म. टा. प्रतिनिधी, नागपूर
इंदिरा गांधी वैद्यकीय महाविद्यालय व रुग्णालय (मेयो) असो की, शासकीय वैद्यकीय महाविद्यालय व रुग्णालय (मेडिकल). येथे कधी काय घडेल, याचा नेम नसतो. सतत वादाच्या भोवऱ्यात असलेल्या या दोन्ही रुग्णालयांत आता कर्मचारी वर्षानुवर्षे एकाच ठिकाणी राहण्याच्या हट्टाला पेटले आहेत. वैद्यकीय संचालकांकडून अलीकडेच झालेल्या अंतर्गत बदल्यांविरोधात मेयो, मेडिकलमध्ये कर्मचाऱ्यांनी बंड पुकारले आहे. यातूनच मेयोतील कॅशियर खुर्ची सोडायला तयार नाहीत.
मेयोत एकाच खुर्चीत कॅशियर पदावर गेल्या दहा वर्षांपासून काम सुरू आहे. वारंवार बदलीसंदर्भात पत्र निघाले, परंतु ते जागचे हलले नाहीत. नुकतेच त्यांच्या हाताखाली काम करणाऱ्या एका लिपिकाशी भांडण झाल्यानंतर अधिष्ठाता डॉ. प्रदीप दिक्षित यांनी तत्काळ कॅशियरची रुग्णालयाच्या अंदाजपत्रक विभागात बदली केली. त्यांच्या जागेवर दुसऱ्या एका कर्मचाऱ्याला रुजू होण्याचे आदेशही दिले. परंतु, अधिष्ठातांच्या आदेशाचा कोणताही परिणाम कॅशियरवर झाला नाही. ते खुर्ची सोडायला तयार नाहीत. कॅशियर पदाचा कार्यभार मागण्यासाठी वारंवार कर्मचारी त्यांच्याकडे जातात, परंतु ते कॅशियरपदाचा कार्यभार सोडत नसल्याची माहिती पुढे आली आहे. हे प्रकरण आता वैद्यकीय संचालक डॉ. प्रवीण शिनगारे यांच्याकडे पोहोचणार आहे.
मेडिकल स्टोरचीही स्थिती भीषण
मेडिकलच्या औषधालयात (मेडिकल स्टोर) चार ते पाच फार्मासिस्ट आहेत. यांच्या बदलीसंदर्भात वारंवार विषय छेडला जातो. मात्र, त्यांना बदलीचे नियम लागू नाहीत, असे चित्र दिसते. येथील कर्मचारी वर्षानुवर्षे एकाच खुर्चीवर असल्याने निर्ढावले असल्याची स्थिती आहे. त्यांच्याकडे कोणतीही तक्रार घेऊन गेल्यास तिचे निवारण होत नाही. येथील कर्मचारी सकाळी औषधालयात उशिरा येतात अन् दुपारी गायब राहतात. यासंदर्भातील सर्व लेखाजोखा मेडिकलच्या अधिष्ठात्यांकडे सादर केला आहे. परंतु, अद्याप कारवाई करण्यात आली नाही.
परिचारिकांना हवे लाइट वॉर्ड
बाह्यरुग्ण विभागासह, काही वॉर्डांत अधिक काम आहे. कामाचा अतिरिक्त बोजा असलेल्या वॉर्डातून मुक्ती मिळावी, यासाठी अनेक परिचारिका प्रयत्नशील असतात. ‘लाइट वॉर्डा’त काम करण्यासाठी परिचारिका अर्ज करतात. लाइट वॉर्डात कामाचा ताण कमी असतो. ज्या परिचारिका आजारी आहेत, अशा परिचारिकांना कामाची संधी देण्यासाठी लाइट वॉर्ड असतात. परंतु, अलीकडे लाइट वॉर्डात ड्युटी मिळविण्यासाठी परिचरिकांकडून चिरीमिरी घेतली जात असल्याची माहिती मिळाली आहे. यासंदर्भात नाव न सांगण्याच्या अटीवर वैद्यकीय अधीक्षक कार्यालयातील काही कर्मचाऱ्यांकडून दुजोरा मिळाला आहे. दर महिना, दोन महिन्यांनंतर किंवा सहा महिन्यांनंतर विविध वॉर्डांतून परिचारिकांची बदली होणे आवश्यक आहे. परंतु, अंतर्गत बदली झाल्यानंतरही परिचारिका वॉर्ड सोडण्यास तयार नसल्याची माहिती पुढे आली आहे.
