म.टा.प्रतिनिधी, नागपूर
उत्तर नागपुरातील अशोकनगर येथील मनपाच्या डॉ. राममनोहर लोहिया वाचनालय व श्रीमती उषाराणी महिला वाचनालय येथे अखेर वॉटर फिल्टर मशिन बसविण्यात आले. विद्यार्थ्यांच्या आंदोलनानंतर ही तरतूद करण्यात आली.
या वाचनालयांत अभ्यास करणाऱ्या शेकडो विद्यार्थ्यांनी आंदोलन करून तेथील अनेक प्रश्नांकडे प्रशासनाचे लक्ष वेधले. यामुळे महापौर व आयुक्तांनाही वाचनालयाला भेट द्यावी लागली. त्यानंतर मूलभूत गरजा पूर्ण करण्याचे आश्वासन देण्यात आले होते. त्यानुसार आतापर्यंत दूषित पाणी पिणाऱ्या विद्यार्थ्यांसाठी आंदोलनानंतर वॉटर फिल्टर मशिन लावण्यात आली. यामुळे विद्यार्थ्यांमध्ये आनंदाचे वातावरण आहे.
उत्तर नागपुरातील हे सर्वांत मोठे वाचनालय २४ तास सुरू असते. येथे ४०० ते ५०० विद्यार्थी दररोज अध्ययनाकरिता येतात. मनपाच्या हलगर्जीपणामुळे गेल्या अनेक वर्षांपासून विद्यार्थांना वाचनालयात पाहिजे त्या सुविधा मिळत नव्हत्या. अनेकदा तक्रार करूनही विद्यार्थ्यांच्या समस्येकडे स्थानिक प्रशासनाचे कमालीचे दुर्लक्ष झाले होते. वाचनालयातील पिण्याच्या पाण्यात नेहमीच जंतू दिसायचे. यामुळे विद्यार्थ्यांनी आसीनगर झोनचे सहायक आयुक्त विजय हुमणे यांच्याकडे तक्रार केली. मात्र, त्यांना हुमणे यांनी वाईट पद्धतीची वागणूक दिल्याने विद्यार्थ्यांनी संतप्त होत थेट मनपा कार्यालय गाठले व महापौर, आयुक्तांना गळ घातली. सोबतच स्थायी समिती सभापती संदीप जाधव यांनाही समस्या सोडविण्याचे निवेदन दिले होते. आंदोलनानंतर अखेर बुधवारी वाचनालयात नवीन पाण्याचे कूलिंग मशिन आली. यू. व्ही. वॉटर सिस्टीमही लागली. इलेक्ट्रिक फिटिंगचे काम सुरू असून, काही दिवसांत शौचालयाची दुरुस्ती आणि वाचनालय परिसरात फ्लोरिंग आदी कामे सुरू करण्यात येणार असल्याचे आसीनगर झोनचे कनिष्ठ अभियंता रंगारी यांनी विद्यार्थ्यांना सांगितले.
उत्तर नागपुरातील अशोकनगर येथील मनपाच्या डॉ. राममनोहर लोहिया वाचनालय व श्रीमती उषाराणी महिला वाचनालय येथे अखेर वॉटर फिल्टर मशिन बसविण्यात आले. विद्यार्थ्यांच्या आंदोलनानंतर ही तरतूद करण्यात आली.
या वाचनालयांत अभ्यास करणाऱ्या शेकडो विद्यार्थ्यांनी आंदोलन करून तेथील अनेक प्रश्नांकडे प्रशासनाचे लक्ष वेधले. यामुळे महापौर व आयुक्तांनाही वाचनालयाला भेट द्यावी लागली. त्यानंतर मूलभूत गरजा पूर्ण करण्याचे आश्वासन देण्यात आले होते. त्यानुसार आतापर्यंत दूषित पाणी पिणाऱ्या विद्यार्थ्यांसाठी आंदोलनानंतर वॉटर फिल्टर मशिन लावण्यात आली. यामुळे विद्यार्थ्यांमध्ये आनंदाचे वातावरण आहे.
उत्तर नागपुरातील हे सर्वांत मोठे वाचनालय २४ तास सुरू असते. येथे ४०० ते ५०० विद्यार्थी दररोज अध्ययनाकरिता येतात. मनपाच्या हलगर्जीपणामुळे गेल्या अनेक वर्षांपासून विद्यार्थांना वाचनालयात पाहिजे त्या सुविधा मिळत नव्हत्या. अनेकदा तक्रार करूनही विद्यार्थ्यांच्या समस्येकडे स्थानिक प्रशासनाचे कमालीचे दुर्लक्ष झाले होते. वाचनालयातील पिण्याच्या पाण्यात नेहमीच जंतू दिसायचे. यामुळे विद्यार्थ्यांनी आसीनगर झोनचे सहायक आयुक्त विजय हुमणे यांच्याकडे तक्रार केली. मात्र, त्यांना हुमणे यांनी वाईट पद्धतीची वागणूक दिल्याने विद्यार्थ्यांनी संतप्त होत थेट मनपा कार्यालय गाठले व महापौर, आयुक्तांना गळ घातली. सोबतच स्थायी समिती सभापती संदीप जाधव यांनाही समस्या सोडविण्याचे निवेदन दिले होते. आंदोलनानंतर अखेर बुधवारी वाचनालयात नवीन पाण्याचे कूलिंग मशिन आली. यू. व्ही. वॉटर सिस्टीमही लागली. इलेक्ट्रिक फिटिंगचे काम सुरू असून, काही दिवसांत शौचालयाची दुरुस्ती आणि वाचनालय परिसरात फ्लोरिंग आदी कामे सुरू करण्यात येणार असल्याचे आसीनगर झोनचे कनिष्ठ अभियंता रंगारी यांनी विद्यार्थ्यांना सांगितले.