म. टा. प्रतिनिधी, नागपूर
शासकीय वैद्यकीय महाविद्यालय व रुग्णालय हे गरीब रुग्णांसाठी आधारवड आहे. येथे येणारे रुग्ण आणि त्यांच्या नातेवाईकांसाठी मेडिकल काही काळापुरता का होईना निवारा बनते. मात्र, मेडिकलची सुरक्षा करणारे रक्षकच निवाऱ्या विना सेवा देत आहेत. उन्हा- तान्हात पाणी पावसापासून बचाव करण्यासाठी खाजगी सुरक्षारक्षकांना एक खोली देण्यात आली आहे. परंतु, राज्य सरकारने अलिकडेच नेमलेल्या सुरक्षारक्षकांना यात बसू देखील दिले जात नाही.
काही महिन्यांपूर्वी डॉक्टरांवर होणाऱ्या जीवघेण्या हल्ल्याच्या निषेधार्थ संपूर्ण राज्यातील निवासी डॉक्टरांनी संप पुकारला होता. डॉक्टरांना बंदुकधारी सुरक्षा दिली जावी या मागणीसाठी अख्खी रुग्ण सेवा वेठीस धरण्यात आली. त्यानंतर सरकारने नमते घेत डॉक्टरांना बंदुकधारी सुरक्षा रक्षक पुरविले. त्यानंतर हा संप मागे घेतला गेला. डॉक्टरांना सुरक्षा मिळावी म्हणून राज्य सरकारने सर्वच शासकीय वैद्यकीय महाविद्यालये व रुग्णालयांमध्ये पोलिस सुरक्षा बलाच्या रक्षकांना तैनात केले. नागपूरच्या मेडिकलमध्ये देखील पोलिस सुरक्षा बलाचे रक्षक तैनात झाले. मात्र, या सुरक्षा रक्षकांना बसण्यासाठी कोणताही अधिकृत निवारा नाही. ड्यूटी संपल्यानंतर कपडे बदलण्यासाठी चेंजींग रुम नाही. सुरक्षा रक्षक तैनात करून आता सुमारे तीन महिन्याचा काळ लोटला आहे. मात्र हे रक्षक खाजगी सुरक्षा रक्षकांच्या खोलीत उधारीवर आसरा शोधत आहेत. शासकीय रक्षकांना काही वेळेच्या विश्रांतीसाठी खोलीची आवश्यकता असते. मेडिकलमध्ये खाजगी सुरक्षा रक्षकांसाठी खोली बांधण्यात आहे. परंतु, राज्य शासनाचे कर्मचारी असलेल्या पोलिस सुरक्षा बलाच्या कर्मचाऱ्यांना अद्यापही खोली दिली गेलेली नाही. त्यामुळे सुरक्षा रक्षकांची गैरसोय होत आहे.
पोलिस चौकीचा आधार
पोलिस सुरक्षा बलाचे सुरक्षा रक्षक विश्रांतीसाठी काही वेळेला मेडिकलमध्ये पोलिस चौकीचा आधार घेतात. तसेच, रक्षकांच्या कामाच्या ठिकाणांविषयीची बैठकाही याच चौकीत घ्याव्या लागत आहेत.
शासकीय वैद्यकीय महाविद्यालय व रुग्णालय हे गरीब रुग्णांसाठी आधारवड आहे. येथे येणारे रुग्ण आणि त्यांच्या नातेवाईकांसाठी मेडिकल काही काळापुरता का होईना निवारा बनते. मात्र, मेडिकलची सुरक्षा करणारे रक्षकच निवाऱ्या विना सेवा देत आहेत. उन्हा- तान्हात पाणी पावसापासून बचाव करण्यासाठी खाजगी सुरक्षारक्षकांना एक खोली देण्यात आली आहे. परंतु, राज्य सरकारने अलिकडेच नेमलेल्या सुरक्षारक्षकांना यात बसू देखील दिले जात नाही.
काही महिन्यांपूर्वी डॉक्टरांवर होणाऱ्या जीवघेण्या हल्ल्याच्या निषेधार्थ संपूर्ण राज्यातील निवासी डॉक्टरांनी संप पुकारला होता. डॉक्टरांना बंदुकधारी सुरक्षा दिली जावी या मागणीसाठी अख्खी रुग्ण सेवा वेठीस धरण्यात आली. त्यानंतर सरकारने नमते घेत डॉक्टरांना बंदुकधारी सुरक्षा रक्षक पुरविले. त्यानंतर हा संप मागे घेतला गेला. डॉक्टरांना सुरक्षा मिळावी म्हणून राज्य सरकारने सर्वच शासकीय वैद्यकीय महाविद्यालये व रुग्णालयांमध्ये पोलिस सुरक्षा बलाच्या रक्षकांना तैनात केले. नागपूरच्या मेडिकलमध्ये देखील पोलिस सुरक्षा बलाचे रक्षक तैनात झाले. मात्र, या सुरक्षा रक्षकांना बसण्यासाठी कोणताही अधिकृत निवारा नाही. ड्यूटी संपल्यानंतर कपडे बदलण्यासाठी चेंजींग रुम नाही. सुरक्षा रक्षक तैनात करून आता सुमारे तीन महिन्याचा काळ लोटला आहे. मात्र हे रक्षक खाजगी सुरक्षा रक्षकांच्या खोलीत उधारीवर आसरा शोधत आहेत. शासकीय रक्षकांना काही वेळेच्या विश्रांतीसाठी खोलीची आवश्यकता असते. मेडिकलमध्ये खाजगी सुरक्षा रक्षकांसाठी खोली बांधण्यात आहे. परंतु, राज्य शासनाचे कर्मचारी असलेल्या पोलिस सुरक्षा बलाच्या कर्मचाऱ्यांना अद्यापही खोली दिली गेलेली नाही. त्यामुळे सुरक्षा रक्षकांची गैरसोय होत आहे.
पोलिस चौकीचा आधार
पोलिस सुरक्षा बलाचे सुरक्षा रक्षक विश्रांतीसाठी काही वेळेला मेडिकलमध्ये पोलिस चौकीचा आधार घेतात. तसेच, रक्षकांच्या कामाच्या ठिकाणांविषयीची बैठकाही याच चौकीत घ्याव्या लागत आहेत.