नेताजींबाबतच्या ‘त्या’ फाइल अभ्यासा

नागपूर : नेताजी सुभाषचंद्र बोस यांच्या मृत्यूसंदर्भात केंद्र सरकारने नुकत्याच सार्वजनिक केलेल्या २२५ फाईल्समधील माहितीचा अभ्यास करून त्याची माहिती सादर करावी, अशी सूचना मुंबई हायकोर्टाच्या नागपूर खंडपीठाने अॅड. अक्षय सुदामे यांना केली आहे.

नेताजी सुभाषचंद्र बोस यांच्या गुढ हत्येची सखोल चौकशी करावी, अशी विनंती करणारी जनहित याचिका अमराती येथील प्रा. शरचंद्र पाध्ये यांनी हायकोर्टात सादर केली आहे. त्यावर न्या. भूषण धर्माधिकारी आणि न्या. इंदिरा जैन यांच्या खंडपीठासमोर सुनावणी झाली आहे. पंतप्रधान कार्यालयाने नुकतेच नेताजी सुभाषचंद्र बोस यांच्या मृत्यूसंदर्भातील २२५ राष्ट्रीय पुरातर्तंव संग्रहालयाच्या वेबसाइटवर अपलोड केलेल्या आहेत. सरकारने सदर माहिती सार्वजनिक केल्यामुळे आता जनहित याचिका निकाली काढावी काय, असा सवाल हायकोर्टाने केला. तेव्हा याचिकाकर्त्याच्या वतीने युक्तिवाद करताना अॅड. सुदामे यांनी सदर माहिती तपासून पाहणे आवश्यक असल्याचे कोर्टाला सांगितले. तेव्हा त्या फाईल्समधील माहितीचा अभ्यास करावा आणि त्या माहितीचा जनहित याचिकेवर काय प्रभाव पडतो आहे ते सांगावे, अशी सूचना हायकोर्टाने केली आहे.