म. टा. प्रतिनिधी, नागपूर
यवतमाळ जिल्ह्यातील वणी येथे होऊ घातलेल्या विदर्भ साहित्य संघाच्या ६६ व्या विदर्भ साहित्य संमेलनाच्या अध्यक्षपदी ज्येष्ठ कवी सुधाकर गायधनी यांची सर्वानुमते निवड करण्यात आली आहे. १९ ते २१ जानेवारी २०१८ दरम्यान विदर्भ साहित्य संघाच्या वणी शाखेतर्फे हे संमेलन घेतले जाणार आहे.
सुधाकर गायधनी यांचे सहा कवितासंग्रह, दोन आधुनिक महाकाव्य, तीन नाटक आणि अनेक नभोनाटक प्रकाशित आहेत. ‘देवदूत’ हा त्यांचा अत्यंत गाजलेला काव्यसंग्रह असून, त्याला शासनाचा उत्कृष्ट वाङ्मय पुरस्कार, साहित्य अकादमीची प्रवासवृत्ती, मसापच्या कविवर्य नारायण सुर्वे साहित्य पुरस्कार प्राप्त झाला आहे. विविध विद्यापीठातील अभ्यासक्रात त्यांच्या कवितांचा समावेश करण्यात आला आहे.
विदर्भ साहित्य संघाच्या केंद्रीय कार्यकारिणीचे ज्येष्ठ सदस्य माधव सरपटवार यांच्या नेतृत्वात होणाऱ्या या संमेलनात संपूर्ण विदर्भातून सुमारे १५० लेखक, कवी, वक्ते सहभागी होणार असून, दोन ते तीन हजार रसिक उपस्थित राहण्याची शक्यता आहे. ग्रंथदिंडी, परिसंवाद, कथाकथन, कविसंमेलन, प्रकट मुलाखत, सांस्कृतिक कार्यक्रमांचे आयोजन करण्यात येणार आहे.
विदर्भ साहित्य संघाच्यावतीने ज्येष्ठ कवी सुधाकर गायधनी व त्यांच्या पत्नी देवयानी गायधनी यांचा सत्कार करण्यात आला. याप्रसंगी विदर्भ साहित्य संघाचे कार्याध्यक्ष वामन तेलंग, सरचिटणीस विलास मानेकर, संमेलन समिती आमंत्रक शुभदा फडणवीस, माधव सरपटवार व संमेलनाचे स्वागताध्यक्ष नामदार संजीव रेड्डी यांची उपस्थिती होती.
यवतमाळ जिल्ह्यातील वणी येथे होऊ घातलेल्या विदर्भ साहित्य संघाच्या ६६ व्या विदर्भ साहित्य संमेलनाच्या अध्यक्षपदी ज्येष्ठ कवी सुधाकर गायधनी यांची सर्वानुमते निवड करण्यात आली आहे. १९ ते २१ जानेवारी २०१८ दरम्यान विदर्भ साहित्य संघाच्या वणी शाखेतर्फे हे संमेलन घेतले जाणार आहे.
सुधाकर गायधनी यांचे सहा कवितासंग्रह, दोन आधुनिक महाकाव्य, तीन नाटक आणि अनेक नभोनाटक प्रकाशित आहेत. ‘देवदूत’ हा त्यांचा अत्यंत गाजलेला काव्यसंग्रह असून, त्याला शासनाचा उत्कृष्ट वाङ्मय पुरस्कार, साहित्य अकादमीची प्रवासवृत्ती, मसापच्या कविवर्य नारायण सुर्वे साहित्य पुरस्कार प्राप्त झाला आहे. विविध विद्यापीठातील अभ्यासक्रात त्यांच्या कवितांचा समावेश करण्यात आला आहे.
विदर्भ साहित्य संघाच्या केंद्रीय कार्यकारिणीचे ज्येष्ठ सदस्य माधव सरपटवार यांच्या नेतृत्वात होणाऱ्या या संमेलनात संपूर्ण विदर्भातून सुमारे १५० लेखक, कवी, वक्ते सहभागी होणार असून, दोन ते तीन हजार रसिक उपस्थित राहण्याची शक्यता आहे. ग्रंथदिंडी, परिसंवाद, कथाकथन, कविसंमेलन, प्रकट मुलाखत, सांस्कृतिक कार्यक्रमांचे आयोजन करण्यात येणार आहे.
विदर्भ साहित्य संघाच्यावतीने ज्येष्ठ कवी सुधाकर गायधनी व त्यांच्या पत्नी देवयानी गायधनी यांचा सत्कार करण्यात आला. याप्रसंगी विदर्भ साहित्य संघाचे कार्याध्यक्ष वामन तेलंग, सरचिटणीस विलास मानेकर, संमेलन समिती आमंत्रक शुभदा फडणवीस, माधव सरपटवार व संमेलनाचे स्वागताध्यक्ष नामदार संजीव रेड्डी यांची उपस्थिती होती.