म. टा. विशेष प्रतिनिधी, नागपूर
महापालिकेतील विरोधी पक्षनेतेपदासाठी काँग्रेसमधील फुटीला ‘महाविद्या’वरून बळ मिळाल्याची वार्ता समोर येत आहे. गेल्या दोन दिवसांतील घडामोडींकडे बघितले तर माजी केंद्रीय मंत्री विलास मुत्तेमवार विरुद्ध काँग्रेसमधील सगळे असा एक नवाच संघर्ष उभा झाल्याचे चित्र निर्माण झाले आहे.
शहर कार्यकारिणीचा सामना मुत्तेमवारांनी जिंकल्यानंतर महापालिका निवडणुकीपासून सुरू झालेला राजकीय सामना कधी मुत्तेमवार तर कधी सतीश चतुर्वेदी, नितीन राऊत यांच्याकडे झुकत गेला. एरवी लहान-सहान बाबी चव्हाट्यावर आणणारे काँग्रेस नेते व कार्यकर्त्यांनी गेल्या एक-दीड महिन्यात कमालीची गुप्तता पाळण्याचा प्रयत्न केला. प्रफुल्ल गुडधे यांच्यासह एक मोठा गट गेल्या महिन्यात दिल्लीला गेला होता. पक्षाचे उपाध्यक्ष राहुल गांधी यांच्यासह अन्य नेत्यांच्या भेटी घेतल्या. त्यावेळी देखील चर्चेतील माहिती लिक होऊ नये, याची काळजी काँग्रेस नेत्यांनी घेतली.
महापालिकेतील स्वीकृत सदस्यासाठी कार्यक्रम जाहीर होताच, विरोधी पक्षनेतेपदावरून गेम सुरू झाला. सिव्हिल लाईन्समधील सतीश चतुर्वेदी यांच्या ‘महाविद्या’या बंगल्यातून गेमप्लान झाल्याची चर्चा आहे. यापूर्वीही शहर कार्यकारिणी जाहीर झाल्यानंतर असंतुष्टांचा मोठा गट याच बंगल्यावर एकत्र आला होता. गेल्या काही दिवसात शहरातील असंतुष्टांना या बंगल्यावरून ऊर्जा मिळाली आहे. तसेच, २००२ च्या निवडणुकीत अत्रे लेआऊटमधील व्हाईट हाऊसला वॉर रूमचे स्वरूप आले होते. अर्थात त्यावेळी मुत्तेमवार व चतुर्वेदी एकत्र होते, हे विशेष. मुत्तेमवार यांच्यासाठी सर्व विरोधक एकत्र येणे नवीन नाही. त्यांनी सर्व आव्हाने लिलया पेलली पण, यावेळी गल्लीपासून दिल्लीपर्यंत सत्तेबाहेर असल्याने चित्र बदलले आहे. पक्षात फुट पडल्याने अंतर्गत कलह समोर आल्यानंतर नागपुरातील घडामोडींची मुंबई व दिल्लीत चर्चा सुरू झाली. विरोधी पक्षनेतेपदासाठी प्रफुल्ल गुडधे ऐवजी अनेक वर्षांपासून महापालिकेबाहेर असलेले स्थायी समितीचे माजी अध्यक्ष तानाजी वनवे यांचे नाव समोर करण्यात आले. ही खेळी दूरदृष्टीतून झाल्याची काँग्रेस वर्तुळात चर्चा आहे. वनवे यांचे नाव पूर्व नागपुरातून समोर करून मुत्तेमवार समर्थक अभिजित वंजारी व उमाकांत अग्निहोत्री यांना शह देण्याचे प्रयत्न होण्याची शक्यता वर्तवण्यात येत आहे.
नवीन समीकरणामुळे आगामी काळात चित्र बदलण्याची शक्यता आहे. गेल्या काही महिन्यांपासून तटस्थ असणारे अनीस अहमद समर्थकदेखील चतुर्वेदी, राऊत समर्थकांच्या पंक्तित बसले. अविनाश पांडे समर्थक देखील त्यांच्या बाजूनेच आहेत. शहर अन्य नेत्यांनीही गुडधे, तानाजी वनवे यांना समर्थन दिले. त्यामुळे सद्यस्थितीत विलास मुत्तेमवार व शहर अध्यक्ष विकास ठाकरे यांच्याकडे खंदे समर्थक वगळता अन्य नेते मंडळी नाही. आजही काही नगरसेवक कुंपणावर असून चित्र स्पष्ट होताच, ‘जिधर दम’ प्रमाणे हे नगरसेवक समर्थन देण्याचे संकेत आहेत.
