म.टा.विशेष प्रतिनिधी, नागपूर
घरात एकट्या राहणाऱ्या ज्येष्ठ नागरिकांची सुरक्षा धोक्यात आलेली आहे. त्यास्थितीत एकट्या महिलेवर प्राणघातक हल्ला करणाऱ्या गुन्हेगाराला कोणतीही दया दाखवता येणार नाही, असे नमूद करीत मुंबई उच्च न्यायालयाच्या नागपूर खंडपीठाने आरोपीला दणका दिला. तसेच त्याने शिक्षेला दिलेले आव्हान फेटाळून लावले.
उपराजधानीत गेल्या काही वर्षात एकटे राहणाऱ्या वयोवृद्ध नागरिकांवर हल्ले करण्याचे प्रमाण वाढले आहे. मुले नोकरीनिमित्त मुंबई, पुणे अथवा परदेशात गेल्याने वृद्धांना एकटेच घरात रहावे लागत आहे. अशा वृद्धांना हेरून त्यांच्या घरात चोरी करण्यात येते. तर वृद्धांनी विरोध केल्यास त्यांना ठारदेखील मारण्याच्या घटना घडल्या आहेत. त्या घटनांच्या पार्श्वभूमीवर न्यायालयाने रामदासपेठ येथील डॉ. रेखा भिवापूरकर यांच्यावर प्राणघातक हल्ला करणाऱ्या आरोपी योगेश इघे याला दिलासा देण्यास नकार दिला.
कुंभारटोली येथील निवासी राजेश इघे याने ११ सप्टेंबर २०१३ रोजी रामदासपेठ येथे राहणाऱ्या डॉ. रेखा राजन भिवापूरकर यांच्या घरी चोरी करण्याचा प्रयत्न केला. डॉ. भिवापूरकर यांचा मुलगा आशिष हा मुंबईत नोकरी करीत होता, तर त्यांची मुलगी शिल्पा या सिव्हिल लाइन्स येथे सासरी राहात होत्या. रात्री योगेशने भिवापूरकर यांच्या घरात घुसून चोरी करण्याचा प्रयत्न केला. तसेच भिवापूरकर यांच्या बेडरूममध्ये गेल्यावर तेथील वस्तू चोरत होता. तेव्हा डॉ. रेखा यांना जाग आली. त्यांनी आरोपीला बघताच आरडाओरड केली. तेव्हा योगेशने त्यांचा गळा दाबून त्यांना ठार मारण्याचा प्रयत्न केला. स्वतःचा बचाव करण्यासाठी डॉ. रेखा यांनी योगेशच्या हाताला चावा घेतला आणि त्याला लाथ मारून पाडले. तसेच संधी साधून घरातून बाहेर येत चौकीदार व शेजाऱ्यांना आवाज दिला. डॉ. रेखा यांच्या आवाजाने परिसरातील नागरिक गोळा झाले. तेव्हा आरोपी योगेश हा पहिल्या मजल्यावर दडून बसला. त्याने तेथून पलायन करण्याचा प्रयत्न केला असला नागरिकांनी त्याला पकडले आणि पोलिसांच्या स्वाधीन केले. याप्रकरणी आरोपी योगेशला कलम ३०७ अन्वये पाच वर्षे आणि ३९२ अन्वये तीन वर्षांच्या कारावासाची शिक्षा सुनावली. त्या शिक्षेला आरोपीने उच्च न्यायालयात आव्हान दिले. त्यावर न्या. विनय देशपांडे यांच्या एकलपीठासमोर सुनावणी झाली. तेव्हा न्यायालयाने ज्येष्ठ नागरिकांच्या सुरक्षेबाबत चिंता व्यक्त करीत आरोपीची याचिका फेटाळून लावली. सरकारच्यावतीने सहायक सरकारी वकील राजेश नायक यांनी बाजू मांडली.
घरात एकट्या राहणाऱ्या ज्येष्ठ नागरिकांची सुरक्षा धोक्यात आलेली आहे. त्यास्थितीत एकट्या महिलेवर प्राणघातक हल्ला करणाऱ्या गुन्हेगाराला कोणतीही दया दाखवता येणार नाही, असे नमूद करीत मुंबई उच्च न्यायालयाच्या नागपूर खंडपीठाने आरोपीला दणका दिला. तसेच त्याने शिक्षेला दिलेले आव्हान फेटाळून लावले.
उपराजधानीत गेल्या काही वर्षात एकटे राहणाऱ्या वयोवृद्ध नागरिकांवर हल्ले करण्याचे प्रमाण वाढले आहे. मुले नोकरीनिमित्त मुंबई, पुणे अथवा परदेशात गेल्याने वृद्धांना एकटेच घरात रहावे लागत आहे. अशा वृद्धांना हेरून त्यांच्या घरात चोरी करण्यात येते. तर वृद्धांनी विरोध केल्यास त्यांना ठारदेखील मारण्याच्या घटना घडल्या आहेत. त्या घटनांच्या पार्श्वभूमीवर न्यायालयाने रामदासपेठ येथील डॉ. रेखा भिवापूरकर यांच्यावर प्राणघातक हल्ला करणाऱ्या आरोपी योगेश इघे याला दिलासा देण्यास नकार दिला.
कुंभारटोली येथील निवासी राजेश इघे याने ११ सप्टेंबर २०१३ रोजी रामदासपेठ येथे राहणाऱ्या डॉ. रेखा राजन भिवापूरकर यांच्या घरी चोरी करण्याचा प्रयत्न केला. डॉ. भिवापूरकर यांचा मुलगा आशिष हा मुंबईत नोकरी करीत होता, तर त्यांची मुलगी शिल्पा या सिव्हिल लाइन्स येथे सासरी राहात होत्या. रात्री योगेशने भिवापूरकर यांच्या घरात घुसून चोरी करण्याचा प्रयत्न केला. तसेच भिवापूरकर यांच्या बेडरूममध्ये गेल्यावर तेथील वस्तू चोरत होता. तेव्हा डॉ. रेखा यांना जाग आली. त्यांनी आरोपीला बघताच आरडाओरड केली. तेव्हा योगेशने त्यांचा गळा दाबून त्यांना ठार मारण्याचा प्रयत्न केला. स्वतःचा बचाव करण्यासाठी डॉ. रेखा यांनी योगेशच्या हाताला चावा घेतला आणि त्याला लाथ मारून पाडले. तसेच संधी साधून घरातून बाहेर येत चौकीदार व शेजाऱ्यांना आवाज दिला. डॉ. रेखा यांच्या आवाजाने परिसरातील नागरिक गोळा झाले. तेव्हा आरोपी योगेश हा पहिल्या मजल्यावर दडून बसला. त्याने तेथून पलायन करण्याचा प्रयत्न केला असला नागरिकांनी त्याला पकडले आणि पोलिसांच्या स्वाधीन केले. याप्रकरणी आरोपी योगेशला कलम ३०७ अन्वये पाच वर्षे आणि ३९२ अन्वये तीन वर्षांच्या कारावासाची शिक्षा सुनावली. त्या शिक्षेला आरोपीने उच्च न्यायालयात आव्हान दिले. त्यावर न्या. विनय देशपांडे यांच्या एकलपीठासमोर सुनावणी झाली. तेव्हा न्यायालयाने ज्येष्ठ नागरिकांच्या सुरक्षेबाबत चिंता व्यक्त करीत आरोपीची याचिका फेटाळून लावली. सरकारच्यावतीने सहायक सरकारी वकील राजेश नायक यांनी बाजू मांडली.