जप्त करावे, अन्यथा कोर्टात याचिका दाखल करून दाद मागण्यात येईल’, असा इशारा राजन वाघमारे यांनी दिला. शिष्टमंडळात विकास गणवीर, कांतीलाल पकिड्डे, राजेश ढेंगरे, हरिश जानोरकर, भीमराव मेश्राम, विनोद थूल, सतीश तांबे, जयंत टेंभूरकर तसेच पक्षाचे उमेदवार हिरालाल हाडके, अवंतिका तांबे, मीनाक्षी बोरकर, साधना टेंभूरकर आदींचा समावेश होता.
केंद्र व राज्याच्या महायुतीतील घटक पक्ष रिपब्लिकन पार्टी ऑफ इंडिया आठवले गटाने भाजपवर वार केला आहे. स्थानिक स्वराज्य संस्थांमध्ये भाजपसोबत युती नसतानादेखील पक्षाचे अध्यक्ष व केंद्रीय राज्यमंत्री रामदास आठवले यांचे छायाचित्र भाजपचे पोस्टर्स व अन्य साहित्यांवर वापरण्यात आले. त्यामुळे आठवले गटाचे कार्यकर्ते खवळले आहेत. हे साहित्य तत्काळ जप्त करावे, अशी मागणी करून कोर्टात जाण्याचा इशारा या कार्यकर्त्यांनी निवडणूक आयोगाला दिला.
महापालिका निवडणुकीच्या प्रचारात भाजपने रिपब्लिकन पार्टीचे अध्यक्ष व केंद्रीय राज्यमंत्री रामदास आठवले यांचे छायाचित्र तसेच पक्षाचा निळा झेंडा वापरला. छायाचित्र असलेले पोस्टर्स, बॅनर्स, सभांसाठी तयार करण्यात येणारे बॅकड्रॉप आदी प्रचार साहित्य तात्काळ जप्त करण्यात यावे, अशी मागणी पक्षाच्यावतीने शुक्रवारी जिल्हाधिकारी सचिन कुर्वे व महापालिकेचे निवडणूक अधिकारी कुंभारे यांच्यामार्फत राज्य निवडणूक आयोगाकडे करण्यात आली. आठवले गटाचे शहराध्यक्ष राजन वाघमारे यांच्या नेतृत्वाखाली एका शिष्टमंडळाने पोस्टर्सकडे अधिकाऱ्यांचे लक्ष वेधले. ‘महापालिका निवडणुकीत भाजपकडून अपेक्षित प्रतिसाद न मिळाल्याने युती तुटल्याचे जाहीर करण्यात आले. त्यानुसार आम्ही स्वबळावर निवडणूक लढवत आहोत. अशावेळी आमच्या नेत्यांचे छायाचित्र व झेंडा वापरण्याचा प्रश्नच उद्भवत नाही. यासंदर्भात रामदास आठवले यांच्याशी चर्चा केल्यानंतर आयोगाकडे तक्रार केली आहे. प्रशासनाने तातडीने सर्व साहित्य जप्त करावे, अन्यथा कोर्टात याचिका दाखल करून दाद मागण्यात येईल’, असा इशारा राजन वाघमारे यांनी दिला. शिष्टमंडळात विकास गणवीर, कांतीलाल पकिड्डे, राजेश ढेंगरे, हरिश जानोरकर, भीमराव मेश्राम, विनोद थूल, सतीश तांबे, जयंत टेंभूरकर तसेच पक्षाचे उमेदवार हिरालाल हाडके, अवंतिका तांबे, मीनाक्षी बोरकर, साधना टेंभूरकर आदींचा समावेश होता.