इंदिरा गांधी वैद्यकीय महाविद्यालय व रुग्णालय (मेयो) असो की, शासकीय वैद्यकीय महाविद्यालय व रुग्णालय (मेडिकल). येथे कधी काय घडेल, याचा नेम नसतो. सतत वादाच्या भोवऱ्यात असलेल्या या दोन्ही रुग्णालयांत आता कर्मचारी वर्षानुवर्षे एकाच ठिकाणी राहण्याच्या हट्टाला पेटले आहेत. वैद्यकीय संचालकांकडून अलीकडेच झालेल्या अंतर्गत बदल्यांविरोधात मेयो, मेडिकलमध्ये कर्मचाऱ्यांनी बंड पुकारले आहे. यातूनच मेयोतील कॅशियर खुर्ची सोडायला तयार नाहीत.
मेयोत एकाच खुर्चीत कॅशियर पदावर गेल्या दहा वर्षांपासून काम सुरू आहे. वारंवार बदलीसंदर्भात पत्र निघाले, परंतु ते जागचे हलले नाहीत. नुकतेच त्यांच्या हाताखाली काम करणाऱ्या एका लिपिकाशी भांडण झाल्यानंतर अधिष्ठाता डॉ. प्रदीप दिक्षित यांनी तत्काळ कॅशियरची रुग्णालयाच्या अंदाजपत्रक विभागात बदली केली. त्यांच्या जागेवर दुसऱ्या एका कर्मचाऱ्याला रुजू होण्याचे आदेशही दिले. परंतु, अधिष्ठातांच्या आदेशाचा कोणताही परिणाम कॅशियरवर झाला नाही. ते खुर्ची सोडायला तयार नाहीत. कॅशियर पदाचा कार्यभार मागण्यासाठी वारंवार कर्मचारी त्यांच्याकडे जातात, परंतु ते कॅशियरपदाचा कार्यभार सोडत नसल्याची माहिती पुढे आली आहे. हे प्रकरण आता वैद्यकीय संचालक डॉ. प्रवीण शिनगारे यांच्याकडे पोहोचणार आहे.
मेडिकल स्टोरचीही स्थिती भीषण
मेडिकलच्या औषधालयात (मेडिकल स्टोर) चार ते पाच फार्मासिस्ट आहेत. यांच्या बदलीसंदर्भात वारंवार विषय छेडला जातो. मात्र, त्यांना बदलीचे नियम लागू नाहीत, असे चित्र दिसते. येथील कर्मचारी वर्षानुवर्षे एकाच खुर्चीवर असल्याने निर्ढावले असल्याची स्थिती आहे. त्यांच्याकडे कोणतीही तक्रार घेऊन गेल्यास तिचे निवारण होत नाही. येथील कर्मचारी सकाळी औषधालयात उशिरा येतात अन् दुपारी गायब राहतात. यासंदर्भातील सर्व लेखाजोखा मेडिकलच्या अधिष्ठात्यांकडे सादर केला आहे. परंतु, अद्याप कारवाई करण्यात आली नाही.
परिचारिकांना हवे लाइट वॉर्ड
बाह्यरुग्ण विभागासह, काही वॉर्डांत अधिक काम आहे. कामाचा अतिरिक्त बोजा असलेल्या वॉर्डातून मुक्ती मिळावी, यासाठी अनेक परिचारिका प्रयत्नशील असतात. ‘लाइट वॉर्डा’त काम करण्यासाठी परिचारिका अर्ज करतात. लाइट वॉर्डात कामाचा ताण कमी असतो. ज्या परिचारिका आजारी आहेत, अशा परिचारिकांना कामाची संधी देण्यासाठी लाइट वॉर्ड असतात. परंतु, अलीकडे लाइट वॉर्डात ड्युटी मिळविण्यासाठी परिचरिकांकडून चिरीमिरी घेतली जात असल्याची माहिती मिळाली आहे. यासंदर्भात नाव न सांगण्याच्या अटीवर वैद्यकीय अधीक्षक कार्यालयातील काही कर्मचाऱ्यांकडून दुजोरा मिळाला आहे. दर महिना, दोन महिन्यांनंतर किंवा सहा महिन्यांनंतर विविध वॉर्डांतून परिचारिकांची बदली होणे आवश्यक आहे. परंतु, अंतर्गत बदली झाल्यानंतरही परिचारिका वॉर्ड सोडण्यास तयार नसल्याची माहिती पुढे आली आहे.