म.टा. प्रतिनिधी, नागपूर
देशातील मोठा सांस्कृतिक मेळा ठरलेल्या उज्जैन येथील ‘सिंहस्थ कुंभ’च्या परंपरेचे रेखांकन व छायाचित्रण करण्याच्या उद्देशाने दक्षिण मध्य क्षेत्र सांस्कृतिक केंद्रातर्फे कला शिबिराचे आयोजन करण्यात आले होते. या शिबिरात देशभरातील कलाकारांनी सहभाग घेत २९० कलाकृती तयार केल्या. त्यातील सर्वश्रेष्ठ पाच कलाकृतींच्या विजेत्यांची घोषणा केंद्रातर्फे करण्यात आली.
२२ एप्रिल ते २१ मे दरम्यान उज्जैन येथे सिंहस्थ कुंभ मेळा झाला. या दरम्यान अनेक कलाकारांनी सिंहस्थचे प्रतिबिंब छायाचित्र आणि रेखाचित्रांमध्ये प्रतिबिंबित केले. यात लोककलाकार, पारंपरिक, आदिवासी व समाकालीन चित्रकारांचा समावेश होता. छायाचित्र शिबिरात फोटोग्राफी व व्हिडीओ असे दोन गट करण्यात आले होते. या रेखाचित्र व छायाचित्रांचे परीक्षण अमेरिकेतील कला समीक्षक व चित्रकार पीटर नेगी, आर्ट टुडे गॅलरीचे अभिरक्षक अभय सरदेसाई, नॅशनल गॅलरी ऑफ मॉडर्न आर्टच्या संस्थापक पद्मश्री डॉ. शरयू दोषी यांनी केले. समकालीन चित्रशैलीमध्ये संगीता दत्ता, भूपेंद्र सिंह उपरारिया व शहशाह मित्तल यांची निवड करण्यात आली. पारंपरिक चित्रशैलीसाठी राविश एच. एन. मैसूर, छायाचित्र श्रेणीत राधाकृष्ण राव यांच्या नावाची घोषणा करण्यात आली.
१०१ कलाकृतींचे प्रदर्शन
उत्कृष्ट १०१ कलाकृतींचे प्रदर्शन दक्षिण मध्य केंद्राच्या नीलकमल सभागृहात १४ ते २० ऑगस्टदरम्यान सकाळी ११ ते रात्री ८ या वेळेत खुले राहील. त्यानंतर हे प्रदर्शन दिल्ली येथे १५ ऑक्टोबरपासून आयोजित करण्यात येणार आहे. सिंहस्थ कुंभच्या सांस्कृतिक स्वरूपाचा लेखाजोखा मांडणारे ‘कॉफीटेबल बुक’ दिल्ली येथील प्रदर्शनीदरम्यान प्रकाशित करण्यात येणार आहे, अशी माहिती केंद्राचे संचालक डॉ. पीयूष कुमार यांनी दिली.
दक्षिण मध्यचे रायपूर केंद्र
दक्षिण मध्य क्षेत्र सांस्कृतिक केंद्राच्या रायपूर क्षेत्रीय केंद्राचे उद्घाटन सोमवार, १५ ऑगस्ट रोजी छत्तीसगडचे मुख्यमंत्री डॉ. रमण सिंह यांच्या हस्ते करण्यात येणार आहे. महंत घासीदास स्मारक संग्रहालय परिसर, सिव्हिल लाइन्स, रायपूर येथे सायंकाळी ७ वाजता होणाऱ्या या कार्यक्रमाला छत्तीसगड विधानसभा अध्यक्ष गौरीशंकर अग्रवाल व राज्याचे सांस्कृतिक मंत्री दयाल दास बघेल यांची प्रमुख उपस्थिती राहणार आहे. राज्यपाल बलराम दास टंडन यांच्या विशेष उपस्थितीत होणाऱ्या या कार्यक्रम वडाली बंधूंचे सूफी गायन, महाराष्ट्राच्या शिवमुद्रा ढोलताशा पथकाचे वादन होणार असून सुनील तिवारी कार्यक्रम सादर करतील. पोट्रेट रांगोळीचेदेखील येथे प्रदर्शन आयोजित करण्यात येणार आहे.
