म. टा. प्रतिनिधी, नागपूर
बाजीराव नावाचा तरुण वाघ अज्ञात वाहनाच्या धडकेत ठार झाला. शुक्रवारी रात्री अमरावती महामार्गावरील वाडीपासून १३ कि. मी. अंतरावर घडलेल्या या घटनेने खळबळ उडाली आहे. तो कळमेश्वरकडून बोर वनपरिक्षेत्राकडे जात असताना ही दुर्दैवी घटना घडली.
सातनवरी व बाजारगावच्या मध्ये पार्कर, पिक्स कंपनीजवळ असलेल्या जंगल परिसरातून संध्याकाळी ७ वाजताच्या सुमारास हा वाघ रस्ता ओलांडत असताना अचानक एका भरधाव अज्ञात वाहनाने त्याला जोरदार धडक दिली. या धडकेत बाजीराव जागीच ठार झाला. धडक दिल्यानंतर हे वाहन पसार झाले.
दरम्यान, नागरिक, वाहनधारकांना ही घटना समजली तेव्हा ती पाहण्यासाठी गर्दी जमा जमली. कुणीतरी याची सूचना वनविभागाला देताच वनाधिकारी तिवारी व वनकर्मचारी तातडीने घटनास्थळी पोहोचले. त्यांनी दुर्घटनेचा व वाघाच्या मृतदेहाचा पंचनामा करीत मृतदेह उत्तरीय तपासणीसाठी ताब्यात घेऊन नागपूरला पाठविला. सूत्रांकडून मिळत असलेल्या माहितीनुसार, वाहनाच्या धडकेत ठार झालेला हा वाघीण कळमेश्वर ते बोर या अभयारण्य परिसरातील असल्याचे सांगितले जात आहे. पिक्स कारखान्याजवळ गेल्या दोन आठवड्यांपासून दर दोन दिवसांआड हा वाघ घुटमळत होता. काही जणांना रात्रीच्या वेळी तो दृष्टीसही पडला होता. मात्र, वाघिणीने पाळीव जनावरांवर कुठेही परिसरात हल्ला केल्याची घटना घडली नाही. ही दुर्घटना कळमेश्वर वनपरिक्षेत्र परिसरात घडली. यावेळी उपवनसंरक्षक जी. मल्लिकार्जुन, सहायक वनसंरक्षक क्षीरसागर, वनपरिक्षेत्र अधिकारी नीलेश गावंडे, मानद वन्यजीवरक्षक कुंदन हाते यांनी घटनास्थळी पोहोचून पंचनामा केला.
वाहनाने दिलेल्या जोरदार धडकेत ठार झालेल्या या तरुण वाघाला अंतर्गत जखमा झाल्यानंतर रक्तस्राव झाल्याने त्याचा मृत्यू झाला असावा, असे सकृतदर्शनी निदर्शनास येत आहे. प्रत्यक्ष शवविच्छेदनानंतर मृत्यूचे नेमके कारण स्पष्ट होईल. वन्यप्राण्यांना रस्ता ओलांडण्यासाठी जागा (लिटिगेशन मेजर्स) करून द्यावे लागतात. मात्र, वारंवार मागणी करूनही असे मार्ग काढून न देण्यात आल्याने महामार्गावर सातत्याने अशा दुर्घटना घडून वन्य प्राणी बळी पडत असल्याने वन्यजीव प्रेमींमध्ये प्रशासनाविरोधात नाराजीचा सूर
उमटत आहे.
बाजीराव नावाचा तरुण वाघ अज्ञात वाहनाच्या धडकेत ठार झाला. शुक्रवारी रात्री अमरावती महामार्गावरील वाडीपासून १३ कि. मी. अंतरावर घडलेल्या या घटनेने खळबळ उडाली आहे. तो कळमेश्वरकडून बोर वनपरिक्षेत्राकडे जात असताना ही दुर्दैवी घटना घडली.
सातनवरी व बाजारगावच्या मध्ये पार्कर, पिक्स कंपनीजवळ असलेल्या जंगल परिसरातून संध्याकाळी ७ वाजताच्या सुमारास हा वाघ रस्ता ओलांडत असताना अचानक एका भरधाव अज्ञात वाहनाने त्याला जोरदार धडक दिली. या धडकेत बाजीराव जागीच ठार झाला. धडक दिल्यानंतर हे वाहन पसार झाले.
दरम्यान, नागरिक, वाहनधारकांना ही घटना समजली तेव्हा ती पाहण्यासाठी गर्दी जमा जमली. कुणीतरी याची सूचना वनविभागाला देताच वनाधिकारी तिवारी व वनकर्मचारी तातडीने घटनास्थळी पोहोचले. त्यांनी दुर्घटनेचा व वाघाच्या मृतदेहाचा पंचनामा करीत मृतदेह उत्तरीय तपासणीसाठी ताब्यात घेऊन नागपूरला पाठविला. सूत्रांकडून मिळत असलेल्या माहितीनुसार, वाहनाच्या धडकेत ठार झालेला हा वाघीण कळमेश्वर ते बोर या अभयारण्य परिसरातील असल्याचे सांगितले जात आहे. पिक्स कारखान्याजवळ गेल्या दोन आठवड्यांपासून दर दोन दिवसांआड हा वाघ घुटमळत होता. काही जणांना रात्रीच्या वेळी तो दृष्टीसही पडला होता. मात्र, वाघिणीने पाळीव जनावरांवर कुठेही परिसरात हल्ला केल्याची घटना घडली नाही. ही दुर्घटना कळमेश्वर वनपरिक्षेत्र परिसरात घडली. यावेळी उपवनसंरक्षक जी. मल्लिकार्जुन, सहायक वनसंरक्षक क्षीरसागर, वनपरिक्षेत्र अधिकारी नीलेश गावंडे, मानद वन्यजीवरक्षक कुंदन हाते यांनी घटनास्थळी पोहोचून पंचनामा केला.
वाहनाने दिलेल्या जोरदार धडकेत ठार झालेल्या या तरुण वाघाला अंतर्गत जखमा झाल्यानंतर रक्तस्राव झाल्याने त्याचा मृत्यू झाला असावा, असे सकृतदर्शनी निदर्शनास येत आहे. प्रत्यक्ष शवविच्छेदनानंतर मृत्यूचे नेमके कारण स्पष्ट होईल. वन्यप्राण्यांना रस्ता ओलांडण्यासाठी जागा (लिटिगेशन मेजर्स) करून द्यावे लागतात. मात्र, वारंवार मागणी करूनही असे मार्ग काढून न देण्यात आल्याने महामार्गावर सातत्याने अशा दुर्घटना घडून वन्य प्राणी बळी पडत असल्याने वन्यजीव प्रेमींमध्ये प्रशासनाविरोधात नाराजीचा सूर
उमटत आहे.