म. टा. प्रतिनिधी नागपूर
अभंग, भावगीतापासून ते थेट युगल गीतापर्यंत सगळ्याच भावनांना सप्तसुरात गुंफणाऱ्या ‘सूरसप्तका’ने गुरुवारी हिंदुस्थान कॉलनीतील नागरिकांना दिवाळीची अप्रतिम भेट दिली. आईच्या महतीपासून ते साईच्या भक्तीपर्यंत सगळ्यांचा आनंद देत एका अविस्मरणीय पहाटेची नोंद यानिमित्ताने केली गेली.
दीपोत्सवास प्रारंभ झाला आहे. घरे रोशणाईने न्हाऊन निघाली आहेत. हे वातावरण अधिकाधिक मंगलमय करण्यासाठी सगळीकडे दिवाळी पहाटेचे सूर गुंजत आहेत. वर्धा मार्गावरील सिटी प्रीमिअर कॉलेजच्या प्रांगणात साई मंदिरासमोर, ‘सूरसप्तक’ दिवाळी पहाटचे आयोजन करण्यात आले होते. संकल्पना सुचित्रा कातरकर यांची तर निर्मिती प्रा. पद्मजा सिन्हा व ऋचा येनूरकर यांची होती.
मंगलमय वातावरणात, विजय देशपांडे यांच्या ‘सूर निरागस’पासून सुरू झालेली पहाट उत्तरोत्तर रंगत गेली. सुचित्रा कातरकर, अश्विनी लुले, ऋचा येनूरकर, आनंद भगत, प्रा. निसर्गराज, आशिष घाटे व प्रा. पद्मजा सिन्हा यांनी मराठी व हिंदी भाषेतील बहारदार गीते सादर केली. त्याला परिमल जोशी, रवी सातफळे, आशिष घाटे, महेंद्र वातुडकर यांची उत्तम वाद्यसंगत लाभलली. आशिष घाटे यांनी गायलेली ‘आई माझी ओवी, आई अभंग’ ही कविता अप्रतिमच होती. अश्विनी लुले यांनी ‘आली माझ्या घरी दिवाळी’ हे गीत सादर करून दिवाळीच्या वातावरणाची निर्मिती केली. ‘मनमोराचा पिसारा’ सुचित्रा कातरकर यांनी आपल्या मंजुळ स्वरात व्यवस्थित फुलवला. ‘पहाटे पहाटे’ आलेली जाग येनूरकर यांनी सत्कारणी लावली. सिन्हा यांचे ‘ मिलती है जिंदगी में’ आणि प्रा. निसर्ग राज यांचे ‘लिखे जो खत’ भाव खाऊन गेले.
कल्चर क्लबवर उड्या
सांस्कृतिक क्षेत्रातील बातम्यांसाठी अग्रगण्य असलेल्या ‘महाराष्ट्र टाइम्स’च्या ‘कल्चरल क्लब’च्या उपक्रमांना गुरुवारी दिवाळी पहाटच्या निमित्ताने प्रारंभ झाला. प्रतापनगर येथे लोकांनी रांगा लावून अर्ज स्वीकारले.
अभंग, भावगीतापासून ते थेट युगल गीतापर्यंत सगळ्याच भावनांना सप्तसुरात गुंफणाऱ्या ‘सूरसप्तका’ने गुरुवारी हिंदुस्थान कॉलनीतील नागरिकांना दिवाळीची अप्रतिम भेट दिली. आईच्या महतीपासून ते साईच्या भक्तीपर्यंत सगळ्यांचा आनंद देत एका अविस्मरणीय पहाटेची नोंद यानिमित्ताने केली गेली.
दीपोत्सवास प्रारंभ झाला आहे. घरे रोशणाईने न्हाऊन निघाली आहेत. हे वातावरण अधिकाधिक मंगलमय करण्यासाठी सगळीकडे दिवाळी पहाटेचे सूर गुंजत आहेत. वर्धा मार्गावरील सिटी प्रीमिअर कॉलेजच्या प्रांगणात साई मंदिरासमोर, ‘सूरसप्तक’ दिवाळी पहाटचे आयोजन करण्यात आले होते. संकल्पना सुचित्रा कातरकर यांची तर निर्मिती प्रा. पद्मजा सिन्हा व ऋचा येनूरकर यांची होती.
मंगलमय वातावरणात, विजय देशपांडे यांच्या ‘सूर निरागस’पासून सुरू झालेली पहाट उत्तरोत्तर रंगत गेली. सुचित्रा कातरकर, अश्विनी लुले, ऋचा येनूरकर, आनंद भगत, प्रा. निसर्गराज, आशिष घाटे व प्रा. पद्मजा सिन्हा यांनी मराठी व हिंदी भाषेतील बहारदार गीते सादर केली. त्याला परिमल जोशी, रवी सातफळे, आशिष घाटे, महेंद्र वातुडकर यांची उत्तम वाद्यसंगत लाभलली. आशिष घाटे यांनी गायलेली ‘आई माझी ओवी, आई अभंग’ ही कविता अप्रतिमच होती. अश्विनी लुले यांनी ‘आली माझ्या घरी दिवाळी’ हे गीत सादर करून दिवाळीच्या वातावरणाची निर्मिती केली. ‘मनमोराचा पिसारा’ सुचित्रा कातरकर यांनी आपल्या मंजुळ स्वरात व्यवस्थित फुलवला. ‘पहाटे पहाटे’ आलेली जाग येनूरकर यांनी सत्कारणी लावली. सिन्हा यांचे ‘ मिलती है जिंदगी में’ आणि प्रा. निसर्ग राज यांचे ‘लिखे जो खत’ भाव खाऊन गेले.
कल्चर क्लबवर उड्या
सांस्कृतिक क्षेत्रातील बातम्यांसाठी अग्रगण्य असलेल्या ‘महाराष्ट्र टाइम्स’च्या ‘कल्चरल क्लब’च्या उपक्रमांना गुरुवारी दिवाळी पहाटच्या निमित्ताने प्रारंभ झाला. प्रतापनगर येथे लोकांनी रांगा लावून अर्ज स्वीकारले.