देशातील मोठा सांस्कृतिक मेळा ठरलेल्या उज्जैन येथील ‘सिंहस्थ कुंभ’च्या परंपरेचे रेखांकन व छायाचित्रण करण्याच्या उद्देशाने दक्षिण मध्य क्षेत्र सांस्कृतिक केंद्रातर्फे कला शिबिराचे आयोजन करण्यात आले होते. या शिबिरात देशभरातील कलाकारांनी सहभाग घेत २९० कलाकृती तयार केल्या. त्यातील सर्वश्रेष्ठ पाच कलाकृतींच्या विजेत्यांची घोषणा केंद्रातर्फे करण्यात आली.
२२ एप्रिल ते २१ मे दरम्यान उज्जैन येथे सिंहस्थ कुंभ मेळा झाला. या दरम्यान अनेक कलाकारांनी सिंहस्थचे प्रतिबिंब छायाचित्र आणि रेखाचित्रांमध्ये प्रतिबिंबित केले. यात लोककलाकार, पारंपरिक, आदिवासी व समाकालीन चित्रकारांचा समावेश होता. छायाचित्र शिबिरात फोटोग्राफी व व्हिडीओ असे दोन गट करण्यात आले होते. या रेखाचित्र व छायाचित्रांचे परीक्षण अमेरिकेतील कला समीक्षक व चित्रकार पीटर नेगी, आर्ट टुडे गॅलरीचे अभिरक्षक अभय सरदेसाई, नॅशनल गॅलरी ऑफ मॉडर्न आर्टच्या संस्थापक पद्मश्री डॉ. शरयू दोषी यांनी केले. समकालीन चित्रशैलीमध्ये संगीता दत्ता, भूपेंद्र सिंह उपरारिया व शहशाह मित्तल यांची निवड करण्यात आली. पारंपरिक चित्रशैलीसाठी राविश एच. एन. मैसूर, छायाचित्र श्रेणीत राधाकृष्ण राव यांच्या नावाची घोषणा करण्यात आली.
१०१ कलाकृतींचे प्रदर्शन
उत्कृष्ट १०१ कलाकृतींचे प्रदर्शन दक्षिण मध्य केंद्राच्या नीलकमल सभागृहात १४ ते २० ऑगस्टदरम्यान सकाळी ११ ते रात्री ८ या वेळेत खुले राहील. त्यानंतर हे प्रदर्शन दिल्ली येथे १५ ऑक्टोबरपासून आयोजित करण्यात येणार आहे. सिंहस्थ कुंभच्या सांस्कृतिक स्वरूपाचा लेखाजोखा मांडणारे ‘कॉफीटेबल बुक’ दिल्ली येथील प्रदर्शनीदरम्यान प्रकाशित करण्यात येणार आहे, अशी माहिती केंद्राचे संचालक डॉ. पीयूष कुमार यांनी दिली.
दक्षिण मध्यचे रायपूर केंद्र
दक्षिण मध्य क्षेत्र सांस्कृतिक केंद्राच्या रायपूर क्षेत्रीय केंद्राचे उद्घाटन सोमवार, १५ ऑगस्ट रोजी छत्तीसगडचे मुख्यमंत्री डॉ. रमण सिंह यांच्या हस्ते करण्यात येणार आहे. महंत घासीदास स्मारक संग्रहालय परिसर, सिव्हिल लाइन्स, रायपूर येथे सायंकाळी ७ वाजता होणाऱ्या या कार्यक्रमाला छत्तीसगड विधानसभा अध्यक्ष गौरीशंकर अग्रवाल व राज्याचे सांस्कृतिक मंत्री दयाल दास बघेल यांची प्रमुख उपस्थिती राहणार आहे. राज्यपाल बलराम दास टंडन यांच्या विशेष उपस्थितीत होणाऱ्या या कार्यक्रम वडाली बंधूंचे सूफी गायन, महाराष्ट्राच्या शिवमुद्रा ढोलताशा पथकाचे वादन होणार असून सुनील तिवारी कार्यक्रम सादर करतील. पोट्रेट रांगोळीचेदेखील येथे प्रदर्शन आयोजित करण्यात येणार आहे.