म. टा. विशेष प्रतिनिधी, नागपूर
बनावट धनादेशाच्या आधारे तब्बल ३१ लाख ६४ हजार रुपयांनी फसवणूक झालेल्या राष्ट्रसंत तुकडोजी महाराज नागपूर विद्यापीठाच्या खात्यात बँक ऑफ इंडियाने सदर रक्कम जमा केली. त्यामुळे विद्यापीठाला मोठा दिलासा मिळाला आहे.
यवतमाळ येथील महावीर कन्स्ट्रक्शन कंपनीने बँक ऑफ इंडियाचा बनावट धनादेश तयार करून यवतमाळ येथील कॅनरा बँकेच्या खात्यात ३१ लाख ६४ हजार रुपये वळते केले होते. विद्यापीठाच्या वित्त विभागाने फार्मसी विभागाला दिलेल्या एका धनादेशाचा क्रमांक बनावट धनादेशावर नमूद करण्यात आला होता. त्या धनादेशाची शहानिशा न करताच बँक ऑफ इंडियाने यवतमाळ येथील कॅनरा बँकेतील बनावट खात्यात पैसे वळते केले होते. त्याप्रकरणी विद्यापीठाने सीताबर्डी पोलिस ठाण्यात तक्रार दाखल केली होती. दरम्यान, नागपूर विद्यापीठाने बँक ऑफ इंडियाला नोटीस पाठवून ३१ लाख ५६ हजार रुपये परत करण्यात यावे, असे कळविले होते. बँकेच्या खात्यातून इतक्या मोठ्या रकमेला वळते करीत असताना विद्यापीठाला विचारणा का करण्यात आली नाही, असेही त्या नोटीसमध्ये नमूद केले होते. बँक ऑफ इंडियाने झालेली चूक मान्य केली होती. परंतु, विद्यापीठाला रक्कम परत करण्याबाबत काहीही स्पष्टपणे कळविले नव्हते. तेव्हा कुलगुरू डॉ. सिद्धार्थविनायक काणे यांनी बँक ऑफ इंडियातील विद्यापीठाच्या काही कोटींच्या ठेवी रद्द करण्याचा इशारा दिला. तसेच बँक ऑफ इंडियासोबत यापुढे कोणतेही आर्थिक व्यवहार करण्यात येणार नाहीत, अशी समजही देण्यात आली होती. विद्यापीठाने घेतलेल्या कडक भूमिकेमुळे गुरूवारी विद्यापीठाच्या खात्यात रक्कम जमा करण्यात आली आहे.
बनावट धनादेशाच्या आधारे तब्बल ३१ लाख ६४ हजार रुपयांनी फसवणूक झालेल्या राष्ट्रसंत तुकडोजी महाराज नागपूर विद्यापीठाच्या खात्यात बँक ऑफ इंडियाने सदर रक्कम जमा केली. त्यामुळे विद्यापीठाला मोठा दिलासा मिळाला आहे.
यवतमाळ येथील महावीर कन्स्ट्रक्शन कंपनीने बँक ऑफ इंडियाचा बनावट धनादेश तयार करून यवतमाळ येथील कॅनरा बँकेच्या खात्यात ३१ लाख ६४ हजार रुपये वळते केले होते. विद्यापीठाच्या वित्त विभागाने फार्मसी विभागाला दिलेल्या एका धनादेशाचा क्रमांक बनावट धनादेशावर नमूद करण्यात आला होता. त्या धनादेशाची शहानिशा न करताच बँक ऑफ इंडियाने यवतमाळ येथील कॅनरा बँकेतील बनावट खात्यात पैसे वळते केले होते. त्याप्रकरणी विद्यापीठाने सीताबर्डी पोलिस ठाण्यात तक्रार दाखल केली होती. दरम्यान, नागपूर विद्यापीठाने बँक ऑफ इंडियाला नोटीस पाठवून ३१ लाख ५६ हजार रुपये परत करण्यात यावे, असे कळविले होते. बँकेच्या खात्यातून इतक्या मोठ्या रकमेला वळते करीत असताना विद्यापीठाला विचारणा का करण्यात आली नाही, असेही त्या नोटीसमध्ये नमूद केले होते. बँक ऑफ इंडियाने झालेली चूक मान्य केली होती. परंतु, विद्यापीठाला रक्कम परत करण्याबाबत काहीही स्पष्टपणे कळविले नव्हते. तेव्हा कुलगुरू डॉ. सिद्धार्थविनायक काणे यांनी बँक ऑफ इंडियातील विद्यापीठाच्या काही कोटींच्या ठेवी रद्द करण्याचा इशारा दिला. तसेच बँक ऑफ इंडियासोबत यापुढे कोणतेही आर्थिक व्यवहार करण्यात येणार नाहीत, अशी समजही देण्यात आली होती. विद्यापीठाने घेतलेल्या कडक भूमिकेमुळे गुरूवारी विद्यापीठाच्या खात्यात रक्कम जमा करण्यात आली आहे.