महापालिकेतील विरोधी पक्षनेतेपदासाठी काँग्रेसमधील फुटीला ‘महाविद्या’वरून बळ मिळाल्याची वार्ता समोर येत आहे. गेल्या दोन दिवसांतील घडामोडींकडे बघितले तर माजी केंद्रीय मंत्री विलास मुत्तेमवार विरुद्ध काँग्रेसमधील सगळे असा एक नवाच संघर्ष उभा झाल्याचे चित्र निर्माण झाले आहे.
शहर कार्यकारिणीचा सामना मुत्तेमवारांनी जिंकल्यानंतर महापालिका निवडणुकीपासून सुरू झालेला राजकीय सामना कधी मुत्तेमवार तर कधी सतीश चतुर्वेदी, नितीन राऊत यांच्याकडे झुकत गेला. एरवी लहान-सहान बाबी चव्हाट्यावर आणणारे काँग्रेस नेते व कार्यकर्त्यांनी गेल्या एक-दीड महिन्यात कमालीची गुप्तता पाळण्याचा प्रयत्न केला. प्रफुल्ल गुडधे यांच्यासह एक मोठा गट गेल्या महिन्यात दिल्लीला गेला होता. पक्षाचे उपाध्यक्ष राहुल गांधी यांच्यासह अन्य नेत्यांच्या भेटी घेतल्या. त्यावेळी देखील चर्चेतील माहिती लिक होऊ नये, याची काळजी काँग्रेस नेत्यांनी घेतली.
महापालिकेतील स्वीकृत सदस्यासाठी कार्यक्रम जाहीर होताच, विरोधी पक्षनेतेपदावरून गेम सुरू झाला. सिव्हिल लाईन्समधील सतीश चतुर्वेदी यांच्या ‘महाविद्या’या बंगल्यातून गेमप्लान झाल्याची चर्चा आहे. यापूर्वीही शहर कार्यकारिणी जाहीर झाल्यानंतर असंतुष्टांचा मोठा गट याच बंगल्यावर एकत्र आला होता. गेल्या काही दिवसात शहरातील असंतुष्टांना या बंगल्यावरून ऊर्जा मिळाली आहे. तसेच, २००२ च्या निवडणुकीत अत्रे लेआऊटमधील व्हाईट हाऊसला वॉर रूमचे स्वरूप आले होते. अर्थात त्यावेळी मुत्तेमवार व चतुर्वेदी एकत्र होते, हे विशेष. मुत्तेमवार यांच्यासाठी सर्व विरोधक एकत्र येणे नवीन नाही. त्यांनी सर्व आव्हाने लिलया पेलली पण, यावेळी गल्लीपासून दिल्लीपर्यंत सत्तेबाहेर असल्याने चित्र बदलले आहे. पक्षात फुट पडल्याने अंतर्गत कलह समोर आल्यानंतर नागपुरातील घडामोडींची मुंबई व दिल्लीत चर्चा सुरू झाली. विरोधी पक्षनेतेपदासाठी प्रफुल्ल गुडधे ऐवजी अनेक वर्षांपासून महापालिकेबाहेर असलेले स्थायी समितीचे माजी अध्यक्ष तानाजी वनवे यांचे नाव समोर करण्यात आले. ही खेळी दूरदृष्टीतून झाल्याची काँग्रेस वर्तुळात चर्चा आहे. वनवे यांचे नाव पूर्व नागपुरातून समोर करून मुत्तेमवार समर्थक अभिजित वंजारी व उमाकांत अग्निहोत्री यांना शह देण्याचे प्रयत्न होण्याची शक्यता वर्तवण्यात येत आहे.
नवीन समीकरणामुळे आगामी काळात चित्र बदलण्याची शक्यता आहे. गेल्या काही महिन्यांपासून तटस्थ असणारे अनीस अहमद समर्थकदेखील चतुर्वेदी, राऊत समर्थकांच्या पंक्तित बसले. अविनाश पांडे समर्थक देखील त्यांच्या बाजूनेच आहेत. शहर अन्य नेत्यांनीही गुडधे, तानाजी वनवे यांना समर्थन दिले. त्यामुळे सद्यस्थितीत विलास मुत्तेमवार व शहर अध्यक्ष विकास ठाकरे यांच्याकडे खंदे समर्थक वगळता अन्य नेते मंडळी नाही. आजही काही नगरसेवक कुंपणावर असून चित्र स्पष्ट होताच, ‘जिधर दम’ प्रमाणे हे नगरसेवक समर्थन देण्याचे संकेत आहेत.